Kurdî  ■  كوردی  ■  عربي
WED, 28 SEP 2022 00:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Wezareta Pêşmerge: Eger şer di navbera Tirkiye û PKKê de hebe, divê meydana şer li hindurê Tirkiyê be
| KDP.info


Hewlêr-KDP.info- Serokatiya Erkana Wezareta Pêşmerge ya Hikûmeta Herêma Kurdistanê di daxuyaniyekê de ragihand, PKK nikare şerê hêzên Tirkiyê bike û bi berdewamî navçeyên sînorî yên Herêma Kurdistanê ji hêzên Tirkiyê re vala dike û hêzên Tirkiyê lê bi cih dibin.

Serokatiya Erkana Wezareta Pêşmerge ragihand: “Ji heyama çend rojan ve, careke din medyayên ser bi PKKê ve dest bi helmeteke xapandinê ya li dijî hêzên Pêşmergeyê Kurdistanê kirine û wiha belav dikin ku hêzên Pêşmergeyên Kurdistanê li navçeyên çiyayên Amêdiyê û Zapê rê ji artêşa Tirkiyê re xweş kirine ji bo şerê PKKê bike.”

Di daxuyaniyê de hatiye: “Herêma Kurdistanê statyoyeke destûrî û siyasî ye û Herêma Kurdistanê berhemê xebat û qurbanîdana gelê Kurdistanê ye. Ji dema ku Herêma Kurdistanê dirust bûye, PKK herdem çavkaniya gef û serêşiyan ji xelkê Kurdistanê re bûye û bi neheqî bûye rêgir li pêş avedankirina bi sedan gundan. PKKê rê daye xwe ku nav û nîşanên navçe, çiya û geliyên Herêma Kurdistanê biguhêre û navên ecêb û biyan li wan navçeyan bike. Herwiha di kareke nemirovane û dijî jîngehê de, çekdarên PKKê rê, gelî, kanî û daristanên Herêma Kurdistanê bombe kirine ku ev jî metirsiyeke mezin li ser jiyana xelkê asayî, kasibkar û gundiyan dirust kiriye. Her ji ber hebûna neyasayî ya PKKê li ser xaka Herêma Kurdistanê, beşeke mezin ji xelkê navçeyên sînorî ji mal û milkên xwe bar kirine.”

Serokatiya Erkana Wezareta Pêşmerge di xaleke din a daxuyaniya xwe de dibêje: “PKK nikare şerê hêzên Tirkiyê bike û bi berdewamî navçeyên sînorî ji hêzên Tirkiyê re vala dike û hêzên Tirkiyê li dû xwe tîne. Eger hevrikî û şer di navbera Tirkiye û PKKê de hebe, divê meydana şer li navxweya Tirkiyê be.”

Di daxuyaniyê de wiha hatiye: “Medyaya PKKê çend wêneyên otomobîlên hêza Pêşmergeyên Kurdistanê ji dûr ve belav kirine û îdia dikin ku hêzên Pêşmergeyên Kurdistanê rê ji hêzên Tirkiyê re xweş kiriye. Jibilî ku ew îdîa ti bingeheke wê tune ye, em radigihînin jî ku hêza Pêşmergeyên Kurdistanê mafê wê ye li ser xaka xwe desthilata xwe bikar bîne û erkên xwe bike û parastina xelk û xaka Kurdistanê bike. Lê pirs ew e, hêzên PKKê bi çi heqî li ser xaka Herêma Kurdistanê ne û destê hêzên Tirkiyê li dû xwe dikşînin? Ji bo çi naçin hindurê Tirkiyê û gef û serêşiyê ji xelkê Kurdistanê re çêdikin?.”

 




Nûçeyên din

Mesrûr Barzanî: Em hêvî dikin şerê sînorê Zaxo bidawî were û hurmetê ji ax û serweriya me re bigrin

TUESDAY, 27 SEPTEMBER 2022 15:09:50

Zaxo-KDP.info- Îro Sêşemê bi amadebûna Serokê Hikûmeta Herêma Kurdistanê Mesrûr Barzanî ve merasîma danîna xîm û berê bingehîn ê çend projeyên xizmetguzariyê li sînorê îdareya Serbixwe ya Zaxo bi qasî 26 milyar û nîv dînaran birêve çû û Serokê Hikûmetê jî gotarek pêşkeş kir û di gotara xwe de got: “Mixabin ew şer û pevçûnên ku li navçeyên sînorî yên Zaxo hene, bûne sebeba wê yekê ku em nikaribin gelek gundên xwe avedan bikin. Lewma em hêvî dikin ew şer bidawî were û hurmetê ji serwerî û axa me re bigrin.”

 
Serok Barzanî di salvegera Referandûma Serxwebûna Kurdistanê de: Tarîtiya şevê her divê biçe

SUNDAY, 25 SEPTEMBER 2022 17:09:29

Hewlêr-KDP.info- Serok Mesûd Barzanî bi boneya pêncem salvegera Referandûma Serxwebûna Kurdistanê li ser tora xwe ya civakî Twitterê peyamek belav kir.

 
Nêçîrvan Barzanî pêşwazî li Konsulê Giştî yê Koreya Başûr kir

SUNDAY, 25 SEPTEMBER 2022 17:09:06

Hewlêr-KDP.info- Serokê Herêma Kurdistanê Nêçîrvan Barzanî îro 25ê Îlona 2022an pêşwazî li Konsolê Giştî yê nû yê Koreya Başûr li Herêma Kurdistanê Cho Kijoung kir.

 
Nêçîrvan Barzanî beşdariya merasima cejna Neteweyî ya Erebistana Siûdî kir

SATURDAY, 24 SEPTEMBER 2022 00:09:58

Birêz Nêçîrvan Barzanî Serokê Herêma Kurdistanê, êvariya roja înê 23.09.2022ê li bajarê Hewlêrê, beşdariya merasima 92. emîn salvegera roja Niştimanî ya Şahnişîna Erebistana Siûdî kir ku, ji aliyê Konsolxaneya Giştî ya Erebistana Siûdî ve li Hewlêrê hatibû amadekirin.

Mesrûr Barzanî spasiya piştevaniya Amerîkayê bo hêzên Pêşmerge kir

WEDNESDAY, 21 SEPTEMBER 2022 15:09:53

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li Alîkara Wezîrê Berevaniyê yê Amerîka bo Karûbarên Asayişa Navdewletî Celeste Wallender kir.

 


 
© 2022 Kurdistan Democratic Party, KDP

Contact