Kurdî  ■  كوردی  ■  عربي
THU, 24 SEP 2020 04:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Encûmena Wezîran bi tundî nîgeranî û nerazîbûna xwe li hember helwesta nerênî ya Bexda nîşan dide
| KDP.info


Hewlêr-KDP.info- Îro Çarşema 12ê Tebaxa 2020an, Encûmena Wezîran a Herêma Kurdistanê bi serperiştiya Mesrûr Barzanî Serokwezîrê Herêma Kurdistanê û beşdariya Qubad Talebanî, Cîgirê Serokwezîr, bi rêya vîdeo-konferansê civiya.

Di civînê de li ser rewşa darayî ya niha ya Herêma Kurdistanê û encama pêvajoya gotûbêjên navbera Hikûmeta Herêma Kurdistanê û Hikûmeta Federalî ya Iraqê hat axaftin.

Encûmena Wezîran hewldanên şanda danûstankar a Hikûmeta Herêma Kurdistanê li gel Hikûmeta Federalî bi başî nirxand, bi awayekî ku Hikûmeta Herêma Kurdistanê ti hinceteke destûrî û qanûnî û darayî nehiştiye bo gihiştina rêkeftinê li gel Hikûmeta Federalî ji bo dabînkirina mûçe û heqên darayî yên mûçexurên Herêma Kurdistanê. Hemû şert û mercên Hikûmeta Federalî ku di çarçoveya destûrê de ne, qebûl kirine, lê mixabin Hikûmeta Federalî zêdetirî sê mehan e, amade nîne ku ti pereyekî ji bo mûçeyên mûçexurên Herêmê bişîne, ku vê jî wisa kiriye; Hikûmeta Herêma Kurdisrtanê nikaribe heqên darayî yên mûçexuran bide.

Ji ber vê yekê rewş û debara nelicih bo mûçexurên Herêmê çêbûye, tevî nehemwarbûna rewşa tendirustiyê. Ev jî di demekê de ye ku li gor yasayên Iraqê, Herêm weke beşên din ên Iraqê, mafê wê heye ku para xwe ya mûçeyê ku jê re dihate dayîn, werbigre. Divê di dayîna heqên darayî yên mûçexuran de cudahî di navbera welatiyên Herêma Kurdistanê û beşên din ên Iraqê de neyê kirin ku destûra Iraqê ev yek jî weke bingeh diyar kiriye.

Loma Encûmena Wezîran bi tundî nîgeranî û nerazîbûna xwe li hember vê helwesta nerênî ya Hikûmeta Federalî nîşan dide û daxwaz dike ku bi dengê hewldanên Herêma Kurdistanê ve were û kêşeyan li ser bingeha destûrê çareser bike û rêz li maf û heqên destûrî yên Herêma Kurdistanê bigre û pabendbûnên destûrî yên li hember Herêma Kurdistanê bi cih bîne.

Encûmena Wezîran di heman demê de amadebûna xwe ji bo çareserkirina kêşeyan bi awayekî bingehîn di çarçoveya destûrê de, car din tîne ziman û şanda bilind a danûstankar jî bi wê yekê dispêre ku ji bo gihiştina rêkeftinekê, danûstandinên xwe bidomîne, bi taybetî jî ku di dema derbasbûyî de Herêm amadebûna xwe nîşan daye ji bo cîbicîkirina pabendiyên destûrî di warên petrol û darayî de û ev berpirsyariya Hikûmeta Federalî ye ku li hember vê, maf û heqên darayî yên Herêmê ranewestîne.

Herwiha ji Serokomarê Iraqê û wezîr û nûnerên Herêma Kurdistanê yên li Parlementoya Iraqê daxwaz dike ku maf û heqên darayî û destûrî yên xelkê Herêma Kurdistanê biparêzin.

Encûmena Wezîran biryar da ku dê di destpêka hefteya bê de li ser mekanîzma û çawaniya dabeşkirina mûçeyan biryar bide, da ku dest bi dabeşkirina mûçeyan were kirin bi wê şiyana darayî ku li ber dest e.

Encûmena Wezîran herwiha herdu Wezîrên Navxwe û Pêşmerge bi wê yekê spartine ku li ser girift û kêşeyên deriyên sînorî lêkolîn bikin, da ku rê li ber her karekî neyasayî bigrin ku li wan deriyên sînorî tê encamdan.




Nûçeyên din

James Jeffrey: Koşka Spî piştevaniyê li Rojavayê Kurdistanê dike

TUESDAY, 22 SEPTEMBER 2020 21:09:55

Rojavayê Kurdistanê-KDP.info- Endamekî ENSK di Îtîlafa Niştimanî ya Opozisyona Sûriyê de ragihand, hatina James Jeffrey bo Rojavayê Kurdistanê xwedî giringiyeke mezin e, ji ber ku James Jeffrey piştgîriya Koşka Spî gihand herdû aliyên Rojavayê Kurdistanê.

ENKS û TEV-DEM dê niha danustandinan li ser vegera Pêşmergeyên Roj bikin

TUESDAY, 22 SEPTEMBER 2020 19:09:58

Rojavayê Kurdistanê-KDP.info- Endamekî ENKSê ragihand, piştî temambûna qonaxa yekem ku rêkeftina siyasî bû di navbera ENKS û TEV-DEMê de, qonaxa duyem jî bidawî hat, ku ew jî lihevkirin bû li ser encûmenekê bi navê Lêvegera Siyasî û niha herdu alî di qonaxa sêyem a danustandinan de ne.

 
Serokwezîr Mesrûr Barzanî pêşwaziya şanda hêzên Hevpeymanan kir

TUESDAY, 22 SEPTEMBER 2020 19:09:55

Hewlêr-KDP.info- Serokwezîrê Herêma Kurdistanê Mesrûr Barzanî îro Sêşema 22ê Îlona 2020an, pêşwaziya şandeke hêzên Hevpeymaniya Navdewletî kir.

 
Mesrûr Barzanî: Em erebkirina Kerkûkê qebûl nakin û em ji ber rewşa navçeyên Kurdistanî pir dilgiran in

TUESDAY, 22 SEPTEMBER 2020 19:09:41

Hewlêr-KDP.info- Serokwezîrê Herêma Kurdistanê Mesrûr Barzanî ragihand ku ew bi nîgeranî çavdêriya rewşa deverên Kurdistanî yên li derveyî îdareya Herêma Kurdistanê dikin û got: “Em tevî ku bi tundî siyaseta erebkirina deverên kêşe li ser û bi taybetî li Kerkûkê, şermezar dikin, em car din eşkere dikin ku Hikûmeta Herêma Kurdistanê ti car siyasetên bi vî rengî qebûl nake.”

 
Nûnerê Amerîka rola Serok Barzanî û Hikûmeta Kurdistanê di nêzîkkirina aliyên Rojavayê Kurdistanê de bilind nirxand

TUESDAY, 22 SEPTEMBER 2020 19:09:01

Hewlêr-KDP.info- Serokwezîrê Herêma Kurdistanê Mesrûr Barzanî pêşwaziya Nûnerê Amerîka yê Taybet bo Karûbarên Sûriyê û Hevpeymaniya Navdewletî ya li dijî DAIŞê James Jeffrey kir û ragihand ku bi armanca gihiştina çareseriyeke bingehîn a kêşeyan li ser bingeha destûrê Iraqê, pêvajoya gotûbêjan ligel Bexdayê berdewam e.

 


 
© 2020 Kurdistan Democratic Party, KDP

Contact