Kurdî  ■  كوردی  ■  عربي
SUN, 16 MAY 2021 21:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Divê her PKK ji Şingalê derkeve û ti rêyeke din li pêşiya wê nîne
| KDP.info


Şingal-KDP.info- Rêveberê Nahiyeya Qehtaniye ya ser bi Şingalê ve ragihand, li sînorê Şingalê PKK ji bo mana xwe li devera Şingalê hemû karekî dike û karê herî dawî jî, komek xelkên sivîl lixwe kom kiriye û pere û otomobîl û zêrevan daye wan, ji bo ku piştgîriyê li PKKê bikin û çekdarên PKK li Şingalê bimînin, lê dîsa jî xelkê Şingalê yên ku piştgîriyê li PKKê dikin, naghên %1ê.

Xidir Xwedêda ji malpera KDP.info re ragihand: “PKK her rojê û tiştekî dike ji bo ku li Şingalê bimîne û Şingalê neyên derxistin, ji bo ku dizanin di dawiyê de divê ji Şingalê derkevin û ti rêyeke din li pêşiya wan nîne. Lewma niha xelkê Şingalê ji bo meramên xwe bikar tînin û bazirganiyê bi wan dikin, ku dixwazin wan bikin qurbanî û pirsgirêkan ji Şingalê re derxînin.”

Xwedêda wiha got: “Li nahiyeya me xelk naxwazin vegerin ser malên xwe ji ber PKKê, ku ji nava 15 hezar malbat tenê 450 malbat vegeriyane û yên din jî naxwazin vegerin. PKK xelkê Şingalê ji rê dibe û pere û otomobîl û zêrevan dane wan, ji bo ku her dema ku PKK re were gotin ji Şingalê derkevin, ew xelk rê bigrin û derkevin xwepêşandanan û bêjin bila PKK ji Şingalê dernekeve, vêga hêzên Iraqê guleyan bavêjin wan û sivîl bibin qurbanî.”

Xidir Xwedêda wiha domand: “Yên ku piştgîriya PKKê dikin, rêjeya wan naghê % 1ê û xelkê din jî hemû li dijî PKKê ne û dixwazin PKK ji Şingalê derkeve, ji ber ku xelk jî dizanin çawa rewşa ewlehiyê xer kirine û çawa dixwazin Şingalê wêran bikin, ew jî tenê ji bo berjewendiyên PKKê û ji bo mana çekdarên wan li Şingalê.”

 




Nûçeyên din

Serok Barzanî: Leyla Qasim sembola azadîxwazî û fedakariya keça Kurd e

WEDNESDAY, 12 MAY 2021 23:05:46

Hewlêr-KDP.info- Serok Mesûd Barzanî di bîranîna 47 saliya sêdaredana Leyla Qasim peyamek belav kir û tê de got, Leyla Qasim sembola azadîxwazî û fedakariya keça Kurd e.

Nêçîrvan Barzanî banga çareseriyeke aştiyane ji bo aloziyên Îsraîl û Filêstinê dike

WEDNESDAY, 12 MAY 2021 23:05:58

Hewlêr-KDP.info- Serokê Herêma Kurdistanê Nêçîrvan Barzanî derbarê aloziya di navbera Îsraîl û Filêstinê de got: “Em ji ber aloziyên çend rojin di navbera Îsraîl û Filêstinê de berdewam in, ku bûne sedema kuştina kesên sivîl dilgiran in.” Nêçîrvan Barzanî herwiha banga çareseriyê aştiyanê bo aloziyên Îsraîl û Filêstinê kir.

 
Serok Barzanî: Cejna Remezanê li Pêşmerge û malbatên serbilindan pîroz be

WEDNESDAY, 12 MAY 2021 23:05:14

Hewlêr-KDP.info- Serok Barzanî ji ber hatina Cejna Remezanê peyameke pîrozbahiyê belav kir. Ev jî tekesta wê peyamê ye:

 
Mesrûr Barzanî Cejna Remezanê Misilmanên Kurdistanê pîroz kir

WEDNESDAY, 12 MAY 2021 23:05:56

Hewlêr-KDP.info- Serokwezîrê Herêma Kurdistanê Mesrûr Barzanî bi boneya hatina cejna Remezanê, peyameke pîrozbahiyê arasteyî hemû Misilmanên Kurdistan û Iraq û cîhanê kir û ji welatiyan daxwaz kir ku metirsiyên Koronayê bi cidî werbigrin û pêbendî rêkarên xweparêzî û rênimayên tendirustiyê bibin.

 
Peyama Serokê Herêma Kurdistanê ya bi helkefta cejna Remezanê

WEDNESDAY, 12 MAY 2021 20:05:29

Cejna Remezanê bi germî li tevahiya misilmanên Kurdistan, Iraq û cîhanê, bi taybetî li malbat û kesukarên serbilindên şehîdan pîroz dikim. Hêvîdarim xêr û xweşî û bextewerî ji bo hemuyan li gel xwe da bîne, cejn û bîhnvedaneke aram bi ser bibin û helkeftên xwe yên li paşerojê de li rewşeke baştir û dûrî pejik û nexweşî û qeyran û aloziyan bigêrin.



 
© 2021 Kurdistan Democratic Party, KDP

Contact