Kurdî  ■  كوردی  ■  عربي
SAT, 2 DEC 2023 22:30 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Heya dawî ji PKKê re naçe serî
| KDP.info


Hawdeng Faruq

PKK, bi salan e ku artêşa Tirkiyê dikşîne nava axa Herêma Kurdistanê û li ti cihekî wî perçeyê Kurdistanê yê ku ji tirsa jê revyaye, şerê artêşa Tirkiyê nekiriye. Li Herêma Kurdistanê jî qonax bi qonax ji ber artêşa Tirkiyê direve û hicetê dixe destê Tirkiyê ku hêza xwe li pey PKKê bişne nava axa Herêma Kurdistanê.

Ev partiya han, ev 40 sal in ku li Bakurê Kurdistanê tenê siloganan bilind dike û zarokên Kurdan bi kuştin dide. Li perçeyên din ên Kurdistanê jî dibe dûvik û darê destê dagîrkeran. Dagîrker jî bi hêsanî PKK li dijî asayişa netewî ya Herêma Kurdistanê bikar tînin.

Li şûna ku PKK hewl bide ji bo parastina berjewendiyên netewî yên Kurdî û xwedî biryareke serbixwe be, ketiye nava gola dijayetiya berjewendiyên niştimanî yên Herêma Kurdistanê.

Ev partiya han, bi belavkirina rêxistineke xerîb û neşaz li ser Çiyayê Şingalê û li navçeyên din ên Herêma Kurdistanê, û bi hevpeymaniya xwe ligel Heşda Şeibî, û bi xizmeta dagîrkeran li dijî Herêma Kurdistanê, berjewendiyên dewletan bicîh tîne.

Herêma Kurdistanê îro pêgeha wê di çarçoveyeke navdewletî de ye. Herêma Kurdistanê ne ewqasî lawaz e ku PKK bixwaze bi zorê ejînda û hêza xwe bi ser de feriz bike, ev jî ew rastî ye ku heya niha PKK ew rastî fêm nekiriye. Lewma di demeke nêzîk de dê baceke giran bide. Serkirdeyên fitneyê li wan eşkeftên kevin ên Qendîlê, wê yekê fêm bikin ku xizmeta dagîrkeran bi dijayetiya îradeya gelê Kurdistanê, encama wê tenê şermezarê û şikestin û herifandina we ye. PKK bila ast û wezna xwe nas bike û êdî sebra Pêşmerge û PDK neceribîne. Bila dest ji xapandin û destêwerdan û axatiyê berde li sînorên Herêma Kurdistanê.

Rijdbûna PKK li ser siyaseta şerfiroştinê û siyaseta gefxwarin û xweferizkirinê, dihêle ku her bûyereke ne cihê berpirsyariyê yan bûyereke nexwestî çêbibe, di histê rêveberiya PKKê de be.

Hêvîdar in ku PKK, hema tenê carekê be jî, di dîroka tevgera xwe de berjewendiyên netewî liberçav bigre, tevî ku ew ne li ser bingeha hizra netewî hatine avakirin û ne jî ji bo wê yekê ti hewlek dane. Ji xwe bi dengekî bilind û bi zelalî gotine, berjewendiya netewî ya Kurdî li her cihekî be ew li dijî wê ne û ev yek bi rastî jî piştrast kirine, ku hêzeke niştimanperwerî Kurdî li her cihekî hebe, ew dijminatiya wê dikin.

 

 




Nûçeyên din

Nêçîrvan Barzanî ji bo Lûtkeya COP28ê çû Îmaratê

THURSDAY, 30 NOVEMBER 2023 18:11:11

Hewlêr-KDP.info- Nêçîrvan Barzanî Serokê Herêma Kurdistanê, îro pêncşema 30.11.2023ê, li ser vexwendina fermî ya Şêx Mihemed Bin Zayid Al Nehyan Serokê Îmaratê digihe Dubayî.

 
Serok Barzanî û Konsulê Fransayê tekezî li ser bihêzkirina pêwediyan kirin

THURSDAY, 30 NOVEMBER 2023 14:11:23

Hewlêr-KDP.info- Serok Barzanî pêşwaziya Konsulê Giştî yê nû yê Fransayê li Hewlêrê kir û tekez li ser berdewamî û bihêzkirina pêwendiyên dualî kir.

 
Konsulê Fransayê: Herêma Kurdistanê li cem me xwedî pêgeheke girîng û taybet e

THURSDAY, 30 NOVEMBER 2023 14:11:23

Hewlêr-KDP.info- Îro Çarşema 29ê Mijdara 2023ê, Serokê Hikûmeta Herêma Kurdistanê Mesrûr Barzanî pêşwaziya Konsulê Giştî yê nû yê Fransayê li Herêma Kurdistanê Yan Brêm kir.

 
Mesrûr Barzanî mezintirîn kargeha hesin li ser astê Kurdistan û Iraqê vekir

TUESDAY, 28 NOVEMBER 2023 19:11:38

Hewlêr-KDP.info- Serokê Hikûmeta Herêma Kurdistanê Mesrûr Barzanî Kargeha Van Steel a Hesin li Hewlêrê vekir ku li ser astê Herêma Kurdistanê û Îraqê mezintirîn kargeha asin û şîşikan e.

 
Nêçîrvan Barzanî û Balyozê Tirkiyê tekezî li ser pêşxistina pêwendiyên bazirganî û abûrî kirin

TUESDAY, 28 NOVEMBER 2023 19:11:01

Hewlêr-KDP.info- Serokê Herêma Kurdistanê Nêçîrvan Barzanî û Balyozê Tirkiyê yê Bexdayê Alî Riza Guney li Hewlêrê civiyan û herdu aliyan tekezî li ser pêşxistina pêwendiyên xwe yên bazirganî û abûrî kirin.

 


 
© 2023 Kurdistan Democratic Party, KDP

Contact