Kurdî  ■  كوردی  ■  عربي
THU, 18 AUG 2022 07:26 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

‎Serok Barzanî: Şehîdkirina 8 hezar Barzaniyan karesateke pir mezin bû, birîneke pir kûr e û nayê jibîrkirin
| KDP.info


Barzan-KDP.info- Îro Yekşema 31ê temmuza 2022 li Barzan Serok Mesûd Barzanî beşdariya rêwresma biaxspartina rufatên 100 şehîdên jenosaydkiriyên Barzanî kir û gotatek pêşkêş kir û ragihand: “Şehîdkirina 8 hezar Barzaniyan karesateke pir mezin bû, birîneke pir kûr e û nayê jibîrkirin.”

Ev jî naveroka wê gotarê ye:

Bi navî xwedayê mezin û dilovan

Mêhvanên birêz...

Hemû aliyek bixêrhatin serseran û serçawan.

Dîsa careke din birîna me ya kûr nûbûn, îro em pêşwaziyê li rufata 100 şehîdên dinê ji wan heşt hezar şehîdên bê tawan û mezlume ku bi destê zalim û dîktator hatin şehîd kirin, îro em pêşwaziyê li wan dikîn.
Gumana min nîne ku giyana pakê wan şehîdan, berî rufatê wan vegerin ser warê bab û bapîrên wan, ruhê wan hatiye.

Ew pêşwaziya germa doh şev li rufata wan şehîdan hate kirin her li Hewlêr heta gihîştin vir (Barzan), nîşana eweye ku peywendiyeke ruhî heye li navbera vî mîlletî û şehîdên wan. Ewe jî nîşan dide ku şehîdên me gelek bi qedir û ezîzîn li cem me.

Li rojeke wekî îro, berî 39 salan rejîma dîktatorî ya Be'es bi awayeke dirindane heşt hezar kesên bê tawan rapêçan çol û biyabanên Başurê Iraqê, zarokên 12 salan û heta pîremêrên 90 salî li nav wan da bûn, ewan hîç tawanek nebû, gunahê wan li cem wan zaliman tenê ewe bû ku Barzanî bûn, ewê ji bo xatirê navê Barzanî bê şehîd kirin, şehîdeke gelek mezine.

Dijmin gelek car dilê xwe bi wê yekê xweşkirine ku Barzanî temambûn, her li sala 1892 heta îro 16 car devera Barzan û gundê Barzan hatiye şewitandin û wêran kirin, hemû car jî ew mîllete milê xwe daye ber, xwe radestî zordaran nekiriye û warê xwe avadan kirine, ew îman û ew baweriya bi hêz li her du qutbe mezinan û mewlayan û mezinên me ji bo me mane, şehîdê mezin Şêx Abdulselam Barzanî, qutbê mezin Şêx Ehmed Barzanî, şehîdê yekem ku rêya şehadetê hilbijart kurê vî mîlletî û peyrewên wî ew jî wê rêyê hilbijart ku şehîdê mezin, şêxê mezin, Şêx Abdulselam Barzanî bu. Ewe demjimêreke ji ber wê germayê, tesewir bikin ku çend zehmete yazdeh û donzdeh salan mewlayê me û xudanê me, Şêx Ehmed Barzanî bi kot û zincîr li zîndana Bexda bergeyê girt û serê xwe ji bo dijminan neçemand, peyrew û murîdên wî jî li ser heman rêyê diçin, şehîdkirina heşt hezar kesan karesateke gelek mezine, birîneke gelek kûre û nayê ji bîr kirin.

Li vir da bi erk dizanim, ku balê bikşînim li ser rola wan dayikên qehreman, ewên ku nehiştin zarokên wan hest bi valahî û bi bê baviyê bikin, karkeriyê kirin û bi keda destên xwe zarokên pêgihandin, beşeke zêdeyê vê monumentê bi destê wan kuran hatiye avakirin ku we wan gihandiye, dibêjim spas, spas kême bo we, lê belê îcaze bidin ew destên ku li nav xolda û ew destên ku bi karkeriyê hemû birîndar bûye, bi şanaziyê ve yek bi yek destên we maç dikîn, şêre jinên, qehreman, we serê me bilind kir, çendî behs bikîn kême, xwîna wan şehîdan zêdetir me rijd dike li vê rêbazê, ji ber ku rêbaza şeref û keramete û rêbaza Şêx Abdulselam Barzanî û Şêx Ehmed Barzaniye.

Gelek hewl hate dan bo hemû rufatên Barzanî û hemû şehîdên dinê enfalê li Germyan heta Badînan, ku ew bêne peydakirin û vegerandin bo warên bab û bapîrên wan û berdewam dibîn li ser hewlên xwe. Encumena Nûnerên Iraqê û Parlemena Kurdistanê û Dadgeha Temîzî ya Bexda, hemû biryarê dan ku eve jenosayde, Hikumeta Iraqê pêdagir kir ku hevkarbê ji bo vegerandina rufatên şehîdan û her wiha qerebûkirina kesukarên şehîdan, hemû malê dinyayê li cem me qîmeta perçe hestiyeke ji hestiyê wan şehîdan nîne, li cem me perçe hestiyeke şehîdan ji hemû malê dinyayê bi qîmettire, lê belê ewe berpirsiyaretiyeke yasayî û exlaqî ya hikumeta Iraqe û tekez li wê yekê dikîn ku pêwîste hikumeta Iraqê bi erkê xwe rabê beramber kesukarên şehîdan, li ser asta navdewletî jî hewlên me berdewam dibin bo ku wê tawanê bi jenosayd binasin li ser asta navdewletî de.

