Kurdî  ■  كوردی  ■  عربي
THU, 21 OCT 2021 15:25 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Ew hêviya we bicîh nayê..
| KDP.info


Zikrî Mûsa

Bi salên dûr û dirêj e ku hizib û aliyên siyasî yên Kurdistanê PKK baş nas dikin, û ha ji pilan û hizir û adyolojya û karên kirêt ên wê partiyên hene. Hemû aliyên siyasî baş agahdarî wê yekê ne ku, dijayetîkirina Herêma Kurdistanê dezgehên Herêma Kurdistanê beşeke nayê guhertin ji siyaset û cîhanîbûna PKKê. Lê tişta ku me matmayî dike, her dema ku çekdarên PKKê dest bi şerfiroştin û derxistina pirsgirêkan kirin ji Herêma Kurdistanê re, hinek medya û bal û aliyên siyasî yên Kurdî bilez tohmet xistin histê PDKê ku hizr li şerê navxwe dike yan jî nexşeyê ji bo şerê Kurdî Kurdî datîne. Li vir pirsyar ew e, ji pêwendiya PDK bi karê şerxwazî û reftarên PKKê yên ne di cihê xwe de heye? Eger ev rêbaz û siyaseta PKKê be, gunehê PDKê çi ye û çima tohmeta şerê navxwe û kuştina Kurdan bikeve histê PDKê? Gelo PDK dest bi şer kiriye yan PKK Pêşmerge şehîd kirine?

Di hemû gerên destpêkirina şerfiroştinê û derxistina aloziyan ji aliyê PKKê ve, ji karê zalim ê ser çiyayê Metîn roja 5..6.2021 ve, çekdarên PKKê bi xwe bûne ku Pêşmerge şehîd kirine û her ew bi xwe bûne ku hêzên asayişa Kurdistanê kirine armanca xwe û karên revandinê jî kirine. Eger Pêşmerge û ew hêzên ku asayişa Herêma Kurdistanê li ser milê wan e û ser bi dezgehên herêma Kurdistanê ne ji aliyê PKKê ve tên şehîdkirin, çima nabe berpirsyaretiya şehîdbûna wan bikeve histê PKKê û her divê tohmet li ser PDK be?

Cihê mixabîniyê ye ku di vê xapandinê û neheqiyê de beşek ji YNKê jî beşdar e û tevî ku ew rastiyê baş dizanin, lê çavê ku digrin ji wan destdirêjiyên PKKê û bêşermî PDK bi şerê Kurd û Kurdan tohmetbar dikin. Ew û hinek aliyên din jî li ser wê yekê fêrbûne ku ji bo PDK biêşînin û pirsgirêkan ji PDKê re derxînin hertişî bikin eger ziyanê jî bighînin Herêma Kurdistanê û xwe jî.

Li hemberî şerfiroştin û tawan û karên nedicihê xwe de yên PKKê li dijî Herêma Kurdistanê jî, berdewam bi riya muzayedatê hincetan jikar û tawan û xweferizkirina PKKê derdixin û bi vê bêhelwêstiya wan bêrêziyê bi xwîna wan Pêşmergeyên şehîd dikin, ku li ser axa xwe ji aliyê PKKê ve bi zilim şehîd ketin. Dema em berê xwe didin medyayên partiyên siyasî û girûpên Kurdî dikin û em muzayedat û daxuyanî û helwêsta wan dibînin, ew hest li cem me çêdibe ku ew jidil dixwazin PDK bikeve nava kêşe ûpirsgirêk û şeran û ji bo vê yekê jî kar dikin. Ew hêxiyeke xerab û neniştimanî û kirêt e. Herwiha asta xerabî û neberpirsyaretiya wan nîşan dide. Xelkê Kurdistanê jî êdî ji wan fêm dikin. Dê rojekê bi xwe werin û dest ji wê riq û kîneya li hemberî PDKê berdin û ew baş jî dizanin ku qet ev hêviya wan bicîh nayê, ku dixwazin PDK bixin nava şerê Kurd û Kurdan.

 




Nûçeyên din

Mesrûr Barzanî: Divê armanca xwendinê ji bo avedankirin û bihêzkirina welat be

WEDNESDAY, 20 OCTOBER 2021 18:10:13

Hewlêr-KDP.info- Serokwezîrê Herêma Kurdistanê Mesrûr Barzanî îro di merasîma xelatkirina hejmarek xwendekarên serkeftî yên qonaxa 12 a amadehî yên sala 2020 – 2021ê de amade bû û tê de gotarek pêşkêş kir.

 
Fazil Mîranî: Em dixwazin partiyên Kurdistanê wek tîmekê li Bexdayê kar bikin

TUESDAY, 19 OCTOBER 2021 18:10:16

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Partiya Komînîst (Şûî) ya Kurdistanê, sekreterê polîtburoya PDKê Fazil Mîranî û sekreterê giştî yê Partiya Komînîst a Kurdistanê Kawe Mehmûd civîneke çapemeniyê ve balkêşan ser naveroka hevdîtinê.

 
PDK: Li hemberî hizra inkara mafên Kurdistanê pêwîstiya me bi yekrêziyê heye

TUESDAY, 19 OCTOBER 2021 17:10:02

Hewlêr-KDP.info- Îro Sêşema 19.10.2021ê piştî civîna şandeya bilind a PDKê û Tevgera Îslamî ya Kurdistanê berdevkên herdu aliyan kongreyeke rojnamevanê lidar xistin û derbarê naveroka civînê de daxuyanî dan.

 
Fazil Mîranî: Em dixwazin ku Kurd li Bexdayê yekrêz bin

MONDAY, 18 OCTOBER 2021 19:10:22

Silêmanî-KDP.info- Sekreterê Polîtbîroya PDKê Fazil Mîranî ragihand, “Armanca me ji serdana aliyên siyasî yên Kurdistanê li Silêmanî ji bo yekrêziya Kurdan e, ku em dixwazin piştî hilbijartinan qonaxeke nû destpê bike û ew tundiya ku beriya hilbijartinan çê bû, nemîne.”

 
PDK: Ji bo ku em mafên xwe yên destûrî biparizin divê li Bexdayê em yek bin

MONDAY, 18 OCTOBER 2021 18:10:28

Silêmanî-KDP.info- Îro 18.10.2021ê piştî hevdîtinên şandeya bilind a PDKê û YNKê berdevkên herdu aliyan li ser naveroka hevdîtinê kongreyeke rojnamevanî lidar xistin.



 
© 2021 Kurdistan Democratic Party, KDP

Contact