Kurdî  ■  كوردی  ■  عربي
SUN, 22 MAY 2022 04:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Liqa 17 ya PDKê: Divê hêzên neyasayî û qaçaxçî û milîs ji Şingalê derkevin
| KDP.info


Derbarê rewşa Şingalê û ew nehametiyên ku hatine serê xelkê Şingalê yên ezîz, hin aliyên neberpirsyar muzayedeyê li PDKê dikin. Li vir em tînin bîra hemû aliyan ku xelkê Şingalê bi xwe şahidê wê yekê ne ku kê ji bo Şingalê qurbanî û xwîn daye. Di dema êrîşa terorîstên DAIŞê li ser Şingalê ew hêz û aliyên ku muzayedatê dikin, di navde jî YNK û PKK û Hikûmeta Iraqê jî, hemû di dema êrîşê de li Şingalê bûn û kesî ji wan bergîrî li Şingalê nekir. Tenê PDKê bergîrî kir û xwîn da. Di proseya azadkirina Çiyayê Şingalê de û vekirina riyên Şingalê de di sala 2014ê de û di operasyona rizgarkirina Şingalê de sala 2015ê, ku PDK û Pêşmergeyên PDKê bi tenê û bi xwîna xwe Şingal azad kirin û heyfa Şingalê ji terorîstan stendin.

Piştî pilana 16 Cotmeha 2017 jî, pêşmergeyên PDKê li ser daxwaza xelkê Şingalê û bo ku şer û alozî di navbera xelkê Şingalê de çênebe, ji Şingalê derketin bi şertekî ku xelkê Şingalê bi xwe, xwe birêve bibin lê hikûmeta Iraqê sozên xwe binpê kir û Şingal da destê qederê û destê çekdarên PKKê û milîsên neyasayî ku karê wan tenê qaçaxçîtî, madeyên hişber û astengkirina vegera awareyan û lîstin bi qedera Şingalê bû. Her kes dizane PDK li ser daxwaza xelkê Şingalê ji Şingalê derket. Çimkî ew hêza ku li Pirdê û Sihêla difina çekdar û milîsan şikand, dê difina xirabkar û çekdarên qaçaxçî jî bişkanda.

Ji bo PDKê, qedera xelkê Şingalê, vegera awareyan û ewlehiya jiyanê bo xelkê mezlûmê Şingalê pêşiya her tiştî ye. Ji xwe xelkê Şingalê vê dizanin û piştevanî dikin. Di hilbijartinan de jî ev nîşan dan û tenê berbijêrên PDKê li Şingalê biser ketin.

PDK dibîne ku divê rewşa Şingalê asayî bibe û hêzên ne yasayî û qaçaxçî û milîs ji wir derkevin. Divê zemîna vegera awareyan were çêkirin û Şingal bo xelkê Şingalê bimîne. PDK êdî nikare li hêviya wê bimîne ku xelkê Şingalê di bin tehdîd û awareyî de bijî û bi qedera wan were lîstin.

Liqa 17 ya PDKê

3.5.2022




Nûçeyên din

Nêçîrvan Barzanî pêşwaziya li hunermendê Kurd Şehramê Nazirî kir

WEDNESDAY, 18 MAY 2022 14:05:41

Hewlêr-KDP.info- Nêçîrvan Barzanî Serokê Herêma Kurdistanê, îro roja Çarşema 18.05.2022 ê, pêşwaziya hunermendê navdarê Kurd Mamosta Şehramê Nazirî kir. Hunermendê Kurd ev demeke bi serdan li Herêma Kurdistanê ye û roja duşemê 16.05.2022 ji aliyê Wezareta Rewşebîriya Hikûmeta Herêma Kurdistanê ve, di merasimeke rêzlênanê de, bi madaltiya Zêrîn hat xelatkirin.

 

Nêçîrvan Barzanî di şîna Şêx Xelîfe Bin Zayid Al Nehyan de beşdar bû

MONDAY, 16 MAY 2022 22:05:23

Hewlêr-KDP.info- Nêçîrvan Barzanî Serokê Herêma Kurdistanê, roja Duşema 16.05.2022ê ji bona beşdarîkirina di şîna xwedê jêrazî Şêx Xelîfe Bin Zayid Al Nehyan Serokê koçkirî yê Îmaratê, gihişte Ebu Dabî û ji aliyê rêzdar Şêx Mihemed Bin Zayid Al Nehyan, Serokê Îmaratê ve hate pêşwazî kirin.

Mesrûr Barzanî û balyozê Amerîka pêşketinên dawiyê gotûbêj kirin

MONDAY, 16 MAY 2022 22:05:53

Hewlêr-KDP.info- Serokwezîrê Herêma Kurdistanê Mesrûr Barzanî îro Dûşema 16.05.2022yê, pêşwazî li Balyozê Amerîka li Iraqê Matthew Tueller kir ku bi boneya bidawîhatina erkê xwe serdana xwetirxwestinê kir.

Serokwezîr Kurdistanê pêşwazî li şanda Dezgeha Navdewletî ya IFC kir

MONDAY, 16 MAY 2022 22:05:37

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li şandeke Dezgeha Navdewletî ya Darayî (IFC) kir.

Elî Ewnî: Heya pirsgirêka Kurd çareser nebe Iraq aram nabe

MONDAY, 16 MAY 2022 15:05:31

Hewlêr-KDP.info– Endamekî Encûmena Serkirdayetiya Partiya Demokrata Kurdistanê (PDK) ragihand, ku Iraq ti gav ji bo çareserkirina pirsgirêkên destûrî yên Herêma Kurdistanê neavêtiye û heya pirsgirêka Kurd çareser nebe Iraq aram nabe.

 


 
© 2021 Kurdistan Democratic Party, KDP

Contact