Kurdî  ■  كوردی  ■  عربي
TUE, 20 OCT 2020 23:04 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Divê serwet û samanên vî welatî ji bo xizmetkirina welatiyan be
| KDP.info


Hewlêr-KDP.info- Serokê Hikûmeta Herêma Kurdistanê Mesrûr Barzanî îro kevirê binyadê yê pireya derbenda Ranyayê danî û ragihand, “Pêwîst e, serwet û samana vî welatî, ji bo xizmetkirina welatiyan bê xerckirin.”

Serokê Hikûmeta Herêma Kurdistanê Mesrûr Barzanî di merasîma danîna kevirê binyadê yê pireya derbenda Ranyayê de gotarek pêşkêş kir û ragihand, “Xwe bi bextewer dizanim ku derfet çêbû sardana devera Raperînê bikim. Ev dever di dirêjahiya şoreşên li dû hev yên tevgera rizgarîxwaza gelê me de, bi hezaran şehîd û qurbanî dan. Piştre jî bû deriyê raperînê ku bi xwîna gencên vê deverê, Kurdistan hat rizgarkirin. Ji ber wê jî, Hikûmeta Herêma Kurdistanê bi erkê xwe dizane ku xizmeteke hêjayî vê deverê bike.”

Got jî: “Li vir amade bûne, ji bo kevirê binyadê yê pireya geliyê Ranyayê deynin. Ev dibe pireke stratejî, ji bo xizmetkirina vê deverê û hevkar dibe ji bo cotkar berhemên xwe bigihînin bazaran. Herwiha dibe pireyek ji bo geşkirina geştûguzarî û bazirganiyê.”

Serokê Hikûmeta Herêma Kurdistanê di gotara xwe de diyar kir, ji bilî vê projeyê, hejmarek projeyên din dê bêne cibicîkirin, wek cotsayda bazara Ranya, kolana 60 metrî ya Qeladizê, nûjenkirina dibistanên devera Raperînê û dirustkirina navenda penceşêra memik. Herwiha projeyeke din a dirustkirina nexweşxaneyan Koronayê li Çarqurne.

Ragihand jî, ev pêngavên Hikûmeta Herêma Kurdistanê, ji bo cibicîkirina projeyên xizmetkariyê û gihandina xizmetkariyan bi welatiyan, hîşt aliyên nehikûmî, xêrxwaz û partîtî jî bîr li wê bikin ku xizmetên zêdetir bigihînin welatiyan. Ev gav erênî ye û destxweşiyê li wan dikin.

Mesrûr Barzanî tekezî li wê yekê kir: “Tiştê pêwîst ew e, serwet û samana vî welatî, ji bo xizmetkirina welatiyan bê xerckirin û ji bo xizmeta wan sûd jê were girtin.”

Got jî: “Spasiya xweragiriya xelkê vê deverê dikim, tevî van hemû qeyranên tendirustî û darayî, lê xweragir bûn. Bi taybet jî dixwazim spasiya hemû bijîşk, fermanberên karta tendirustî, polîs, hêzên navxwe û mamosteyên birêz bikim ku tevî van nexweşiyan, dîsa bi cibicîkirina erkên xwe berdewam bûn.”

Tekezî li wê jî kir, Hikûmeta Herêma Kurdistanê dixwaze bi baştirîn awa xizmetan bigihîne welatiyan. Lê mixabin rûbirûyî gelek qeyranan bûn û wan qeyranan azareke mezin gihande xelkê Kurdistanê û cibicîkirina projeyên xizmetkariyê jî sînordar kir. Qeyrana belavbûna vîrûsa Koronayê, bandor li aboriya cîhanê kir û bandora wê ya nerênî li ser Herêma Kurdistanê hebû. Tevê wê jî, Hikûmetê hewl da, projeyên xizmetkariyê ranewestin û li gor karîna budceya li ber dest jî, mûçeyan belav bikin.

Serokê Hikûmeta Herêma Kurdistanê diyar kir, bernameya wan heye, ji bo dirustkirina kargeha wergirtina genim li her sê parêzgehên Hewlêr, Silêmanî û Duhokê û dirustkirina Bajarê Pîşesazî li Helebceyê, ji bo wergirtina nîv ton genimê cotkarên Herêma Kurdistanê. Herwiha bernameyeke din jî heye, ji bo dirustkirina rê û pireyan, nûjenkirina nexweşxaneyan. Ew pêşniyazên ji aliyê îdareya Raperînê ve jî hatine pêşkêşkirin, di hikûmetê de bi girîngî werdigirin û di bernameyên dahatûyê de, li gor karînan dê werin cibicîkirin.

 




Nûçeyên din

Mesrûr Barzanî: Projeyên me bi destên Kurdistaniyan tên cibicîkirin

TUESDAY, 20 OCTOBER 2020 14:10:23

Hewlêr-KDP.info- Serokê Hikûmeta Herêma Kurdistanê Mesrûr Barzanî bi amadebûna Cîgirê Serokê Hikûmetê Qubad Talebanî di merasîmekê de, riya stratejî ya Rûviya – Gopal vekir. Ev proje, yek ji projeyên stratejî ya di warê rê û pireyan e û asankariyeke mezin ji bo çûnûhatina di navbera Hewlêr û Duhokê de dike.

 
Serok Barzanî: Îro ne wekî doh e, sibe jî wekî îro nabe

TUESDAY, 20 OCTOBER 2020 14:10:15

Hewlêr-KDP.info- Serok Mesûd Barzanî di sêyemîn salvegera dastana Pirdê de dibêje: “Îro wekî doh nîne, sibe jî wekî îro nabe.”

 
Mesrûr Barzanî: Rewşa li Kerkûkê û navçeyên din ên Kurdistanî nayê qebûlkirin

SATURDAY, 17 OCTOBER 2020 10:10:29

Hewlêr-KDP.info- Serokwezîrê Herêma Kurdistanê, Mesrûr Barzanî dibêje, rewşa niha ya li Kerkûkê û navçeyên din ên Kurdistanî yên li derveyî îdareya Herêma Kurdistanê, rewşeke ne asayî ye û tekez dike, rewşa niha li wan navçeyan nayê qebûlkirin.

 
Nêçîrvan Barzanî vexwendina Parêzgarê Kerbela bo parêzgeha wî qebûl kir

THURSDAY, 15 OCTOBER 2020 18:10:09

Hewlêr-KDP.info- Serokê Herêma Kurdistanê Nêçîrvan Barzanî pêşwaziya Parêzgerê Kerbelayê kir û di wê hevdîtinê Nêçîrvan Barzanî vexwendina parêzgarê Kerbelayê qebûl kir.

 
Serok Barzanî pêşwaziya Balyozê Brîtanya li Iraqê kir

WEDNESDAY, 14 OCTOBER 2020 21:10:23

Hewlêr-KDP.info- Îro Çarşema 14.10.2020 li Selaheddîn Serok Mesûd Barzanî pêşwaziya Stephen Hickey Balyozê Brîtanya li Iraqê kir.



 
© 2020 Kurdistan Democratic Party, KDP

Contact