Kurdî  ■  كوردی  ■  عربي
THU, 21 OCT 2021 13:54 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Yekrêzî, tebayî û pêkveyî, kilîla serkeftina me ye
| KDP.info


Hewlêr-KDP.info- Serokê Herêma Kurdistanê Nêçîrvan Barzanî bi boneya serkeftina hilbijartinên Encûmena Nûneran a Iraqê peyamek belav kir û ragihand, Pîrozbahiya serkeftina hilbijartina giştî ya Encumena Nûneran li hemû aliyek dikim. Erkê hemû hêz û aliyên siyasî yên Kurdistanê ye, bi hev re bi yekrêzî kar ji bod ema niha û pêşrojeke baştir ji Herêma Kurdistanê û Iraqê re bikin.

Peyama Serokê Herêma Kurdistanê Nêçîrvan Barzanî:

“Welatiyên xoşewîst..

Hêz û aliyên siyasiyên li Herêma Kurdistan û Iraqê

Pîrozbahiya serkeftina hilbijartina giştî ya Encumena Nûneran li hemû aliyek dikim. Êdî Iraq û Herêma Kurdistanê li qonaxeke nû de ne û encamên dawî her çawa yekalî bibin, em hemû birawene, em hemû bi pêkve divê xwe ji bo erk û berpirsiyariya hevbeş û gefên qonaxa paşerojê, amade bikin.

Yekrêzî, tebayî û pêkveyî, kilîla serkeftina me ye ku desteberê mafên destûriyên Herêma Kurdistanê dike, destkeft û sîstema federalî û qewareya siyasî ya wê diparêze. Erkê hemû hêz û aliyên siyasiyên Kurdistaniyane pêkve, teba û yekrêz, kar ji bo niha û paşerojeke baştir ya Herêma Kurdistan û Iraqê bikin, ji bo vê mebestê jî li gel hêz û aliyên Iraqiyan hevkar bîn.

Erkê me hemûyan li hêz û aliyên siyasî yên Iraq ew e bi nêrîn û xwendin û têgihiştineke nû û rastbîniyê ve, bi sûdwergirtina li ezmûn û şaşiyên berê, li ser bingeha destûr kêşeyên welat çareser bikin. Kar ji bo Iraqeke aram û xweşguzeran bikîn ku tê de mafên destûriyên hemû pêkhatan mîsoger û parastî bin, bawerî, pêkveyî, hevçarenûsî, alîkariya hevbeş, berjewendiya giştî ya welat, hevbeşiya rasteqîne, sazan û wekhevî, em hemûyan kom bike.

Spasî welatiyan, hemû hêz û aliyên siyasî, dam û dezgehên îdarî û emnî, medya û civaka medenî dikim ku li serxistina hilbijartinê da hevkar bûn. Spas û destxweşiyê ji bo erk û keda Komîsyona Bilind a Serbixwe ya Hilbijartinên Iraqê, ji bo çavdêrên navxweyî û biyanî û tîmên Neteweyên Yekgirtî bi taybetî Serok û tîma Unami li Iraq û Yekîtiya Ewrûpa ku û Komkara Erebî çavdêriya proseya dengdanê kirin û prose bi aramî birêve çû. Ev hengaveke girîng e li ser rêyeke rast. Beşdariya me ya li hilbijartina nûnerên me yên li Bexda, pêgiriya me ye bi bingehên demokrasiyê.

Li aliyeke din ve rêjeya beşdariyê di dengdanê da peyameke zelal ya welatiyan ku çav li jiyan û guzer‌an û xizmetguzariya zêdetir e û mafê wan bi xwe ye. Eve ji bo me hemûyan li hikûmet û hêz û aliyên siyasî yên Iraqê û Herêma Kurdistanê, divê pend û waneyek bê ji bo pêdaçûneke ciddî û binyatnana baweriyê, her wiha bibê handerê kar û xizmetên zêdetir.

Êdî dema wê ye, bi hev re kar bikin ji bo damezrandina hikûmeteke niştimaniya federalî ku rengvedana xwest û çaverêyiyên welatiyan be, destûr bi cîh bike, sazî û damezraweyên dewletê bihêz bike, grûp û hêzên çekdarên derveyê yasa kontrol bike, li ser bingeha destûr û hevbeşiya hemû pêkhatên Iraqê, proseya siyasî ya rast bike û ber bi paşerojeke baştir ji bo hemuyan, welat birêve bibe.

Hêviya serkeftinê ji bo me hemûyan dixwazim.

Nêçîrvan Barzanî

Serokê Herêma Kurdistanê

12.10.2021”


 




Nûçeyên din

Mesrûr Barzanî: Divê armanca xwendinê ji bo avedankirin û bihêzkirina welat be

WEDNESDAY, 20 OCTOBER 2021 18:10:13

Hewlêr-KDP.info- Serokwezîrê Herêma Kurdistanê Mesrûr Barzanî îro di merasîma xelatkirina hejmarek xwendekarên serkeftî yên qonaxa 12 a amadehî yên sala 2020 – 2021ê de amade bû û tê de gotarek pêşkêş kir.

 
Fazil Mîranî: Em dixwazin partiyên Kurdistanê wek tîmekê li Bexdayê kar bikin

TUESDAY, 19 OCTOBER 2021 18:10:16

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Partiya Komînîst (Şûî) ya Kurdistanê, sekreterê polîtburoya PDKê Fazil Mîranî û sekreterê giştî yê Partiya Komînîst a Kurdistanê Kawe Mehmûd civîneke çapemeniyê ve balkêşan ser naveroka hevdîtinê.

 
PDK: Li hemberî hizra inkara mafên Kurdistanê pêwîstiya me bi yekrêziyê heye

TUESDAY, 19 OCTOBER 2021 17:10:02

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Tevgera Îslamî ya Kurdistanê berdevkên herdu aliyan kongreyeke rojnamevanê lidar xistin û derbarê naveroka civînê de daxuyanî dan.

 
Fazil Mîranî: Em dixwazin ku Kurd li Bexdayê yekrêz bin

MONDAY, 18 OCTOBER 2021 19:10:22

Silêmanî-KDP.info- Sekreterê Polîtbîroya PDKê Fazil Mîranî ragihand, “Armanca me ji serdana aliyên siyasî yên Kurdistanê li Silêmanî ji bo yekrêziya Kurdan e, ku em dixwazin piştî hilbijartinan qonaxeke nû destpê bike û ew tundiya ku beriya hilbijartinan çê bû, nemîne.”

 
PDK: Ji bo ku em mafên xwe yên destûrî biparizin divê li Bexdayê em yek bin

MONDAY, 18 OCTOBER 2021 18:10:28

Silêmanî-KDP.info- Îro 18.10.2021ê piştî hevdîtinên şandeya bilind a PDKê û YNKê berdevkên herdu aliyan li ser naveroka hevdîtinê kongreyeke rojnamevanî lidar xistin.



 
© 2021 Kurdistan Democratic Party, KDP

Contact