Kurdî  ■  كوردی  ■  عربي
TUE, 13 APR 2021 07:54 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî û Macron rewşa Êzdiyan û rewşa penaberên li kampên Kurdistanê gotûbêj kirin
| KDP.info


Hewlêr-KDP.info- Serok Emmanuel Macron xweşhaliya xwe bi hevdîtina Serok Nêçîrvan Barzanî derbirî û spas kir ku ji bilî wê rewşa dijwar ya Koronayê dirust kiriye serdana Parîsê kir, her wiha berdewamiya pêkvekarkirin û piştgîriya Fransa ya li çarçoveya hevpeymaniya navdewletî de ji bo Iraq û Herêma Kurdistanê dûpat kir.

Piştî nîvroya îro Sêşemê 30.03.2021 Nêçîrvan Barzanî Serokê Herêma Kurdistanê li Koşka (Élysée) Elîzê li Parîs, ji aliyê Emmanuel Macron Serokê Fransa ve hate pêşwazî kirin.

Di civînê de rewşa Iraq û Herêma Kurdistanê û navçeyê bi giştî guftûgo kirin û ji bo aramiya Iraq û navçeyê û rûbirûbûna gef û metirsiyên DAIŞê, tekez li ser pêşxistina peywendiyan û hevkarî û hevbeşiya Iraq û Herêma Kurdistanê li gel Fransa kirin, her du alî li ser girîngiya hebûna têgihiştina hevbeş ya ji bo parastina aramiya li navçeyê de bi hevre bûn.

Serok Macron behsa serdana dawî ya Papayê Pîroz Fransîs ya ji bo Iraq û Herêma Kurdistanê kir û balkişand li ser wê yekê ku bihîstiye serdan cihê xweşhaliya Papa buye û bi rûdaneke girîng da zanîn. Ji aliyê xwe ve Serok Nêçîrvan Barzanî dûpat kir ku serdana Papa ya Iraq û Herêma Kurdistanê bandoreke erênî li ser hemû pêkhatên welat de hebûye.

Di civînê de Serok Nêçîrvan Barzanî, spas û pêzanînên Herêma Kurdistanê ya ji bo piştgîriya Serok Macron û Fransa ya li demên dijwar de ji bo gelê Kurdistanê dûpat kir û amadehiya Herêma Kurdistanê ji bo karkirin û alîkarî û hevbeşiya li gel Fransa û civaka navdewletî derbirî û bi navê çareserkirina kêşeyên Iraq û dabînkirina aramiya li navçeyê da, her wiha hevkariya Fransa û civaka navdewletî ya ji bo çareserkirina kêşeyên Hewlêr – Bexda û pêkve kar kirin û hevbeşiya hemû pêkhatên Iraqê li proseya siyasî da ji bo çareseriyê bi girîng û bi pêwîst zanî.

Metirsiyên terorê û serhildana DAIŞê mijareke dinê civînê bû ku têda tekez li ser girîngiya alîkarî û hemahengiya di navbera Pêşmerge û artêşa Iraqê li navçeyên maddeya 140 ya destûrê kirin bo ku valahiya emnî dirust nebê û ji aliyê Da’îş ve wekî derfetek neyê bikaranîn. Derbarê wê yekê de Serok Macron hevnerîn bû ku DAIŞ hêjî metirsiyeke ciddî ye û civaka navdewletî di rûbirûbûna wê de berdewam dibe.

Pêşhatên dawî yên belavbûna Kovid – 19 li Fransa û Iraq û Herêma Kurdistanê û rêkarên rûbirûbûna wê, rewşa koçber û penaberan li kampên Herêma Kurdistanê û pêwîstiya wan bi hevkarî û alîkariyên civaka navdewletî û çawayiya vegerandina wan bo cih û warên wan, rewşa Êzdiyan li navçeya Şingalê û Xrîstiyanên li Deşta Nînowa, ‌hilbijartinên were li Iraqê, rewşa navxweya Herêma Kurdistanê, peywendiyên Iraq û Herêma Kurdistanê li gel welatên navçeyê û çend pirseke dinê girîng û hevbeş, beşeke dinê civînê bûn.

 




Nûçeyên din

Serok Barzanî pêşwazî li emîndarê giştî yê Komkara Erebî kir

SUNDAY, 11 APRIL 2021 12:04:10

Hewlêr-KDP.info- Serok Mesûd Barzanî îro 11 Nîsana 2021an pêşwazî li Sekreterê Giştî yê Komkara Erebî Ehmed Ebû El-Xeyt û şanda pê re kir.

Serokê Herêma Kurdistanê û Nûnera Sekreterê UN behsa rewşa Şingalê kirin

SUNDAY, 11 APRIL 2021 12:04:24

Hewlêr-KDP.info- Nêçîrvan Barzanî Serokê Herêma Kurdistanê li gel xanima Jeanine Plasschaert Nûnera Taybetî ya Sekreterê Giştî yê Neteweyên Yekgirtî (NY) li Iraqê civiya.

Nêçîrvan Barzanî û Serokê Parlamentoya Iraqê tekezî li ser çareserkirina pirsgirêkan kirin

SUNDAY, 11 APRIL 2021 12:04:15

Hewlêr-KDP.info- Li Bexdayê Nêçîrvan Barzanî Serokê Herêma Kurdistanê û Mihemed Helbûsî Serokê Encumena Nûneran civiyan.

Wezîrê Derve yê Amerîkayê spasiya Serokwezîrê Kurdistanê Mesrûr Barzanî kir

SUNDAY, 11 APRIL 2021 11:04:59

Hewlêr-KDP.info- Wezîrê Derve yê Amerîka spasiya hewl û piştevaniya Serokwezîrê Herêma Kurdistanê ji bo diyaloga stratejîk a di navbera Iraqê û Amerîka de kir.

Nêçîrvan Barzanî ligel Serokê Encumena Bilind a Dadwerî civiya

SATURDAY, 10 APRIL 2021 21:04:57

Hewlêr-KDP.info- Di berdewamiya serdana xwe ya Bexdayê, êvariya îro şemî 10.04.2021 Nêçîrvan Barzanî Serokê Herêma Kurdistanê li gel Fayeq Zêdan Serokê Encumena Bilind a Dadweriya Iraqê û hejmareke ji Dadwer û Serokê Dadgehan civiya.



 
© 2021 Kurdistan Democratic Party, KDP

Contact