Kurdî  ■  كوردی  ■  عربي
THU, 21 OCT 2021 15:25 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî bo Macron: Ez ji ber pêşeroja gelê Kurd li Sûriyê dilgiran im
| KDP.info


Hewlêr-KDP.info- Serok Mesûd Barzanî pêşwazî li Serokê Fransayê kir û di wê hevdîtinê de herdû aliyan behsa rewşa Şingalê û Sûriyê kirin û Serok Barzanî derbarê pêşeroja gelê Kurd li Sûriyê dilgiraniya nîşan da.

Îro Yekşema 29.09.2021 li bajarê Hewlêrê Serok Mesûd Barzanî pêşwaziya Serok Emmanuel Macron Serokê Fransa û şandeke li gel de kir ku ji Wezîrê Derve yê Fransa û Balyozê Fransa li Iraqê û Konsulê Fransa li Hewlêr û hejmarek şêwirmendên siyasî û serbazî yên Hikûmeta Fransayê pêk hatibûn.

Di vê hevdîtinê de Serok Barzanî ji bilî bixêrhatina germ a Serok Macron spasî gel û welatê Fransayê kir ku di têkşikandina DAIŞê de pişta gelê Kurdistanê û Pêşmerge girt û ev yek bi dîrokeke hevbeş a şerefmendaneya di navbera herdu gelan de da zanîn.

Serok Barzanî got jî ku gelê Kurdistanê xwediyê çanda pêkvejiyanê ye û DAIŞ nekarî wê çandê ji gelê Kurdistanê bistîne û nekarî di nava civaka Kurdistanê de ji bo xwe pêgehekê dirust bike. Serok Barzanî spasî hewlên Serok Macron yên ji bo alîkariya Iraqê kir û ragihand ku ev hewl cihê geşbîniyê ne.

Her di vê hevdîtinê de Serok Macron ragihand ku “Min xwest Serok Barzanî bibînim ji bo dûpatkirina rêz û dostayetiya di navbera du gelan de û berdewambûna pêgiriya Fransa bi şerê terorîstên DAIŞê”.

Macron got jî ku Pêşmerge bi wêrekane şer kir û bû bi çavkaniya îlhamê û e yek bi xwe waneyek e ku alîkariya biyanî bi bêyî hebûna cengawerên bi wêrek yên li ser erdê ser nakevê. Her di derbarê gefên terorîstan Serok Barzanî ew yek jî ji Serokê Fransa re got ku gefa terorê hêjî maye ji ber ku ew sedemên bûne hokara serhildana teror û tundiyê hê jî mane.

Her di vê civînê de peywendiyên Hewlêr û Bexda û giriftên li ber proseya siyasiya Iraqê û hilbijartinên paşerojê ya Iraqê guftûgo kirin û her du alî hêvî xwestin ku hilbijartinên Iraqê bibê amrazeke baş ya dirustbûna guhertin û pêşveçûn û pêkanîna xwest û îradeya welatiyan.

Rewşa Şingal û Rojavayê Kurdistanê mijareke dinê vê hevdîtinê bûn û Serok Barzanî dilgiraniyên xwe yên ji ber pêşeroja Kurdan li Sûriye bi Serok Macron gihand.

Piştî temambûna wê civînê Serok Barzanî peykerê Pêşmergeyê wekî hêmaya berxwedana gelê Kurdistanê li beranber terorê pêşkêşî Serok Macron kir û Serokê Fransa jî diyariyeke taybetî ku hêmaya Komara Fransaye pêşkêşî Serok Barzanî kir.

Paşê Serok Barzanî li gel Serok Macron hevdîtina malbata Şehîd Hucam Surçî û polek Pêşmergeyên jin yên hêzên Zêrevaniya Herêma Kurdistanê kirin.




Nûçeyên din

Mesrûr Barzanî: Divê armanca xwendinê ji bo avedankirin û bihêzkirina welat be

WEDNESDAY, 20 OCTOBER 2021 18:10:13

Hewlêr-KDP.info- Serokwezîrê Herêma Kurdistanê Mesrûr Barzanî îro di merasîma xelatkirina hejmarek xwendekarên serkeftî yên qonaxa 12 a amadehî yên sala 2020 – 2021ê de amade bû û tê de gotarek pêşkêş kir.

 
Fazil Mîranî: Em dixwazin partiyên Kurdistanê wek tîmekê li Bexdayê kar bikin

TUESDAY, 19 OCTOBER 2021 18:10:16

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Partiya Komînîst (Şûî) ya Kurdistanê, sekreterê polîtburoya PDKê Fazil Mîranî û sekreterê giştî yê Partiya Komînîst a Kurdistanê Kawe Mehmûd civîneke çapemeniyê ve balkêşan ser naveroka hevdîtinê.

 
PDK: Li hemberî hizra inkara mafên Kurdistanê pêwîstiya me bi yekrêziyê heye

TUESDAY, 19 OCTOBER 2021 17:10:02

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Tevgera Îslamî ya Kurdistanê berdevkên herdu aliyan kongreyeke rojnamevanê lidar xistin û derbarê naveroka civînê de daxuyanî dan.

 
Fazil Mîranî: Em dixwazin ku Kurd li Bexdayê yekrêz bin

MONDAY, 18 OCTOBER 2021 19:10:22

Silêmanî-KDP.info- Sekreterê Polîtbîroya PDKê Fazil Mîranî ragihand, “Armanca me ji serdana aliyên siyasî yên Kurdistanê li Silêmanî ji bo yekrêziya Kurdan e, ku em dixwazin piştî hilbijartinan qonaxeke nû destpê bike û ew tundiya ku beriya hilbijartinan çê bû, nemîne.”

 
PDK: Ji bo ku em mafên xwe yên destûrî biparizin divê li Bexdayê em yek bin

MONDAY, 18 OCTOBER 2021 18:10:28

Silêmanî-KDP.info- Îro 18.10.2021ê piştî hevdîtinên şandeya bilind a PDKê û YNKê berdevkên herdu aliyan li ser naveroka hevdîtinê kongreyeke rojnamevanî lidar xistin.



 
© 2021 Kurdistan Democratic Party, KDP

Contact