Kurdî  ■  كوردی  ■  عربي
THU, 20 JAN 2022 22:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hikûmeta Kurdistanê biryar da ji deynên elektrîk û avê %15 erzan bike
| KDP.info


Hewlêr-KDP.info- Encûmena Wezîran di civîna îro de biryar da pêwendî û hemahengiya ligel Hikûmeta Federal di warê berevanî û rûbirûbûna teror û budce û çavdêriya darayî de pêş bixe. Herwiha biryar da bi rêjeya %15 erzanî ji bo deynê elektrîk û avê bike.

Îro Çarşema 12ê Çileya 2022yan bi serperiştiya Serokwezîrê Herêma Kurdistanê Mesrûr Barzanî û Cîgirê Serokwezîr Qubad Talebanî, Encûmena Wezîran a Herêma Kurdistanê civiya.

Di beşa yekem a civînê de Wezîrê Pêşmerge Şoriş Îsmaîl û Wezîrê Navxwe Rêber Ehmed raportek li ser pêngavên hemahengî û alîkariya navbera Hikûmeta Herêma Kurdistanê û Hikûmeta Federalî de li ser pêkanîna hêzên hevbeş û dabînkirina pêwîstiyên Pêşmerge û plana hevbeş a rûbirûbûna êrîşên rêxistina terorîst a DAIŞê pêşkêş kir.

Wezîrê Pêşmerge behsa pêşveçûnên veguhestina hêzên piştevanî û yekeyên din ên hêzên Pêşmerge bo ser Wezareta Pêşmerge kir, Encûmena Wezîran tevî destxweşî li herdu wezaretan, tekezî li ser berdewambûna pêşvebirina zêdetir a hemahengiya ligel Hikûmeta Federalî û bihêzkirina rêzên hêzên Pêşmerge û berdewamiya rêkxistina hemû yekeyên hêzên Pêşmerge di çarçoveya Wezareta Pêşmerge de kir.

Piştre Wezîrê Tendirustiyê Saman Berzincî û herwiha Wezîrê Navxwe behsa amadekariyên wezaretên pêwendîdar kir li ser rûbirûbûna vîrusa Koronayê û bi taybetî piştî derketina çend kesên vîrusa Omicronê li Duhokê. Encûmena Wezîran biryarên dawî civîna Lijneya Bilind a Rûbirûbûna Koronayê pesend kir û tekezî li ser pêşvebirina helmetên wergirtina vaksînê di dema destnîşankirî de kir û bal kişand ser bikaranîna maskan ji aliyê welatiyan ve, bi taybetî li cihên giştî û xizmetguzarî ji bo parastina tendirustiya giştî û rêgirtina li zêdebûn û belavbûna vîrusê.

Serokê Dîwana Çavdêriya Darayî ya Herêma Kurdistanê Xalid Çawişlî raportek li ser pêşveçûn û encamên karê tîma hevbeş a herdu Dîwana Çavdêriya Darayî ya Hikûmeta Federal û Hikûmeta Herêmê li ser cîbicîkirina pabendiyên herdu hikûmetên Federal û Herêmê li gor yasaya budceyê ya Iraqa Federal ji bo sala 2021ê pêşkêş kir.

Encûmena Wezîran tevî destxweşî li hewlên Dîwana Çavdêriya Darayî kir, wezîr raspartin ku hemahengiya pêwendiyên ligel hevtayên xwe yên li Hikûmeta Federal pêş bixin.

Di heman demê de Encûmena Wezîran, Wezareta Darayî û Aborî raspart ku bi hemahengiya ligel Dîwana Çavdêriya Darayî ya Herêmê, pêdaçûnê bikin bi yasa û rênima û pisûle û belgenameyên din ên kar pê hatine kirin di warê darayî û jimêryariya giştî û nûkirina wan de li gor pîvanên hevdemî yên vî warî, da ku hevta bibe ligel sîstema darayî ya kar pê hatiye kirin li Hikûmeta Federalî bi reçavkirina desthilatên destûrî di heman demê de jî di warê prose û muameleyên darayî de bi awayekî hevdemî were rêkxistin, dûr ji rutîn û belawelakirina dem û şiyanê, weke pêngavek jî ji bo pêşvebirina şefafiyeta di warê darayî ya giştî de û sûdwergirtina ji teknolojiyê di cîbicîkirina muameleyên darayî de û dûrketina ji şêwaza klasîk a kar.

 




Nûçeyên din

Cenazeyê Şêx Şamo bo Herêma Kurdistanê hat vegerandin

THURSDAY, 20 JANUARY 2022 15:01:36

Hewlêr-KDP.info- Bi amadebûna Serokwezîrê Herêma Kurdistanê Mesrûr Barzanî, îro 20/1/2022an cenazeyê Şêwirmendê Serokwezîr ji bo Karûnarên Êzidiyan Şêx Şamo Şêx Namo bo Herêma Kurdistanê hate vegerandin.

 
Serokê Herêma Kurdistanê pêşwazî li Balyozê Swîsrayê kir

THURSDAY, 20 JANUARY 2022 15:01:44

Hewlêr-KDP.info- Serokê Herêma Kurdistanê Nêçîrvan Barzanî îro Pênçşema 20.1.2022an pêşwazî li Balyozê Swîsra Iraq û Urdinê Lukas Gasser û şanda pê re kir ku ji Emmanê ve karên xwe birêve dibin.

 
Mesrûr Barzanî û balyozê Swîsra li Iraq û Urdinê pêşxistina pêwendiyan gotûbêj kirin

WEDNESDAY, 19 JANUARY 2022 23:01:22

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 19ê Çileya 2022yan pêşwazî li Balyozê Swîsra yê li Iraq û Urdinê Lukas Gasser kir.

Serok Barzanî: Jidestdana Şêx Şamo ziyaneke mezin e

WEDNESDAY, 19 JANUARY 2022 14:01:44

Hewlêr-KDP.info- Serok Mesûd Barzanî ji ber koça dawî ya Şêx Şamo peyameke sersaxiyê ji malbata rehmetî re şand.

 

Cîgirê Fermandarê Hevpeymanan: DAIŞ hîn gefeke rasteqîne ye li ser Iraq û Sûriyê

TUESDAY, 18 JANUARY 2022 15:01:20

Hewlêr-KDP.info- Serokwezîrê Herêma Kurdistanê Mesrûr Barzanî îro Sêşema 18.1.2022an pêşwazî li Cîgirê Fermandarê Giştî ya Hezên Hevpeymanan li Iraq û Sûriyê General Karl Harris kir.

 



 
© 2021 Kurdistan Democratic Party, KDP

Contact