Kurdî  ■  كوردی  ■  عربي
FRI, 7 AUG 2020 15:10 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî cejina Qurbanê pîroz kir: Bila partiyên siyasî di asta çaverêvaniya xelkê Kurdistanê de bin
| KDP.info


Hewlêr-KDP.info- Serok Mesûd Barzanî bi boneya cejina Qurbanê peyameke pîrozbahiyê arasteyî Misilmanên Kurdistanê, Iraq û cîhanê dike û daxwaz ji aliyên siyasî yên Herêma Kurdistanê dike, di asta çaverêvaniya xelkê Kurdistanê de bin.

Deqa peyama Serok Mesûd Barzanî:

“Bi navê xwedayê mezin û dilovan

Bi helkefta cejna pîroz a Qurbanê germtirîn pîrozbahiyên xwe pêşkêşî misilmanên Kurdistan û Iraq û hemû cîhanê dikim. Pîrozbahiyê li malbatên serbilind ên şehîdan û Pêşmergeyên qehreman û hemû welatiyên xweşdivî dikim û hêvîdar im ev cejin li Kurdistan û Iraq û li navçeya me, bibe cihê xweşî û bereket û aştiyê.

Di demekê de ku em pêşwaziyê li vê cejna pîroz dikin ku gelê me li gel gefeke mezin a siyasî û abûrî û tendirustiyê rûbirû bûye. Ev gef çavkaniya xwe ji gelek wan kêşe û giriftan girtiye ku aramiya siyasî û debar û guzeraniya xelkê Kurdistanê dikine armanc.

Bi navê derbaskirina gefan û vê rewşa dijwar erkê me hemû aliyan e ku berev tebayî û birayetî û karê hevbeş û kûrkirina çanda pêkvejiyanê pêngavan bavêjîn. Ji bilî wê yekê gelek spasî xweragiriya xelkê Kurdistan dikim ku li hemû qonaxan tehemula dijwarî û gefan kirine, cejna pîroz a Qurbanê jî bi derfet dizanim ku daxwaz ji aliyên siyasiyên Kurdistanê bikim ku bi navê berjewendiyên bilind ên welat û ji bo çareserkirina giriftan û derbaskirina kêşeyan li gel hevdû rûnin.

Ev yek jî herdem li bîra me be ku, bi tebayî û yekrêziyê kêşe baştir çareser dibin û bi saya pêkveyî û yekrêziyê destkeftên mezin ji bo gelê me pêk hatine. Bi piştrastiyê ve xelkê Kurdistanê jî her vê yekê ji aliyên siyasî çaverê dikin. Ji bo wê yekê daxwaz dikim hemû aliyên siyasî di asta çavervaniyên xelkê Kurdistanê de bin û di heman demê de jî çanda bilind û dewlemend a kurdewarî li ber çav bigrin û xwe ji gotarên nexweş û aloz û nehêja yên li beranber hevdû biparêzin.

Di vê helkefta pîroz de cihê xwe ye ku ez spasî keda karmendên tendirustî û Pêşmerge û asayîş û polîs û ragihandinan bikim ku di vê dema Koronayê de rû li Herêma Kurdistanê kiriye ji bo alîlariya xelkê û bicîhkirina rêkarên tendirustiyan û hişyariyên tendirustiyê ku erk û kedeke zêde dan.

Cejna hemû aliyekî pîroz be û hêviya bextewerî û xweşiyê ji bo we dixwazim.

Mesûd Barzanî
30.07.2020”




Nûçeyên din

Nêçîrvan Barzanî: Herêma Kurdistanê ligel gelê Lubnanê ye

WEDNESDAY, 05 AUGUST 2020 10:08:02

Hewlêr-KDP.info- Serokê Herêma Kurdistanê Nêçîrvan Barzanî hevxemiya xwe ji bo qurbaniyên teqînên Beyrûtê nîşan da, û sersaxî arasteyî malbatên qurbaniyên teqînê kir.

 
Serok Barzanî: Pêwîst e ev rewşa Şingalê bidawî were û Şingal vegere dest xwediyên xwe yên resen

MONDAY, 03 AUGUST 2020 20:08:40

Bi navê xwedayê mezin û dilovan

Nêçîrvan Barzanî: Şingal kirine warê çekdarên neyasayî ku li ser birîn û xema Êzdiyan siyasetê dikin

MONDAY, 03 AUGUST 2020 20:08:48

Hewlêr-KDP.info- Serokê Herêma Kurdistanê di peyamekê de dûpat kir, Herêma Kurdistanê li ser hewlên xwe yên ji bo dabînkirin û vegerandina aramî û avadankirina Şingalê û kirina bi parêzgeh berdewam dibe û got jî, Şingal kirine warê çekdarên neyasayî ku bi bêxemiyê ve li ser birîn û xema Êzdiyan mijulî birêvebirina ajanda û bernameyên xwe yên siyasî ne.”

Serokwezîr: Komkujiya Şingalê yek ji hovtirîn tawanên li dijî mirovatiyê ye..Divê çekdar û milîs ji Şingalê derkevin

MONDAY, 03 AUGUST 2020 20:08:41

Hewlêr-KDP.info- Serokwezîrê Herêma Kurdistanê komkujiya Kurdên Êzdî bi yek ji tawanên herî hovane yên li dijî mirovatiyê di dîroka hevçerx de binav dike û got, Hikûmeta Herêma Kurdistanê li ser hewldanên xwe yên bo azadkirin û vegerandina ew kesên ku hatine revandin berdewam dibe.

Serok Barzanî sersaxiyê li malbata Şêx Ezîz Şêx Babe Resul Toran kir

SUNDAY, 02 AUGUST 2020 23:08:48

Bi navê xwedayê mezin û dilovan

Birêzên endamên malbata Şêx Ezîz Şêx Babe Resul Toran



 
© 2020 Kurdistan Democratic Party, KDP

Contact