Kurdî  ■  كوردی  ■  عربي
SUN, 16 MAY 2021 22:31 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PKK asteng e lê pêşiya rêkeftina Şingalê û Hikûmeta Iraqê jî rijd e ku wan ji Şingalê derxîne
| KDP.info


Şingal-KDP.info- Fermandarê Hêza Pêşmerge li Şingalê Qasim Şeşo ragihand, tevî ku berdewam şandên Hikûmeta Iraqê tên Şingalê ji bo ku guvaşê li PKKê bikin ji bo ku ji Şingalê derkeve, lê ew razî nabin ku derkevin û dixwazin her çawa mabe rewatiyê bidin xwe û xwe bikin hêzeke iraqî, lewma ew asteng in li pêşiya rêkeftina Şingalê.

Qasim Şeşo ji malpera KDP.info re ragihand: “Hatina berdewam a şandên serbazî yên Hikûmeta Iraqê bo sînorê Şingalê ji bo wê yekê ye ku rêkeftina ku di navbera Bexda û Herêma Kurdistanê ji bo Şingalê hatiye îmzekirin, were cîbicîkirin, lê PKK asteng e li pêşiya cîbicîkirina wê rêkeftinê. Şandên Bexdayê berdewam tên guvaşê li PKK dikin ji bo ku ji Şingalê derkein, lê ew razî nabin.”

Şeşo wiha got: “Pir zehmet e ku PKK ji Şingalê derkeve. Ne bi şer be PKK ji Şingalê dernakeve. Xelkê Şingalê jî dikin qurbanî siyaseta xwe. Her ku şandek ji Bexdayê tê PKK jin û zarokên ku ji rê çûne, dibe pêşiya wê şandê ji bo ku ji şanda Bexdayê re nîşan bidin xelk piştgîriya PKKê dikin û dest bi xwepêşandanan dikin. Ma her kes dizane xelkê Şingalê koçber bûne û eger xelkê Şingalê ligel PKKê bin dê vegeriyana Şingalê.”

Şeşo wiha got: “PKK dixwaze rewatiyekê bide xwe û bide mana xwe li navçeyê. Dixwazin xwe bikin hêzeke iraqî ji bo ku li Şingalê bimînin. Lê Hikûmeta Iraqê rijd e ku PKK ji Şingalê derkeve.”

 




Nûçeyên din

Serok Barzanî: Leyla Qasim sembola azadîxwazî û fedakariya keça Kurd e

WEDNESDAY, 12 MAY 2021 23:05:46

Hewlêr-KDP.info- Serok Mesûd Barzanî di bîranîna 47 saliya sêdaredana Leyla Qasim peyamek belav kir û tê de got, Leyla Qasim sembola azadîxwazî û fedakariya keça Kurd e.

Nêçîrvan Barzanî banga çareseriyeke aştiyane ji bo aloziyên Îsraîl û Filêstinê dike

WEDNESDAY, 12 MAY 2021 23:05:58

Hewlêr-KDP.info- Serokê Herêma Kurdistanê Nêçîrvan Barzanî derbarê aloziya di navbera Îsraîl û Filêstinê de got: “Em ji ber aloziyên çend rojin di navbera Îsraîl û Filêstinê de berdewam in, ku bûne sedema kuştina kesên sivîl dilgiran in.” Nêçîrvan Barzanî herwiha banga çareseriyê aştiyanê bo aloziyên Îsraîl û Filêstinê kir.

 
Serok Barzanî: Cejna Remezanê li Pêşmerge û malbatên serbilindan pîroz be

WEDNESDAY, 12 MAY 2021 23:05:14

Hewlêr-KDP.info- Serok Barzanî ji ber hatina Cejna Remezanê peyameke pîrozbahiyê belav kir. Ev jî tekesta wê peyamê ye:

 
Mesrûr Barzanî Cejna Remezanê Misilmanên Kurdistanê pîroz kir

WEDNESDAY, 12 MAY 2021 23:05:56

Hewlêr-KDP.info- Serokwezîrê Herêma Kurdistanê Mesrûr Barzanî bi boneya hatina cejna Remezanê, peyameke pîrozbahiyê arasteyî hemû Misilmanên Kurdistan û Iraq û cîhanê kir û ji welatiyan daxwaz kir ku metirsiyên Koronayê bi cidî werbigrin û pêbendî rêkarên xweparêzî û rênimayên tendirustiyê bibin.

 
Peyama Serokê Herêma Kurdistanê ya bi helkefta cejna Remezanê

WEDNESDAY, 12 MAY 2021 20:05:29

Cejna Remezanê bi germî li tevahiya misilmanên Kurdistan, Iraq û cîhanê, bi taybetî li malbat û kesukarên serbilindên şehîdan pîroz dikim. Hêvîdarim xêr û xweşî û bextewerî ji bo hemuyan li gel xwe da bîne, cejn û bîhnvedaneke aram bi ser bibin û helkeftên xwe yên li paşerojê de li rewşeke baştir û dûrî pejik û nexweşî û qeyran û aloziyan bigêrin.



 
© 2021 Kurdistan Democratic Party, KDP

Contact