Kurdî  ■  كوردی  ■  عربي
MON, 1 MAR 2021 10:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: PKK gelek navçeyên Başûrê Kurdistanê dagîr kiriye û bila ji wan navçeyan derkeve
| KDP.info


Hewlêr-KDP.info- Serok Mesûd Barzanî peyamek arasteyî raya giştî ya Kurdistan û PKKê kir û got, “Baştirîn helwest di vê demê de rêzgirtin e li desthilata şer`î û yasayî ya Herêma Kurdistanê û herwiha valakirina wan hemû navçeyan e ku bi rêya sepandina hêzên çekdarî hatine dagîrkirin.”

Deqa peyama Serok Barzanî;

“Bi navê Xwedayê mezin û dilovan

Di vê rewşa aloz a ku navçe tê re derbas dibe û di van hemû qeyranên ku hatine pêşiya welatê me, pêwîstî e ku daxwazê ji hemû Kurdistaniyekî bikim ku bi awayeke rastî rûbirûyê vê rewşa neguncay bibin û di asta berpirsiyariya dîrokî de bin û berev asayîkirin û normalkirin û nehiştina alozî û nexweşiyan pêngavan bavêjin. Niha Kurdistan ji hemû demekê zêdetir pêwîstî bi zarok û gedeyên xwe yên dilsoz e bo ku welatê xwe ji nexweşî û planan biparêzin.

Dîrok şahidiya wê yekê dide ku em şanaziyê dikin ku me şerê Kurdan û Kurdan heram kiriye ji ber ku gelê Kurdistanê û me hemû aliyekî ziyaneke mezin ji şer û neyekbûn û netebayiyê dîtiye.

Lêbelê nabê ev helwesta me bi şaşî bê têgihiştin û îstîxlalkirin bo ku gefa desthilata yasayî ya Herêma Kurdistanê bê kirin û hewla sepandina îradeyeke çekdarane ya neyasayî li ser xelkê Kurdistanê were dayîn.

Nabe helwesta heramkirina şerê Kurd û Kurd bi wê yekê bê şîrovekirin ku aramî û asayîşa bajar û bajarok û gundên me bê têkdan û welatiyên me bêne neçarkirin ku mal û warên xwe bi cih bihêlin û bibin qurbanî û bi neheq bêne şehîdkirin û kes jî deng neke.

Piştî êrîşa hovane ya terorîstên DAIŞê, Pêşmergeyên qehreman ên Kurdistanê berê xwe dan eniyên şerê li dijî terorîstan û gelek ji navçeyên ser sînor vala bibûn. Bi mixabiniyê ve, ji wê demê ve, li şûna wê yekê ku piştevaniya ezmûna Herêma Kurdistanê bikin, çekdarên PKK ew navçeyên ser sînor û paşê hinek navçeyên din jî dagîr kirin û xwe wekî cîhgirê Hikûmeta Kurdistanê sepandin û rêgirtin li xelkê ku herin ser mal û gûndên xwe û avadan bikin û eger serdana navçayên xwe jî bikin bac û gumrikê ji wan distînin. Bêgûman ev kar ne cihê qebûlkirinê ne. Helwesta niştimanperwerane û welatparêzane bi kirdarî diyar dikevê neku bi axaftin û gotaran.

Li vir pêwîst e bi bîra wan bê, dema di destpêka destpêkirina bi çalakiyên xwe kirin, me hemû cûreyeke alîkariyê da wan. Lê wan bi berevajiyê ve helwesteke necamêrane nîşan dan û paşê di çendîn qonaxan de şer jî li ser me dan sepandin û di encamê de hemû aliyekî ziyan dît.

Baştirîn helwest di vê demê de rêz girtin e li desthilata şer`î û yasayî ya Herêma Kurdistanê û herwiha valakirina wan hemû navçeyan e ku bi rêya sepandina hêzên çekdarî hatine dagîrkirin û ji bo welatiyên Herêma Kurdistanê bûne cihê metirsiyê. Niha jî bi sedan gund ji ber hebûna çekdarên PKK nehatine avadankirin û bûne qadên şer û pevçûnan.

Li vir daxwaz ji hemu aliyekî dikim, ji bo ku rewşa welatê me ji vê zêdetir têk neçe û cihên wêrankirî bêne avadankirin û rê li aloziya zêdetir û rûdanên nexwastî bê girtin, pêwîst e rê bi xwesepandina neyasayî ya çi aliyekî nedin û piştevaniyê li xebat û qurbaniya Pêşmerge û gelê zilimlêkirî yê me bikin û di asta berpirsiyariya vê qonaxê de bin.

Mesûd Barzanî

2.11.2020”




Nûçeyên din

Polîtburoya PDKê salvegera damezrandina malpera KDP.info pîroz kir

SUNDAY, 28 FEBRUARY 2021 22:02:50

Hewlêr-KDP.info- Polîtburoya PDKê bi boneya 10yemîn salvegera damezrandina malpera fermî ya Partiya Demokrata Kurdistanê KDP.info peyameke pîrozbahiyê belav kir.

Serok Barzanî û Wezîrê Navxwe yê Iraqê tekezî li ser cîbicîkirina rêkeftina Şingalê kirin

SATURDAY, 27 FEBRUARY 2021 17:02:11

Hewlêr-KDPinfo- Serok Mesûd Barzanî pêşwaziya Wezîrê Navxwe yê Iraqê kir.

Mesrûr Barzanî bo Wezîrê Navxwe yê Iraqê: Demografiya Kerkûkê tê guhertin û divê pêşiya wê were girtin

SATURDAY, 27 FEBRUARY 2021 17:02:01

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li wezîrê Navxwe yê Iraqê Osman Xanimî kir.

 
Baydemîr: Herêma Kurdistanê hêviya hemû gelê Kurd e û divê tevahiya aliyên Kurdistanî piştevaniya wê bikin

THURSDAY, 25 FEBRUARY 2021 23:02:53

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li siyasetmedarê kurd Osman Baydemîr kir û di wê civînê de Osman Baydemîr piştevaniya xwe bo hikûmeta Kurdistanê nîşan da û ragihand, Herêma Kurdistanê hêviya hemû gelê Kurd e û divê tevahiya aliyên Kurdistanî piştevaniya wê bikin.

Mesrûr Barzanî pêşwaziya Balyozê Amerîkayê li Iraqê kir

WEDNESDAY, 24 FEBRUARY 2021 21:02:27

Hewlêr-KDP.info- Serokwezîr Mesrûr Barzanî îro Çarşema 24.02.2021ê pêşwazî li Balyozê Amerîkayê li Iraqê Matthew H. Tueller kir.



 
© 2020 Kurdistan Democratic Party, KDP

Contact