Kurdî  ■  كوردی  ■  عربي
MON, 8 AUG 2022 10:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Doza gelê Kurdistanê ne bi tenê mûçe ye, gelê Kurdistanê xwedî dozeke siyasî
| KDP.info


Hewlêr-KDP.info- Serok Barzanî di merasîma destpêkirina kampanya PDK ya ji bo hilbijartinên Iraqê beşdar bû û tê de got, doza gelê Kurdistanê ne bi tenê mûçe ye, lêbelê gelê Kurdistanê xwedî dozeke siyasî.

Îro Şemiya 11.09.2021 li bajarê Hewlêrê Serok Mesûd Barzanî beşdariya rêwresma destpêka helmeta bangeşeya Partiya Demokrata Kurdistanê ya ji bo hilbijartinên Encûmena Nûnerên Iraqê da kir.

Her di vê rêwresmê de Serok Barzanî gotarek pêşkêşî amadebûyan kir û tê de behsa 60emîn salvegera Şoreşa mezin a Îlonê kir û balkişand li ser wê yekê ku şoreşa Îlonê şoreşeke siyasî û civakî û çekdarî bû û ji bo dirustkirina takekesê Kurd bû, bo ku Kurd ew bawerî jêre dirust bibê ku xwediyê dozeke û berevaniyê li doza xwe bike. Serok Barzanî eve jî dûpat kir ku şoreşa Îlonê penageyek bû ji bo têkoşer û pêkhatên dinê Iraqê jî û berdê bingehê jî bû ji bo tevgera rizgarîxwaziya Kurd û gelê Kurdistanê hişyar kir.

Her di dirêjahiya gotara xwe de Serok Barzanî ronahî xiste li ser hilbijartina Encûmena Nûnerên Iraqê û ragihand ji bilî hebûna têbîniyeke zêde ya li ser sîstema hilbijartinê û nebûna dadperweriyê li dabeşkirina kursiyan û encamnedana serjimêriyê, lê belê ji ber berjewendiya giştî û parastina sengê PDKê û Kurd biryar hate dayîn ku PDK beşdariyê di hilbijartinê de bike. Daxwaz jî kir xelk beşdarî hilbijartinê bibin û hilbijartineke bêkêmasî û paqij birêve biçê. Serok Barzanî ji bilî balkişandina bi wê yekê ku li meha Adara 1991 daxwaz kir ku pêwîste hilbijartin bê kirin û li qonaxa rewatiya şoreşgerî ji bo rewatiya destûrî biçin, tekez jî li wê yekê kir ku hilbijartin baştirîn rêye ji bo guhertina li desthilatê.

Serok Barzanî balkişand li ser encama hilbijartinên berê yê Iraqê û ragihand ku gelê Kurdistanê di hilbijartina berê de padaşta helwestên neteweyî û niştimanî yên PDKê da. Hêvî jî xwest li hilbijartina çarenûssaza vê carê PDK encameke baş bi dest ve bîne û careke din PDK partiya yekemîn be li ser asta Iraqê. Daxwaz jî li alîgirên PDK kir ku pêgirê rêkarên hilbijartinê bin û xwe ji zimanê zibr û labela biparêzin û aramî û asayîşê ber çav bigrin. Her wiha daxwaz jî ji aliyan kir ku li şûna hewla hevdû şikandinê bîr li wê yekê bikin ku çawa pêkve kar bikin û li beranber gefan rawestin. Bi pêwîst jî zanî ku giriftên li gel Bexda bi hevdû têgihiştin û li ser bingeha şeraket û hevsengî û sazanê bêne çareser kirin.

Her di vê gotarê de Serok Barzanî tekezî kir li ser wê yekê ku kêşeya gelê Kurdistanê ne bi tenê mûçe û maaş e, lêbelê gelê Kurdistanê xwedî dozeke siyasî ye û divê dûrî li atîfe û demargîriyê bîr li çareseriyeke ciddî bê kirin. Serok Barzanî balkişand li ser wê yekê ku xelk mafê xwe heye dilgiranê paşerojê bê û ji bo nehiştina wê dilgiraniyê divê hemû aliyek hewl bidin pêkve kêmasiyan nehêlin. Serok Barzanî xelkê Kurdistanê ji wê yekê jî piştrast kir ku hêzên Pêşmerge bi qehremaniya xwe berevaniyê kirin û bi hebûna gedeyên dilsoz û qehreman rê nadin ku Kurdistan bikevê destê biyaniyan.

Li dawiya gotara xwe de Serok Barzanî daxwaz ji sazî û damezraweyên Herêma Kurdistanê kir ku bîr li wê yekê bikin xizmetguzariyeke baştir pêşkêşî xelkê Kurdistanê bikin û tekez li ser girîngiya perwerdeyê kir û bi pêwîst zanî ku perwerdeya nifşa nû li ser bingeha wefa û xweşdiviya ji bo niştiman be. Serok Barzanî hêviya serkeftinê ji bo berbijêrên Partî li hilbijartina Encûmena Nûnerên Iraqê xwest û daxwaz ji wan kir ku axaftinên kêm bikin û karên zêde ji bo miletê xwe bikin.

 




Nûçeyên din

Nêçîrvan Barzanî pêşwazî li Konsulê Giştî yê Almanyayê kir

SUNDAY, 07 AUGUST 2022 17:08:36

Hewlêr-KDP.info– Serokê Hikûmeta Herêma Kurdistanê Nêçîrvan Barzanî îro Yekşema 7.8.2022 pêşwaziya Konsulê Giştî yê Almanyayê li Herêma Kurdistanê Clemens Zemtner kir.

Konsulê Holanda: Karê min li Kurdistanê şerefeke mizin bû û ezê her dostê we bimînim

WEDNESDAY, 03 AUGUST 2022 15:08:24

Hewlêr-KDP.info- Serok Barzanî pêşwazî li Konsulê Giştî yê Holanda li Hewlêrê kir û di wê hevdîtinê de konsulê Holanda got, şerefeke mezin bû ku li Kurdistanê kar kiriye û di pêşerojê de jî ewê her wekî dostê gelê Kurdistanê bimîne.

 
Mesrûr Barzanî: Bi xwîna geş a sedan Pêşmergeyên qehreman Şingal ji dest DAIŞê hat azadkirin

WEDNESDAY, 03 AUGUST 2022 15:08:54

Hewlêr-KDP.info- Serokê Hikûmeta Herêma Kurdistanê Mesrûr Barzanî bi boneya salvegera jenosîda Êzdiyan li Şingal û derdora wê ya bi destê terorîstên DAIŞê peyamek belav kir.

 

Serok Barzanî: Şingal di destê çekdaran de ye ku nahêlin xelkê wê vegerin û navçe were avedankirin

WEDNESDAY, 03 AUGUST 2022 15:08:54

Hewlêr-KDP.info- Serok Mesûd Barzanî di salvegera heştemîn a jenosîda Şingalê de ragihand, tawana jenosîda Şingalê birîneke kûr e li ser gewdê gelê Kurdistanê, xwişk û birayên me yên Êzdî ji ber Kurdbûn û bi sedema ol û bîr û baweriyên xwe, ketin ber êrîşa teroristan.”

 

Serok Barzanî cejna Êzdiyan pîroz kir

TUESDAY, 02 AUGUST 2022 14:08:11

Hewlêr-KDP.info- Bi boneya hatina Cejna Çileya Havînê ya Êzdiyan, Serok Barzanî peyamek belav kir û pîrozbahî li Êzdiyan kir.

 


 
© 2022 Kurdistan Democratic Party, KDP

Contact