Kurdî  ■  كوردی  ■  عربي
SUN, 22 MAY 2022 05:28 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Spas dewletmedar Mesrûr Barzanî..Em hemû deyndarê Îsmaîl Bêşîkçî ne
| KDP.info


Dr. Mihemed Xidir Mewlûd

Di nava nûçe û rojevên Hikûmeta Herêma Kurdistanê de, min nûçeyek dît pir pê dilxweş û bextewer bûm, ku roja 6.11.2021 careke din Serokwezîrê Kurdistanê Mesrûr Barzanî pêşwaziyeke hêja û şahane li nivîskar û civaknasê navdarê Turk Îsmaîl Bêşîkçî kir.

Kurd û Kurdistan, netewe û ax, çi li hindur û çi li derve qedera wan ew bûye ku xwedî (kêm dost, pir dijmin) bin.. Yan jî (her çiya dostê wan bin).

Di demekê de ku zilamekî mezin mîna Îsmaîl Bêşîkçî heye, di nava van hemû dijmin û neyar û nehezan de, bi pirtûk û nivîs û berhemên xwe, ku pişta heqiyê û pişta rewatiya kurdbûnê digre, di nava (Turk, Ereb û Farisan) de, nexasim di nava civaka Tirkiyê de.

Şaîrê mezin ê Kurd Nalî gotiye, bibûrin ezê piçekî ji wê şîirê biguherim:

Min Faris û Turk û Ereb bi defterê girtine

Kurd, xwedî milk in, xwedî dîwan in

Rêzdar Mesrûr Barzanî Serokê Hikûmeta Herêma Kurdistanê ..

Ez dizanim bê çiqasî pêgeha Bêşîkçî li cem Serok û Rêber Barzanî mezin e û bê çiqasî rêz jê re hatiye girtin, bi piştrastî jî li cem xelkê Kurdistanê û li cem navendên akadîmî û rewşenbîrî jî ewqasî rê jê re hatiye girtin.

Tevî hebûna Weqfa Bêşîkçî li Hewlêr û li Tirkiyê, ku Dezgeha Xêrxwazî ya Barzanî bi merdane û Kurdane roleke mezin dît di avakirina wê de. Li Duhokê jî li Zanîngeha Duhokê ev çendîn sal e ku (Navenda Bêşîkçî) hatiye avakirin û ew navend senterek e çalak û berhemdar e. Di warê zanîngehê de û li nava navendên akadîmî jî, piştî ku Zanîngeha Selahedîn li Hewlêrê diktoraya fexrî pêşkêşî wî kir, niha Zanîngeha Duhokê jî dixwaze diktoraya fexrî bide wî.

Birêz Serokê Hikûmeta Herêma Kurdistanê..

Girîng e li Hewlêra paytexta Kurdistanê navendek, senterek, mozexaneyeke rewşenbîrî û erşîfeke taybet bi Bêşîkçî hebe.

Yan jî, ji niha û heya ku Îsmaîl Bêşîkçî li jiyanê mabe, ku hêviya temeneke dirêj jê re dixwazim, her li paytextê peykerek hêja jê re were çêkirin û cadeyek û meydanek bi navê wî bibe.

Mane (Yek dost, li hemberî hezaran nehez û dijminan e).

Silav li Bêşîkçî.. Silav li hemû dostên gelê Kurdistanê û dostên doza me ya netewî li hercihekî dinyayê bin û ji her neteweyekê bin.

Hewlêr 6.11.2021




Nûçeyên din

Nêçîrvan Barzanî pêşwaziya li hunermendê Kurd Şehramê Nazirî kir

WEDNESDAY, 18 MAY 2022 14:05:41

Hewlêr-KDP.info- Nêçîrvan Barzanî Serokê Herêma Kurdistanê, îro roja Çarşema 18.05.2022 ê, pêşwaziya hunermendê navdarê Kurd Mamosta Şehramê Nazirî kir. Hunermendê Kurd ev demeke bi serdan li Herêma Kurdistanê ye û roja duşemê 16.05.2022 ji aliyê Wezareta Rewşebîriya Hikûmeta Herêma Kurdistanê ve, di merasimeke rêzlênanê de, bi madaltiya Zêrîn hat xelatkirin.

 

Nêçîrvan Barzanî di şîna Şêx Xelîfe Bin Zayid Al Nehyan de beşdar bû

MONDAY, 16 MAY 2022 22:05:23

Hewlêr-KDP.info- Nêçîrvan Barzanî Serokê Herêma Kurdistanê, roja Duşema 16.05.2022ê ji bona beşdarîkirina di şîna xwedê jêrazî Şêx Xelîfe Bin Zayid Al Nehyan Serokê koçkirî yê Îmaratê, gihişte Ebu Dabî û ji aliyê rêzdar Şêx Mihemed Bin Zayid Al Nehyan, Serokê Îmaratê ve hate pêşwazî kirin.

Mesrûr Barzanî û balyozê Amerîka pêşketinên dawiyê gotûbêj kirin

MONDAY, 16 MAY 2022 22:05:53

Hewlêr-KDP.info- Serokwezîrê Herêma Kurdistanê Mesrûr Barzanî îro Dûşema 16.05.2022yê, pêşwazî li Balyozê Amerîka li Iraqê Matthew Tueller kir ku bi boneya bidawîhatina erkê xwe serdana xwetirxwestinê kir.

Serokwezîr Kurdistanê pêşwazî li şanda Dezgeha Navdewletî ya IFC kir

MONDAY, 16 MAY 2022 22:05:37

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li şandeke Dezgeha Navdewletî ya Darayî (IFC) kir.

Elî Ewnî: Heya pirsgirêka Kurd çareser nebe Iraq aram nabe

MONDAY, 16 MAY 2022 15:05:31

Hewlêr-KDP.info– Endamekî Encûmena Serkirdayetiya Partiya Demokrata Kurdistanê (PDK) ragihand, ku Iraq ti gav ji bo çareserkirina pirsgirêkên destûrî yên Herêma Kurdistanê neavêtiye û heya pirsgirêka Kurd çareser nebe Iraq aram nabe.

 


 
© 2021 Kurdistan Democratic Party, KDP

Contact