Kurdî  ■  كوردی  ■  عربي
SUN, 28 NOV 2021 05:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Ji bo ku em mafên xwe yên destûrî biparizin divê li Bexdayê em yek bin
| KDP.info


Silêmanî-KDP.info- Îro 18.10.2021ê piştî hevdîtinên şandeya bilind a PDKê û YNKê berdevkên herdu aliyan li ser naveroka hevdîtinê kongreyeke rojnamevanî lidar xistin.

Berdevkê PDKê Mehmûd Mihemed ragehand, “em nahêlin ji naha û pê de hikûmeta federal a Iraqê, xelkê Kurdistanê û aliyan tenê bi mijara şandina pare ve mijûl bike û ev mafê me ye.”

Berdevkê PDKê got: “Ev serdane serdanekî dostane ya piştî proseya helbijartinê ye û em dixwazin aliyên Kurdistanî li gel yek biçin Bexdayê û ji bo proseya siyasî ya Iraqê ligel yek bin, ku mafên xwe yên destûrî biparêzin.’’

Mehmûd Mihemed aşkera kir: “Berî helbijartinê salek dibe di navbera Hikûmeta Herêma Kurdistanê û Hikûmeta Iraqê de lijneyên hevbeş pêk hatine ji bo asayîkirina rewşa navçeyên Kurdistanî, lê gelek astengî hatine pêş û wek li Şingal û Kerkûkê hate kirin ew jî rastî astengiyan hat.’’

Herwiha got: “Me di civîna polîtbîroyê ya bi serokatiya Mesûd Barzanî de biryar da serdana hemû aliyên Kurdistanî bikin, ên ku li parlamentoya Iraqê kursiyên wan jî tine ji bo rêxistinkirina navmala Kurdistanê emê li gel hemû aliyan bicivin, ji bo ti derz û qelişandinek nebe, ku xelkê dij û nehez bikaribe bikar bînin û pirsgirêkê ji bo Kurdistanê ava bikin.’’

Mehmûd Mihemed got: “Derbarê mijara serokomar de jî hîn ti gotûbêj nehatine kirin, ji ber pêwîst e lijneyekî taybet wan mafane gotûbêj bike ku li Bexdayê me hene. Rast e serokomar pişka kurdan e, lê em nikarin bibêjin pişka filan aliye yan aliyê din e. ji ber ew ji bo Kurdistanê ye, ji bo wê biryara pêşwext nehatiye dayîn û em nahêlin ji niha û pê de hikûmeta federl xelkê Kurdistanê û partiyên Kurdistanê tenê bi mijara şandina pareyan ve mijûl bike. Ev mafê me ye.”

Berdevkê PDKê got: “Bexda di yek tiştî de serkeft ew jî encama belavbûna navmala Kurdistanê bû ji wê sûd wergirtin û ji ber wê jî hemû ew pirsgirêk nehatin çareserkirin ku ji wan jî madeya 140 û Pêşmerge û meseleya neft û gaz û mafên darayî û hemû tişt di wê de asê kirin ku me hemûyan mijûl bike bi meseleya 200 milyar dînar ve. Ji niha û pê de em nahêlin xelkê Kurdistanê bi wê mijarê ve mijûl bikin, ji ber ew mafên me ne em dixwazin di budceyê de mafê me diyar be.”

Mehmûd Mihemed herwiha got: “Di civîna îro de behsa ti payeyekî nehate kirin, behsa şirîktiya rasteqîn hate kirin û me behsa berjewendiyên gelê Kurdistanê kirin li Bexdayê, ku em bi çi awayekî dikarin berevaniyê li berjewendiyan bikin û peywira serokomar mafê kurdan e û kevneşopiyek heye ku ji bo YNKê bûye, lê ev peywir nabe pirsgirêk, ji ber bo me giring e parastina berjewendiyan e.’’

Ji aliyê xwe ve, Berdevkê YNKê got: “Em ê her hewlekê bidin ji bo li Herêma Kurdistanê û Bexdayê yekrêz bin. Bernameya me jî heye û em li benda encamên dawiyê yên hilbijartinan e.”


 




Nûçeyên din

Mesrûr Barzanî bo xwendekarên zanîngehan: Nehêlin kesek daxwazên we ji bo armancên xwe yên siyasî bikar bîne

SATURDAY, 27 NOVEMBER 2021 16:11:37

Hewlêr-KDP.info- Serokwezîrê Herêma Kurdistanê Mesûr Barzanî serdana xwendekarên beşên navxweyî yên zanîngehan kir û ji nêzîk ve rewşa xwendekaran şopand û bi hejmarek xwendekarên zanîngehên Kurdistanê re civiya.

 
Mesrûr Barzanî: Armanca me ew e Kurdistan bibe navendeke girîng a bazirganiyê

SATURDAY, 27 NOVEMBER 2021 16:11:31

Hewlêr-KDP.info-  Serokwezîrê Herêma Kurdistanê Mesrûr Barzanî pêşwazî li Seroka Encûmena Bazirganiyê ya Brîtanî – Iraqî (IBBC) Baroness Emma û şanda pê re kir.

 
Serok Barzanî û Konsulê Urdinê tekezî li ser pêşxistina pêwendiyan kirin

SATURDAY, 27 NOVEMBER 2021 15:11:44

Hewlêr-KDP.info-  Serok Mesûd Barzanî pêşwazî li Konsulê giştî yê Urdinê li Hewlêrê kir û konsulê giştî yê Urdinê pêzanînên xwe ji bo roal Serok Barzanî ya di xebata gelê Kurdistanê û vejandina Herêma Kurdistanê de nîşan da.

 
Mesrûr Barzanî: Ji ber canjidestdana 27 penaberan xemgîn im

THURSDAY, 25 NOVEMBER 2021 20:11:40

Hewlêr-KDP.info- Serokwezîrê Herêma Kurdistanê Mesrûr Barzanî peyamek belav kir û ragihand ku ji ber canjidestdana 27 penaberan li Kanala Îngilîz (navbera Fransa û Brîtanyayê) gelek xemgîn bûye.

Serokê Herêma Kurdistanê pêşwazî li Balyozê Komara Çek kir

THURSDAY, 25 NOVEMBER 2021 20:11:16

Hewlêr-KDP.info- Îro Pênçşema 25.11.2021 Nêçîrvan Barzanî Serokê Herêma Kurdistanê, pêşwaziya Petr Stepanek Balyozê nû yê Komara Çek li Iraqê kir.



 
© 2021 Kurdistan Democratic Party, KDP

Contact