Kurdî  ■  كوردی  ■  عربي
MON, 26 JUL 2021 23:48 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

“Hêzên Rojava û Rojhilat jî li Başûr hene lê tenê PKK rewşa Herêma Kurdistanê liberçav nagre”
| KDP.info


Hewlêr-KDP.info- PKK valahiya ku li ser sînor çêbûye, wek derfet bikar aniye û çekdarên wê sûdê ji axa Herêma Kurdistanê dibînin ji bo çalakiyên xwe. Pisporekî siyaseta PKKê jî dibêje, gelek hêzên perçeyên din ên Kurdistanê li Başûrê Kurdistanê hene, lê tenê PKK rewşa Herêma Kurdistanê liberçav nagre.

Şirovekarê siyasî û pispor di warê siyaseta PKKê de Mistefa Şefîq ji malpera KDP.info re ragihand: “Piştî şerê xendeqan li Bakurê Kurdistanê, ku sala 2015an bajarên Bakurê Kurdistanê tê de wêran bûn û nêzîkî 8 hezar kes hatin kuştin, dewleta Tirkiyê bi hêzeke mezin li pey PKKê ket û çekdarên wê ji Bakur derxistin. Piştre Tirkiye êrîşî Rojavayê Kurdistanê jî kir û PKK ji Efrîn û Girê Sipî û Serêkaniyê derxist. Dewleta Tirkiyê biryara xwe daye ku şerê çekdarî li Bakurê Kurdistanê bidawî bîne. Mixabin ji ber ku PKK êrîşî PKKê kir, PKK hemû hêza xwe kişandiye Başûrê Kurdistanê.”

Wî şirovekarê siyasî wiha got: “Biryar bû PKK şerê xwe bibe Bakurê Kurdistanê, lê beruvajî, PKK şerê xwe anî ber deriyê Başûrê Kurdistanê. PKK ti hêzeke xwe ya leşkerî û siyasî li Bakurê Kurdistanê nehiştiye û hemû aniye nava axa Başûr û Rojava. Ev yek jî bêguman xizmeta siyaset û stratîjiya Tirkiyê dike. Ji xwe serfermandarê Tirkiyê jî gotibû, ji bo ku em asayiş û ewlehiya Tirkiyê biparêzin, divê em şer bibin deşta Sûriye û bakurê Iraqê.”

Mistefa Şefîq wiha domand: “Bêtirî 100 salî ye ku Kurdan xebat kirine û berhema wan jî tenê ezmûna Herêma Kurdistanê ye. Her hêzek eger xwe Kurd bibîne, eger nikaribe parastinê bike, bila kêşe û pirsgirêkan ji Herêma Kurdistanê re dernexîne. Pêşmergeyên Rojavayê Kurdistanê li Başûrê Kurdistanê hene, hêzên Rojhilatê Kurdistanê li Başûr hene, û hemû hêzên Kurdî rewşa Herêma Kurdistanê liberçav digrin. Lê tenê PKK wê yekê nake.”

Şefîq wiha got: “PKK ev 43 sal e ku hatiye damezrandin û nêzîkî 40 salî ye ku li ser axa Başûrê Kurdistanê dijîn. Li ser nav û ava xelkê Başûr jiyane. Lê ziyana wan a mezin ji Herêma Kurdistanê re ye.”

Derbarê egera derketina şer di navbera Herêma Kurdistanê û Tirkiyê de, Şefîq ew yek dûr dît û wiha got:“Şer ne di berjewendiya ti kesî de ye. Şer ne çareserî ye. Em di qonaxeke nazik de ne û dijminên me hemû zext û guvaş avêtine ser milê Başûrê Kurdistanê. Lewma divê PKK pêbendî yasa û qanunên Herêma Kurdistanê bibe. Her Kurdek xwe Kurd bibîne, gerek alîkariya Hikûmeta Herêma Kurdistanê bike. Pirsa PKK û Tirkiyê bûye pirseke navdewletî û yên xwe wek dilsozên Kurdan dibînin, divê alîkar bin ji bo çareserkirina pirsa Kurdî li Bakurê Kurdistanê.”

 




Nûçeyên din

Mesrûr Barzanî: Ji vê mehê û pê de mûçe dê bê qûtkirin were dan

SUNDAY, 25 JULY 2021 17:07:55

Hewlêr-KDP.info- Serokwezîrê Herêma Kurdistanê Mesrûr Barzanî îro 25ê Tîrmeha 2021ê di gotarekê de ragihand, ji vê mehê ve mûçe bê lêbirîn tê belavkirin.

 
Serkirdeyekî PDKê: Em hizrê li bedîlê vekişyana Amerîka dikin

SUNDAY, 25 JULY 2021 17:07:43

Hewlêr-KDP.info- Gotûbêjên Amerîka û Iraqê gihîştine qonaxeke nû. Serkirdeyên Iraqê di bin gefa girûpên çekdar û milîsan de daxwaza vekişandina hêzên Amerîka ji Iraqê dikin. Şandeke Iraqê naverasta vê hefteyê dê serdana Amerîka bike û li wir gotûbêjan bike. Serokwezîrê Iraqê hatiye neçarkirin ku bi şêweyekî nû gotûbêjan bike ligel berpirsên Amerîka, ew jî gotûbêjkirina vekişandina hêzên Amerîka ye ji Iraqê û gotûbêjkirina rewşa nû ya navçeyê.

 
Nêçîrvan Barzanî pîrozbahî li Tevgera Goran kir

SUNDAY, 25 JULY 2021 17:07:11

Hewlêr-KDP.info- Serokê Herêma Kurdistanê Nêçîrvan Barzanî bi boneya 12mîn saliya damezrandina Tevgera Goran peyamek belav kir.

 
Serok Barzanî êrîşa terorîstiya ser bajarê Sadir li Bexda şermezar kir

TUESDAY, 20 JULY 2021 13:07:13

Bi navê xwedayê mezin û dilovan

Serok Barzanî cejna malbatên şehîdan û pêşmergeyan pîroz dike

MONDAY, 19 JULY 2021 22:07:15

Hewlêr-KDP.info- Serok Mesûd Barzanî îro Duşema 19ê Tîrmeha 2021ê bi boneya hatina cejna Qurbanê peyameke pîrozbahiyê belav kir û tê de pîrozbahî li malbatên şehîdan û pêşmergeyan û hemû misilmanên Kurdistan û cîhanê kir.



 
© 2021 Kurdistan Democratic Party, KDP

Contact