Kurdî  ■  كوردی  ■  عربي
THU, 24 JUN 2021 11:13 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Em tenê sozan nadin, em sozên xwe bicîh jî tînin
| KDP.info


Hewlêr-KDP.info- Serokê Hikûmeta Herêma Kurdistanê ragehand, hikûmet hemû hewldanekê ji bo avakirina bingehekê ji bo aboriyekî pêşkeftî dide. Herwiha got: “Em tenê sozan nadin, em sozên xwe bicîh jî tînin.”

Îro Sêşema 18.05.2021ê Serokê Hikûmeta Herêma Kurdistanê Mesrûr Barzanî li Hewlêrê di gotareke merasîma vekirina kargeha hilberîna hesin MED STEEL a li herêma Kurdistanê û Iraqê ya herî mezin de gotarek pêşkeş kir.

Mesrûr Barzanî gotara xwe de ragehand: “Birêz amadebûyên hêja roja we baş. Ez xwe gelekî bextewer dibînim ku di boneyekî waha de amade me, bo vekirina kargeha hesin a MED STEEL li Hewlêrê. Ev vê rastiyê nîşan dide ku em li herêma Kurdistanê berdewamin li piştevanî kirina sektora taybet. Di vê boneyê de ku MED STEEL di warê pîşesazî de xizmeteke mezin dê ji herêma Kurdistanê re bike.

Em tenê sozan nadin, di heman demê de em sozên xwe bicîh jî tînin. Di kabîneya nehem de me soz da piştevaniya sektora taybet bikin û hewldanên hemû cure kirina aboriya herêmê bidin. Ez keyfxweşim dibînin kargehekî waha mezin bi standartên cîhanî hatiye ava kirin û ya herî mezin û pêşkeftî ye di warê hilberîna hesin de li Iraq û herêma Kurdistanê.

Qasê em dizanin ev kargeh xwedî şiyane ku 350 ton şîş û hesin û steel hilberîne bo Kurdistanê û Iraqê û cîhên din jî dikare berhem bîne, herwaha derfeta kar bo zêdetir ji 1000 kesan jî ava dike.

Cîhê serbilindiyê ye roj bi roj projeyên stratejîk li Herêma Kurdistanê tên ava kirin. Emê berdewam bin li piiştevanî kirina sektora taybet bo hemû cure kirina bingehekî bihêz ê aboriyê li herêma Kurdistanê. Ji bo ku em pişta xwe nedin tenê çavkaniyekî û pê ve girê nedin. Kurdistan bi kana û madênên xwe û dewlemendiyên xwe yên xwezayî ve gelek dewlemende. Lê wek pêwîst heta naha sûd jê nehatiye wergirtin. Hemû hewldaneke me dê ew be ku em bingehekî ava bikin ku Kurdistanê bixe nav rêza welatên pêşkeftî.

Emê piştevaniya wan hewldanan berdewam bikin û spasiya hemû sermayedaran dikin û daxwazê ji hilberînan dikin ku di sektorên pîşesazî û geştûguzar û kiştûkal û fêrkirin û xwandin berdewam bikin. Bernameyekî me ya mezin heye bo pêşxistina Kurdistanê ji hemû aliyan ve. Ez keyfxweşim ku ez dibînim roj bi roj berhemên sozên ku me dane derdikevin û Kurdistan pêngaveke zêdetir davêje bo ku pêş bikeve.

Ez destxweşiyê li we dikim û destxweşî li Kak Sebrî Ozer dikim bo vê hilberîna ku kirine, hêviya serkeftin û serbilindiyê bo wî dixwazim.”


 




Nûçeyên din

Mesrûr Barzanî pêşwazî li nûnerê Amerîka di şerê DAIŞê de kir

WEDNESDAY, 23 JUNE 2021 20:06:53

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li nûnerê taybet yê Amerîka di hevpeymaniya navdewletî ya dijî DAIŞê de kir.

 
Mesrûr Barzanî û Balyozê Brîtanya pêwendiyên Brîtanya û Kurdistanê gotûbêj kirin

WEDNESDAY, 23 JUNE 2021 20:06:46

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 23ê Hezîrana 2021ê pêşwazî li Balyozê Brîtanya yê li Iraqê Stephen Hickey kir.

 
Encumena Wezîran bûdceya Herêma Kurdistanê nirxand

WEDNESDAY, 23 JUNE 2021 19:06:12

Hewlêr-KDP.info- Bi serokatiya Serokwezîrê Herêma Kurdistanê Mesrûr Barzanî û bi amadebûna Cîgirê Serokwezîr Qubad Talebanî, Encumena Wezîran civîna heftane encam da.

 
Nêçîrvan Barzanî û Şah Urdinê li ser rewşa navçeyê axivîn

WEDNESDAY, 23 JUNE 2021 19:06:51

Hewlêr-KDP.info- Îro Çarşema 23.06.2021 Şah Abdullahê duyem, Şahê Şahnişîna Urdina Haşimî, li Koşka Huseyniye li Emman, pêşwaziya Nêçîrvan Barzanî Serokê Herêma Kurdistanê kir.

Balyozê Brîtanya: Em rijd in li ser parastina Herêma Kurdistanê

WEDNESDAY, 23 JUNE 2021 19:06:09

Hewlêr-KDP.info- Serok Mesûd Barzanî pêşwaziya Balyozê Brîtanya li Iraqê kir û di wê hevdîtinê de şanda mêvan ragihand Brîtanya û welatên Hevpeyman rijd in li ser parastina Herêma Kurdistanê ji êrîşan û aramiya Herêmê bi fakterêke serekî ya aramiya Iraq û navçeyê dizanin.



 
© 2021 Kurdistan Democratic Party, KDP

Contact