Kurdî  ■  كوردی  ■  عربي
MON, 23 NOV 2020 19:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Bersivek bo (Besê) a cotserok
| KDP.info


Besê a cotseroka KCKê di hevpeyvînekê de ligel televîzyoneke ser bi PKKê de, zêdegaviyan dike û dibêje, “PDK şer li dijî gelê Kurd ragihandiye û hinek zimandirêjiyên din li dijî PDKê kiriye û behsa vegera ji bo xeta netewî dike.

Em di bersiva wê de dibêjin, erê Besê xan a cotseroka, baş e PDK şer ragihandiye yan hûn her roj, kurdek li kûdera dinyayê hebe, hûn bela xwe difroşênê?

PDK gundên we dagîr kiriye yan we bi sedan gundên Herêma Kurdistanê bi zilm û zoriyê ji xelkê stendiye û dagîr kiriye û hûn nahêlin kes biçe mal û milkê xwe?

Baş e, Besê a cotserok, em ji te dipirsin, PDK hatiye ser axa we yan hûn bi bêşerm û fedî hatine we axa vî miletê ku zilm dîtiye, dagîr kiriye?

Ji me re bêjin, PDK endam û kadroyên we kuştine, yan hûn kadirên PDKê şehîd dikin?

PDK tenê karek kiriye, ew jî vekirina sîng û mala xwe ye ji we re û alîkariya we kiriye, lê we xwe bi neciwamêrî kiriye xwediyê malê xelkê û hûn xwe dikin bedîl ji dezgehên Hikûmeta Kurdistanê re.

PDK çi kiriye ku hûn dibêjin PDK şer ragihandiye? Eger PDK ji we re bêje xelkê Başûr nekujin û zilmê li wan nekin û erd û baxên wan dagîr nekin,,, gelo ev ragihandina şer e?

Hûn ne ji niha de, lê belê ji kevin de, hûn di nava şerê li dijî gelê Kurd de ne. Hewce nake hûn gotinên netewî û kurdbûnê bêjin, her kes baş we nas dike, ku hûn çi ne û hûn çawa hizir dikin, zireyekê baweriya we bi netewe û berjewendiyên gelê Kurd nayê, û hûn li pey aydyolojyayekê ecîb û xerîb û aloz ketine, ku qet hûn rêzê ji hizrên netewê re nagrin. Xelkê Kurdistanê baş we nas dikin, û xelkê Kurdistanê ne di wê asta nizim de ne ku hûn bi gotinên netewî wan bixapînin.

Em hemû baş dizanin, ku hûn cesaret nakin û hûn newêrin şerê Tirkan bikin û her roj ji ber wan direvin û hûn artêşa Tirkiyê li pey xwe tînin nava axa Başûrê Kurdistanê. Hûn newêrin nêzîkî xelkê bibin û tenê li pêşiya we maye ku hûn bela xwe bifroşin Kurdên feqîr.

Hûn netiştik in, hûn komek kesê destkurt û ziman dirêj in. Hemû xelk ji we aciz û bêzar in, aliyên siyasî yên Kurdistanê jî ji we bêzar in, lê newêrin bêjin. Lê PDK li hemberî karên we bêdeng namîne û zilm û teidaya we ji miletê hejar re, qebûl nake.

Eger hûn nikaribin bi xelkê, herî kêm bêdeng rûnên û zimanê xwe dirêj nekin, Eger hûn berdewam bin li ser van ziman dirêjiyan, bêguman hûnê ziyanê bibînin.




Nûçeyên din

Berdevkê PDKê: Ti peywendiya me bi çawaniya diyarkirina Babe Şêxê Êzdiyan nîne

SATURDAY, 21 NOVEMBER 2020 10:11:33

Hewlêr-KDP.info- Berdevkê Partiya Demokrata Kurdistanê (PDK) Mehmûd Mihemed di daxuyaniyekê de li ser diyarkirina Babe Şêxê Kurdên Êzidî ragihand, partiya wan dûr û nêzîk ti peywendî bi çawaniya diyarkirina pile û payeyên civakî û ola Kurdên Êzdî nîne û ew rêz li şêwazê hilbijartina Babe Şêx digirin.

Nêçîrvan Barzanî: Ji bo aramiya Iraqê divê pirsgirêk bên çareser kirin

WEDNESDAY, 18 NOVEMBER 2020 18:11:54

Hewlêr-KDP.info- Serokê Herêma Kurdistanê Nêçîrvan Barzanî tekezî li ser girîngiya rola Neteweyên Yekgirtî û civaka navdewletiya li hevkarîkirina Hikûmeta Herêma Kurdistanê û Hikûmeta Federaliya Iraqê, yên ji bo çareserkirina kêşeyan kir û li gel Nûnera Taybet a Sekreterê Giştî yê Neteweyên Yekgirtî li Iraqê Jeanine Plasschaert hevnêrîn bûn ku ji bo aramiya Iraqê, divê kêşeyên Hewlêr – Bexdayê bêne çareserkirin.

 
Mesrûr Barzanî: Dr. Firset kesekî niştimanperwer û dilsoz û jêhatî bû

WEDNESDAY, 18 NOVEMBER 2020 18:11:04

Hewlêr-KDP.info- Serokwezîrê Herêma Kurdistanê Mesrûr Barzanî ji ber koça dawî ya parêzgarê Hewlêrê, Firset Sofî peyameka sersaxiyê belav kir.

 
Nêçîrvan Barzanî: Dr. Firset kesekî karzan û dilsoz bû

WEDNESDAY, 18 NOVEMBER 2020 14:11:46

Hewlêr-KDP.info- Serokê Herêma Kurdistanê peyameke sersaxiyê arasteyî malbata Dr. Firset Sofî, parêzgarê koçkirî yê Hewlêrê kir û ragihand, “Dr. Firset kesekî karzan û dilsoz bû.”

 

Generalê Brîtanya: Emê li ser alîkariya Herêma Kurdistanê berdewam bin

WEDNESDAY, 18 NOVEMBER 2020 14:11:47

Hewlêr-KDP.info- Şêwirmendê Bilindê Serbaziyê Brîtanya yê Rojhilata Navîn û Bakûrê Efrîka General John Lorimer tekez kir ku Brîtanya li çarçêweya Hevpeymaniya Navdewletiya Dijî DAIŞê de dê berdewam be li ser alîlarî û piştgîrkirina Herêma Kurdistan û Iraqê.

 



 
© 2020 Kurdistan Democratic Party, KDP

Contact