Kurdî  ■  كوردی  ■  عربي
THU, 20 JAN 2022 23:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî bo Serokwezîrê Polandayê: Kurdistan stargeheke aram e ji bo milyonek koçber û penaber
| KDP.info


Hewlêr-KDP.info- Serokwezîrê Polandê derbarê mijara koçberan de peywendiyeke telefonî li gel Serokwezîrê Hikûmeta Herêma Kurdistanê Mesrûr Barzanî pêk anî û pesnê Herêma Kurdistanê da ji bo girtina wan tedbîrên li ber vê krîzê. Mesrûr Barzanî jî tekez kir ku Herêma Kurdistanê stargeheke aram e ji bo derdora milyonek koçber û penaberan.

Serokwezîrê Herêma Kurdistanê Mesrûr Barzanî vê êvarê 18ê Mijdara 2021ê bi rêya telefonê bi Serokwezîrê Polandayê Mateusz Morawiecki re rewşa koçberên li sînorê Belarus û Polandayê gotûbêj kir.

Serokwezîr Mesrûr Barzanî nîgeraniya xwe li ser rewşa nebaş a wan koçberên Herêma Kurdistanê nîşan da, ku di nav wan de zarok jî hene û li ser sînorê Belarus û Polandayê ne û di rewşeke dijwar de ne.

Mesrûr Barzanî hemû amadehiya Herêma Kurdistanê ji bo hawarçûna wan koçberan û başkirina rewşa wan û selametiya wan cardin anî ziman û diyar kir ku mixabin ew koçber, bûne qurbaniyên destê bazirganên mirov û qaçaxçiyan û nakokiya navbera Belarus û Yekîtiya Ewropayê. Herwiha destnîşan kir ku Herêma Kurdistanê niha strageheke aram e ji bo nêzîkî milyonek koçber û penaberan.

Serokwezîr Mesrûr Barzanî û Serokwezîrê Polandayê li ser rêyên çareserkirina kêşeya wan koçberan gotûbêj kirin, herdu aliyan hevnêrîn bûn ku koçber ji aliyê qaçaxçiyan ve hatine xapandin û bûne qurbaniyên tawaneke rêxistinkirî.

Serokwezîrê Polandayê pesnê rêkarên ji aliyê Hikûmeta Herêma Kurdistanê da, ku li hember wan tawanbarên bazirganiya mirov girtine ber xwe, herwiha pişkinîn û rêkarên tund û pêwîst ên li balafirgehan û xalên sînorî yên Herêma Kurdistanê ji bo desteserkirina kesên karên neyasayî encam didin.

Herwiha di pêwendiyê de li ser hemahengiya ligel hikûmeta federal a li Bexdayê û hevbeşên din gotûbêj hat kirin, ji bo pêşkêşkirina hêsankariyan ji bo vegera bi dilxwazî ya koçberan ku biryar e îro di yekem geştê de bigihin Bexda û Hewlêrê.

Serokwezîr Mesrûr Barzanî kêfxweşiya xwe ji bo pêkanîna tîmeke teknîkî ya hevbeş nîşan da ji bo destnîşankirina wan rêkarên pêwîst ji bo rêgirtin û hilweşandina torên bazirganîkirina mirovan, herwiha tekez kir ku divê Belarus û Polanda û Yekîtiya Ewropayê erk û pabendbûna xwe ya navdewletî ya li ser mijara rêdana ji bo komîteya navdewletî ya Xaça Sor ji bo gihandina alîkariyên bilez û gihiştina hawara wan cîbicî bikin.

Herdu aliyan li ser girîngiya berdewambûna pêwendî û hemahengiya ji bo herdu aliyan cihê girîngîdanê ne, hevnêrîn bûn.

 




Nûçeyên din

Cenazeyê Şêx Şamo bo Herêma Kurdistanê hat vegerandin

THURSDAY, 20 JANUARY 2022 15:01:36

Hewlêr-KDP.info- Bi amadebûna Serokwezîrê Herêma Kurdistanê Mesrûr Barzanî, îro 20/1/2022an cenazeyê Şêwirmendê Serokwezîr ji bo Karûnarên Êzidiyan Şêx Şamo Şêx Namo bo Herêma Kurdistanê hate vegerandin.

 
Serokê Herêma Kurdistanê pêşwazî li Balyozê Swîsrayê kir

THURSDAY, 20 JANUARY 2022 15:01:44

Hewlêr-KDP.info- Serokê Herêma Kurdistanê Nêçîrvan Barzanî îro Pênçşema 20.1.2022an pêşwazî li Balyozê Swîsra Iraq û Urdinê Lukas Gasser û şanda pê re kir ku ji Emmanê ve karên xwe birêve dibin.

 
Mesrûr Barzanî û balyozê Swîsra li Iraq û Urdinê pêşxistina pêwendiyan gotûbêj kirin

WEDNESDAY, 19 JANUARY 2022 23:01:22

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 19ê Çileya 2022yan pêşwazî li Balyozê Swîsra yê li Iraq û Urdinê Lukas Gasser kir.

Serok Barzanî: Jidestdana Şêx Şamo ziyaneke mezin e

WEDNESDAY, 19 JANUARY 2022 14:01:44

Hewlêr-KDP.info- Serok Mesûd Barzanî ji ber koça dawî ya Şêx Şamo peyameke sersaxiyê ji malbata rehmetî re şand.

 

Cîgirê Fermandarê Hevpeymanan: DAIŞ hîn gefeke rasteqîne ye li ser Iraq û Sûriyê

TUESDAY, 18 JANUARY 2022 15:01:20

Hewlêr-KDP.info- Serokwezîrê Herêma Kurdistanê Mesrûr Barzanî îro Sêşema 18.1.2022an pêşwazî li Cîgirê Fermandarê Giştî ya Hezên Hevpeymanan li Iraq û Sûriyê General Karl Harris kir.

 



 
© 2021 Kurdistan Democratic Party, KDP

Contact