Kurdî  ■  كوردی  ■  عربي
SUN, 22 MAY 2022 03:45 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Axaftinên xapînok ên Cemîl Bayik û bersivnedana pirsyara mezin
| KDP.info


Çavdêrek

Serkirdeyê PKKê Cemîl Bayik hinek gotinên xapînok ji rojnameya “El-Nehar” a Misrî re dibêje. Gotinên wî tevlihev in û îdîyayên mezin û nelojîk in, ku incex ew gotin bikevin serê kesên xwedî hizreke kevnar û serê berpirsên PKKê. Lê em li ser çend xalan ji wan gotinan bisekinin.

Cemîl Bayik tometa kevin a PKK dûbare dike, derbarê êrîşên Tirkiyê li ser navend û çekdarên PKKê li nava Herêma Kurdistanê. Jibilî ku ew tomet nehêja ye ku em bersiva wê bidin, lê ew tometên wî xwedizîn e ji pirsyara herî mezin: Berpirsên PKKê û çekdarên wan li vir, li Herêma Kurdistanê, çi dikin? Çekdarên PKKê çima ne li Şirnex û Amed û Qaris û Dêrsimê ne? Çima li Qendîl û Şarbajêr û Pêncwên û Şingalê ne? Ew mafên ku rêveberên PKK îdîaya wan dikin, li cem Herêma Kurdistanê ne? PKK çi ji Herêma Kurdistanê dixwaze?

Ev pirsyara mezin a hemû hizib û hêzên netewî û niştîmanî yên Kurdistanê ye, û ne tenê pirsyara Herêma Kurdistanê ye, lêbelê pirsyara tevahiya perçeyên Kurdistanê ye. Bêguman di pêşerojeke dê ev pirsyar bibin ên wan hezaran malbatên ku rêveberên PKKê di nava lîstikên dewletên navçeyê de û di bin siloganên xapînok de, keç û kurên wan bi kuştin dan. Wê demê dê ne ev tometên Bayik û berpirsên din ên PKKê bikêrî wan werin û ne jî ev îdîayên mezin û karên wan ên biçûk bi hewara wan ve werin.

Li cihekî din jî, Cemîl Bayik wek adeta herdem a berpirsên PKKê, ku xwe wek axayên hemû Kurdistanê dibînin, bê ku îtîrafê bi nav û axa Kurdistanê bikin, rê dide xwe ku sitratîjiya netewî ji bo hemû Kurdan deyne.

Li vir em bi bîra Cemîl Bayik û berpirsên PKKê û hemû wan kesên ku bi gotin û siloganên mezin ên PKKê hatine xapandin, tînin. Ji roja ku tevgera rizgarîxwaz a Kurdistanê destpê kiriye, we hemû hewlên xwe dane û hûn berdewam in ku hûn derfetê nedin xebata rizgarîxwaz a xelkê Kurdistanê ku biser bikeve û hûn hewil didin xelkê Kurdistanê bikşînin nav şer û dijayetiya neteweyên ligel Kurdan, herwiha hûn li pey neyarên Kurd û Kurdistanê û dewletên dagîrker dikevin. Serkirdayetiya dîrokî ya wê tevgerî bawerî bi xebata netewî û niştimanî ya Kurdî ji bo mafên netewî û niştîmanî ên Kurd û tevahiya xelkê xelkê Kurdistanê hebû û rê neda û nade ku ew xebat jirê ve biçe û Kurd bikein şerê neteweyên ku ligel Kurdan dijîn. Lewma tekezkirina Bayik û serkirdeyên PKK li ser van şerên malwêranker e, û hewil didin ku pişta neteweyekê bigrin di şerê neteweyeke din de, ev jî lîstikeke cihê tirsê ye û Kurd û xelkê Kurdistanê beriya herkesî ziyanê jê dibînin.

Bi kurtî xebata Kurdan û xelkê Kurdistanê ji bo bidestveanîna mafên netewî û niştîmanî ye, ne ji bo şerê vê neteweyê û wê neteweyê ye. Ev demeke dirêj e ku rêveberên PKKê bi gotina xelkê hewil didin ku pênaseya xebata tevgera rizgarîxwaz a Kurdistanê biguherin, lê pilana wan biser neketiye û nakeve û têkoşerên Kurd û Kurdistanê li pey wê lîstika bitirs a berpirsên PKKê nakevin.

Divê Cemîl Bayik û rêveberên partiya xwe zanibin: Diyarkirina sitratîjiya netewî û niştîmanî ya xelkê Kurdistanê, diyarkirina ku kî dost e û kî neyar e, ne ji mefê wan e û ev yek mafê tevahiya xelkê Kurdistanê ye.

 




Nûçeyên din

Nêçîrvan Barzanî pêşwaziya li hunermendê Kurd Şehramê Nazirî kir

WEDNESDAY, 18 MAY 2022 14:05:41

Hewlêr-KDP.info- Nêçîrvan Barzanî Serokê Herêma Kurdistanê, îro roja Çarşema 18.05.2022 ê, pêşwaziya hunermendê navdarê Kurd Mamosta Şehramê Nazirî kir. Hunermendê Kurd ev demeke bi serdan li Herêma Kurdistanê ye û roja duşemê 16.05.2022 ji aliyê Wezareta Rewşebîriya Hikûmeta Herêma Kurdistanê ve, di merasimeke rêzlênanê de, bi madaltiya Zêrîn hat xelatkirin.

 

Nêçîrvan Barzanî di şîna Şêx Xelîfe Bin Zayid Al Nehyan de beşdar bû

MONDAY, 16 MAY 2022 22:05:23

Hewlêr-KDP.info- Nêçîrvan Barzanî Serokê Herêma Kurdistanê, roja Duşema 16.05.2022ê ji bona beşdarîkirina di şîna xwedê jêrazî Şêx Xelîfe Bin Zayid Al Nehyan Serokê koçkirî yê Îmaratê, gihişte Ebu Dabî û ji aliyê rêzdar Şêx Mihemed Bin Zayid Al Nehyan, Serokê Îmaratê ve hate pêşwazî kirin.

Mesrûr Barzanî û balyozê Amerîka pêşketinên dawiyê gotûbêj kirin

MONDAY, 16 MAY 2022 22:05:53

Hewlêr-KDP.info- Serokwezîrê Herêma Kurdistanê Mesrûr Barzanî îro Dûşema 16.05.2022yê, pêşwazî li Balyozê Amerîka li Iraqê Matthew Tueller kir ku bi boneya bidawîhatina erkê xwe serdana xwetirxwestinê kir.

Serokwezîr Kurdistanê pêşwazî li şanda Dezgeha Navdewletî ya IFC kir

MONDAY, 16 MAY 2022 22:05:37

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li şandeke Dezgeha Navdewletî ya Darayî (IFC) kir.

Elî Ewnî: Heya pirsgirêka Kurd çareser nebe Iraq aram nabe

MONDAY, 16 MAY 2022 15:05:31

Hewlêr-KDP.info– Endamekî Encûmena Serkirdayetiya Partiya Demokrata Kurdistanê (PDK) ragihand, ku Iraq ti gav ji bo çareserkirina pirsgirêkên destûrî yên Herêma Kurdistanê neavêtiye û heya pirsgirêka Kurd çareser nebe Iraq aram nabe.

 


 
© 2021 Kurdistan Democratic Party, KDP

Contact