Kurdî  ■  كوردی  ■  عربي
THU, 3 DEC 2020 16:20 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berdevkê PDKê: Ti peywendiya me bi çawaniya diyarkirina Babe Şêxê Êzdiyan nîne
| KDP.info


Hewlêr-KDP.info- Berdevkê Partiya Demokrata Kurdistanê (PDK) Mehmûd Mihemed di daxuyaniyekê de li ser diyarkirina Babe Şêxê Kurdên Êzidî ragihand, partiya wan dûr û nêzîk ti peywendî bi çawaniya diyarkirina pile û payeyên civakî û ola Kurdên Êzdî nîne û ew rêz li şêwazê hilbijartina Babe Şêx digirin.

Berdevkê fermî yê PDKê di daxuyaniya xwe de dibêje: ‘’Mixabin dema borî de Mîr Tehsîn Beg koça dawî kir û piştî wî jî Babeşêx koçbar bû. Diyare li gor kevneşopî û rêkarên xwe yên diyarkirina Mîr, pêwîste mîr nav malbata mîrên êzdiyan de bê helbijartin û helbijartin pêkhat û herwaha mîr bi hemahengiya li gel encûmena ruhaniya êzdiyan kesek nav malbata şêxên êzdî diyar dikin wek Babeşêx, ew jî bi heman awayî pêkhat.

Berdevkê PDKê got, em baweriyê bi maf û azadiyên netewî, olî û mezhebî tînin, li gel wê jî em erkê xwe dibînin ku hewla zêdetir bidin bo kûrkirina wan bîr û baweriyan û bi kiryar jî di navxweyiya partiya me de ev yek peyrewê de cîh digre û me hewldaye li bername û plana çawaniya rêvebirin û desthilata herêma Kurdistanê û Iraqê de jî ew baweriya me reng bide.

Berdevkê PDKê pîrozbahî li Kurdên Êzdî kir û got: ‘’Di vê rewşê de û naha li her demekî zêdetir hemwelatiyên me pêwîstiya wan bi yekgirtî û yekrêzê heye. Taybet piştî karesata dilhejîn a Şingalê, ku mixabin DAIŞ tiştên di xeyalên wan ên hovane yên terorîstî de hebûn li dijî jin û zilam û zarok û serwet û dewlemendî ya xelkê serbilind ê Şingalê pêkanîn. Li hember wê jî Şingaliyan bi alîkariya Kurdistaniyên hemnetewîyên xwe û xelkê Şingalê û çiyayê Şingalê ve ew hovane riswa kirin. Herçend hin kes û alî hewldan wê serkeftinê ji rê derbixin jî lê serkeftî nebûn.

Di daxuyaniya Berdevkê PDKê de hatiye gotin ku Kurdên Êzdî li gor rêkar û nerîtên ola xwe Babe Şêx diyar kirine û “dîsa wan destên ku xwestin Şingalê ji Kurdistanê veqetînin û bi rêya xelkê Şingalê rewatiyê bo hebşna xwe bidest bixin û ew ên ku jibilî ziyanê ti sûdeke wan bo Şingalê nebûye, hewla têkdana peywendiya qayîm a di navbera Şingaliyan didin. Şingalî gelek ji wê zanatir in ku xelkekî biyanî hewl didin dubendiyê di nav wan de ava bikin û destwerdanê di nav taybetmendiyên wan de bikin.”

Berdevkê PDKê dibêje: ‘’Em wek PDK dûr û nêzîk peyvendiya me bi çawaniya diyarkirina peywir û payeyên civakî û olî yên xwişk û birayên me yên Kurdên Êzdî tine. Em rêz li encamên civînên wan ên awayê helbijartina Babeşêx û biryarên wan digrin û hêviya serkeftinê bo wan dixwazin. Herwaha em piştrastin, ku Şingalî pir ji wê mezintir û şarazatir û zanatirin ku xelkekî biyanî hewldidin nakokî û dubendiyê nav wan de ava bikin û destwerdanê bikin di nav taybetmendiyên wan de û raboriya wan heye ku riswa kirina wan destwerdanan pêkanîne û yekrêziya xwe parastine.’’

 




Nûçeyên din

Çekdarên PKKê xwe li nava Şingalê veşartine

WEDNESDAY, 02 DECEMBER 2020 20:12:21

Şingal-KDP.info- Berpirsê Şaxa PDKê li Şingalê Qadir Qaçax dibêje, PKK navendên xwe li Şingalê nedane Hikûmeta Iraqê û tenê ji hinek navendên biçûk derketine.

 
Mesrûr Barzanî: Em ji her kesî zêdetir xemxurê jiyan û debara xelkê Kurdistanê ne

WEDNESDAY, 02 DECEMBER 2020 19:12:50

Hewlêr-KDP.info- Encumena Wezîran a Kurdistanê biryar da, mûçeyê meha Cotmehê sibe parve bike û şanda hikûmetê jî di demek nêzîk de serdana Bexdayê bike. Serokwezîrê Kurdistanê Mesrûr Barzanî jî dibêje, Hikûmeta Kurdistanê ji her kesî zêdetir xemxurê jiyan û debara xelkê Kurdistanê ye.

 
Serok Barzanî û Balyozê Rûsya li Iraqê pêşhatên navçeyê gotûbêj kirin

WEDNESDAY, 02 DECEMBER 2020 19:12:19

Hewlêr-KDP.info- Serok Mesûd Barzanî pêşwaziya Balyozê Rûsya li Iraqê kir û di wê hevdîtinê de herdu aliyan rewşa navçeyê gotûbêj kirin.

 
Serokwezîr Mesrûr Barzanî pêşwaziya Balyozê Rûsya li Iraqê kir

TUESDAY, 01 DECEMBER 2020 21:12:31

Hewlêr-KDP.info- Serokwezîrê Herêma Kurdistanê Mesrûr Barzanî îro Sêşema 1.12.2020 pêşwazî li Balyozê Rûsya li Iraqê Maxim Maximov kir.

Mesrûr Barzanî: Me hemû erk û pêbendiyên xwe li hember Bexdayê bicîh anîne

TUESDAY, 01 DECEMBER 2020 18:12:07

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li şandeke Brîtanî kir ku ji Wezîrê Dewletê yê Karûbarên Rojhilata Navîn û Bakûrê Afrîqa James Cleaverly û Wezîrê Hêzên çekdarî James Hepey û Balyozê Brîtaniya yê li Iraqê Stîfan Heiki pêk dihat.

 


 
© 2020 Kurdistan Democratic Party, KDP

Contact