Kurdî  ■  كوردی  ■  عربي
TUE, 24 NOV 2020 20:44 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Projeyên me bi destên Kurdistaniyan tên cibicîkirin
| KDP.info


Hewlêr-KDP.info- Serokê Hikûmeta Herêma Kurdistanê Mesrûr Barzanî bi amadebûna Cîgirê Serokê Hikûmetê Qubad Talebanî di merasîmekê de, riya stratejî ya Rûviya – Gopal vekir. Ev proje, yek ji projeyên stratejî ya di warê rê û pireyan e û asankariyeke mezin ji bo çûnûhatina di navbera Hewlêr û Duhokê de dike.

Serokê Hikûmeta Herêma Kurdistanê Mesrûr Barzanî di gotara xwe de ragihand, “Ewê zêdetir min xweşhal dike, ew projeyên di vê heyamê de de tên cibicîkirin, hemû ji aliyê kompanyayên navxweyî ve ne.”

Mesrûr Barzanî got: “Xweşhal im ku careke din hatine vê deverê, ji bo vekirina projeyekê ku bi dawî bûye. Ev proje di kabîneya berê de kevirê binyadê jê re hatibû danîn, lê nehatibû temamkirin. Di vê kabîneyê de, me biryar da vê projeyê bikin, ji ber ku projeyeke stratejî ya xizmetguzariyê ye. Spas ji xwedê re ku berî dema xwe bi dawî hat. Spasiya kompanyaya cibicîkar dikim ku berî dema xwe proje temam kir.”

Serokê Hikûmeta Kurdistanê ragihand, “Wek diyar e, ev proje li ser asteke gelek baş a cîhanê hatiye dirustkirin. Tiştê zêdetir min dilxweş dike ew e, çendîn proje li Kurdistanê tên cibicîkirin, hemû Kurdistanî ne. Pêştir li Duhok, Hewlêr, Raperîn û Silêmaniyê kompaniyên Kurdistanî evw proje cibicî dikin. Ev cihê dilxweşiyê ye, ji ber ku bi karîn û endezyarên Kurdistanê û keresteyên deverê tên cibicîkirin. Cihê dilxweşiya me ye, ji ber ku derfetên kar ji genc û welatiyên me re peyda dike.” 

Mesrûr Barzanî herwiha diyar kir, ev projeya steratejîk gelek pêwîst in ji bo xizmetkirina welatiyan. Bi taybetî jî çêkirina rê û pireyan, weke projeyeke steratejîk bo pêşdebirina jêrxaneya aborî ya Kurdistanê ye ku bernameya kabîneya nehem ya hikûmeta herêma Kurdistanê ye bo zêdetir girîngîpêdana bi projeya xizmetgûzarî û baştirkirina jêrxaneya aborî.

Serokê Hikûmetê got, ev rê ne tenê alîkarîya hevwelatîyan dike ji bo çûnûhatinê, lê belê hêsankarîyê jî ji bo bazirganîyê û bihevxistina parêzgehên Kurdistanê dike. Îro di navbera Duhok û Hewlêrê de û sibe jî di navbera Hewlêr û parêzgehên din de, gelek projeyên din hene ku hêvîdar in ew jî di demeke zû de bêne temamkirin û dubare xelk wan bikar bîne û sûdê jê bibînin.

Got jî: Rast e ev rê hêsankariyê ji bo çûnûhatinê dike, lê ez hêvî dikim ku em bikaribin bi baştirîn awayî sûdê jê werbigirin. Mixabin her sal em dibînin ku bi sedan kes ji ber qezayên trafîkê dibin qurbanî û birîndar dibin. Hêvîdar im guh bidin şîret û rênimayên polîsên trafîkê. Hêvîdar im bi baştirîn awayî sûdê ji van rêyan werbigirin.

Serokê Hikûmeta Herêma Kurdistanê Mesrûr Barzanî da xuyakirin, ligel hemû dijwarî û kirîzên ku rûbirû hikûmeta herêmê bûne, em soz didin ku em ê li ser pêşkêşkirina projeyên xizmetkariyê berdewam bin. Carinan gelek pirsên mûçeyan çê dibin, hikûmet wek çawa dikare projeyên xizmetguzarî bike, belê mûçe di dema xwe de nayin dabînkirin. Ez kêfxweş im ku bersiva ewê pirsê bidim, Hikûmet her çi bikare ji bo mûçeyan welatiyan bike, kêmxemiyê nake û wiha nekiriye. Dahata herêmê bi giştî kêm bûye. Min berî niha jî gelek caran behsa wê yekê kir ku nexweşiya Koronayê têkçûna aborîya cîhanê, bandoreke gelekî nerênî li aboriya Herêma Kurdistanê jî kiriye. Hikûmeta Herêmî xercîya xwe ji bo kêmtirîn ast kêm kiriye. Di heman demê de jî hewl daye dahatên navxwe zêdetir bike. Welatiyên me li bendê ne Hikûmet projeyên xizmetguzariyê ji wan re cibicî bike, lê xizmetkirin, ne tenê dana mûçeyan e. Welatî daxwaza elektirîk, av, nexweşxane û dibistanan dikin. Cibicîkirina van projeyan, dîsa ji bo xizmetkirina welatiyan e, yên mûçexur û ne mûçexur. Lê hemû welatiyên Kurdistanê ne mûçexur in, xelekî din heye û ji mafê wan, Hikûmeta Herêma Kurdistanê xizmeta wan bike. Cibicîkirina projeyên wiha, ji bo hemû xelkê Kurdistanê bê cudahî ye.