Bi pêwîst dizanim spasiyeke germ li xelkê Hewlêr û dewruberê Hewlêr û Herîr û Batas û Xelîfan û Soran û Dola Biyawe û hemûyan bikim, hem ji bo wan hevkariyên ku kirin gelek kes xwe û mal û zarokên xwe xiste jêr metirsiyê û nemana ji destê rejîmê, çendîn kurên Barzaniyan rizgarkirin. Li Hewlêrê gelek kes hevkariyeke zêde kirin heta ku dayika wan şehîdan bikarin zarokên xwe bi xwedî bikin, em hîç demekê wê başiya wan ji bîr nakîn, xweda padaşta wan bi xêr bide, her wiha bi pêwîst dizanim spasî Mela Mistefa û ew kedkarên li gel da kar dikin bikim ku vê bernameyê û merasîmê bi awayeke rêk û pêk bi cîh gihand.
Dema dîktator gelek bi xiruriyê ve digot "Barzanî gihîştin sizayên xwe, me wan şande cehennemê" îro Barzanî bi serbilindî li nav me ne û ew çû cehennemê û Barzanî li behiştê dan.

Li dawiyê de careke din, ez sersaxiyê li destpêkê de li xwe dikim û paşê li we, her yek ji we li xema ezîzek yan çend ezîzek daye, xema me hemûyan li ser milê me ye.

Ez jî wekî we nizanim ku hîç birayê min, birazayê min, pismamê min, kurên mamên min li nav wan dane, her yek ji wan ji bo min biraye, pismame û birazaye û kurê mame, hemû kes û karên mene.

Xweda hedar û tehemulê dide me.

Xweda şehîdan bi behişt şad bike.

Xweda hevkar bêt..
Wesselamun aleykum”




Nûçeyên din

Mesrûr Barzanî: PDK wek herdem di sengerên pêşî yên berevaniya li rûmeta Kurdistanê de ye

TUESDAY, 16 AUGUST 2022 14:08:10

Hewlêr-KDP.info- Serokwezîrê Herêma Kurdistanê Mesrûr Barzanî bi boneya salvegera damezirandina Partiya Demokrat a Kurdistanê (PDK) û roja jidayikbûna Serok Mesrûd Barzanî de peyamek belav kir û tê de ragihand, “PDKê di qonaxên curbicur ên xebat û tekoşîna xwe de, tevî hemû gef û planên dijmin û nehezan û rojên dijwar ên berxwedanê, ti carî dest ji mafên gelê Kurdistanê bernedaye û bernade.”

 
Seroka Parlamentoya Kurdistanê pîrozbahî li PDKê kir

TUESDAY, 16 AUGUST 2022 14:08:13

Hewlêr-KDP.info- Bi helkefta 76 saliya damezrandina Partiya Demokrata Kurdistanê (PDK) Serokê Parlamentoya Kurdistanê peyameke pîrozbayî pêşkêşî Serok Barzanî û Mekteba Siyasî ya wê partiyê kir.

 
Serok Barzanî: PDK îrade û hêvî û hêz e ji bo hemû xelkê Kurdistanê

TUESDAY, 16 AUGUST 2022 14:08:03

Hewlêr-KDP.info- Serok Mesûd Barzanî bi boneya 76 saliya damezirandina Partiya Demokrata Kurdistanê (PDK) peyamek belav kir û tê de daxwaz ji hemû endamên PDKê kir ku îrade û hêviya wan bihêz be ji ber ku PDK îrade û hêvî û hêz e ji bo hemû xelkê Kurdistanê.

 

PDK bang li aliyên Iraqê kir: Dikarin li ser encamdana hilbijartinên pêşwext lihev bikin

SATURDAY, 13 AUGUST 2022 17:08:25

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de ji hemû aliyên siyasî daxwaz dike, pêngavên cidî, pêwîst û bilez ji bo encamdana gotûbêjeke berhemdar û serkeftî bigrin ber xwe.

 
Peyama Serok Barzanî ya ji bo koça dawî ya Heme Seîd Xefaf

FRIDAY, 12 AUGUST 2022 19:08:54

Bi mixabiniyê ve min nûçeya koça dawî ya kesayetiyê niştimanî û Kurdperwer Kak Heme Seîd Xefaf bihîst. Xwedê jêrazî Heme Seîd Xefaf dostê cenabê Barzaniyê Nemir û hevkareke cewherî yê Partî û Şoreşa Eylûl bû û li wê rêyêda tûşî zehmetî û koçberî û dûrî welat bû. Heme Seîd Xefaf kesayetiyeke dilsoz û xwedî helwest û herdem xizmetguzarê doza gelê xwe bû.

 


 
© 2022 Kurdistan Democratic Party, KDP

Contact