Serokê Hikûmeta Herêma Kurdistanê di gotara xwe de daxwaz ji welatiyan kir, xwe biparêzin û got: “Di rojên bûrî de rêjeya pêketina bi vîrûsa Koronayê zêde bûye. Xweparartin take rê ye ji bo kesûkarên xwe biparêzin û ji bo rewşa asayî vegere.

Projeya Rûviya – Gopal yek ji projeyên stratejî yên Hikûmeta Herêma Kurdistanê yên di warê rê û pireyan de ye. Ev rê asankariyeke mezin ji bo çûnûhatina di navbera Hewlêr û Duhokê de dike. Dirêjahiya rêyê 22 kîlometro ye û ji 3 hêlên çûnê û 3 hêlên hatinê pêk tê. Tê de 6 overpass, pireyekê û 3 kîlometro otorê (otoban) hene.




Nûçeyên din

Mesrûr Barzanî: Em kar dikin ku Kurdistan heya 5 sal din berhemên xwe bifroşe derve

TUESDAY, 24 NOVEMBER 2020 11:11:07

Hewlêr-KDP.info- Serokwezîrê Hikûmeta Herêma Kurdistanê veberhênerên Amerîkî û biyanî han dide ku weberhênana zêdetir li Herêma Kurdistanê bikin û dibêje jî, aramî û zemîn hatiye pêkanîn bo weberhênana biyanî û ew kar dikin ku di 5 salên bê de Herêma Kurdistanê bibe herêmeke hinardekar.

Mesrûr Barzanî ligel şanda danûstandinan a Hikûmeta Kurdistanê ligel Bexda civiya

MONDAY, 23 NOVEMBER 2020 22:11:08

Hewlêr-KDP.info- Îro Dûşema 23.11.2020 Serokwezîrê Kurdistanê Mesrûr Barzanî ligel şanda danustandinan a Hikûmeta Herêma Kurdistanê ligel Bexdayê civiya.

Artêşa Iraqê li Şingalê riya qaçaxçiyê li ser PKK girtiye

MONDAY, 23 NOVEMBER 2020 21:11:43

Şingal-KDP.info- Çavkaniyekê ji Şingalê ragihand ku, 2 lîwayên Artêşa Iraqê li ser sînorê Iraq û Sûriyê bicîh bûne û nahêlin PKK li Şingalê qaçaxçiyê bike.

Berdevkê PDKê: Ti peywendiya me bi çawaniya diyarkirina Babe Şêxê Êzdiyan nîne

SATURDAY, 21 NOVEMBER 2020 10:11:33

Hewlêr-KDP.info- Berdevkê Partiya Demokrata Kurdistanê (PDK) Mehmûd Mihemed di daxuyaniyekê de li ser diyarkirina Babe Şêxê Kurdên Êzidî ragihand, partiya wan dûr û nêzîk ti peywendî bi çawaniya diyarkirina pile û payeyên civakî û ola Kurdên Êzdî nîne û ew rêz li şêwazê hilbijartina Babe Şêx digirin.

Nêçîrvan Barzanî: Ji bo aramiya Iraqê divê pirsgirêk bên çareser kirin

WEDNESDAY, 18 NOVEMBER 2020 18:11:54

Hewlêr-KDP.info- Serokê Herêma Kurdistanê Nêçîrvan Barzanî tekezî li ser girîngiya rola Neteweyên Yekgirtî û civaka navdewletiya li hevkarîkirina Hikûmeta Herêma Kurdistanê û Hikûmeta Federaliya Iraqê, yên ji bo çareserkirina kêşeyan kir û li gel Nûnera Taybet a Sekreterê Giştî yê Neteweyên Yekgirtî li Iraqê Jeanine Plasschaert hevnêrîn bûn ku ji bo aramiya Iraqê, divê kêşeyên Hewlêr – Bexdayê bêne çareserkirin.

 


 
© 2020 Kurdistan Democratic Party, KDP

Contact