Kurdî  ■  كوردی  ■  عربي
TUE, 15 JUL 2025 23:18 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Mesrûr Barzanî: Gotûbêjên aliyên siyasî keşeke erênî li Herêma Kurdistanê peyda kiriye
| KDP.info


Hewlêr-KDP.info- Îro Çarşema 29.7.2020an Encûmena Wezîran a Herêma Kurdistanê bi serperiştiya Serokê Hikûmeta Herêma Kurdistanê Mesrûr Barzanî û bi beşdariya Cîgirê Serokê Hikpmetê Qubad Talebanî bi riya vîdyokonferansê civiya.

Di destpêka civînê de, Serokê Hikûmetê behsa wê keşa erênî û hevtêgihîştinê kir, ya ji encama guftûgoya de navbera aliyên siyasî yên Herêma Kurdistanê de bûye, ji bo nehîştina girjiyên navxweyî û bi navê Encûmena Wezîran destxweşî li wê guftûgo û hevdîtinan kir, ku pêngaveke girîng e ji bo yekrêziyê û piştevaniya zêdetir li Hikûmeta Herêma Kurdistanê.

Piştre, Serokê Hikûmetê amaje bi girîngiya amadûna wezîrên hikûmetê di civîna taybet ya Parlemana Kurdistanê de kir û bi navê Encûmena Wezîran spasiya wan kir ji bo pêşkêşkirina zanyariyan û ronîkirina babetên girêdayî bi pirsên parlemanterên Kurdistanê.

Piştre, wezîrên pêwendîdar pirs û têbîniyên parlemanteran di rûniştina Parlemanê ya rojên 27 û 28ê Tîrmeha 2020an bo Encûmena Wezîran pêşkêş kirin, li ser tewerên taybet bi rewşa navçeyên Kurdistanî yên li derveyî îdareya Herêma Kurdistanê, rûbirûbûna metirsiyên nexweşiya Koronayê, rewşa aboriya Herêmê û dawî pêşhatên danûstandinên ligel hikûmeta federal.

Herwiha Serokê Hikûmetê ronahî xiste ser dawî encamên guftûgoyên di navbera Herêma Kurdistanê û hikûmeta federal de û amaje bi wê da, ku guftûgo û danûstandin berdewam in û Hikûmeta Herêmê tekeziyê li pabendbûna bi erkên xwe yên destûrî dike li hember dabînkirina maf û destkeftên destûrî yên Herêmê. Çendîn pêşniyaz jî bo gihîştina bi rêkeftinê hatin pêşkêşkirin û hêvî xwast di nêzîktirîn derfet de, piştî betlaneya cajnê bigihin rêkeftineke hevseng, ku berjewendiya herdu aliyan tê de parastî be.

Encûmena Wezîran tekezî li ser wê kir, di plan û hewlên xwe de berdewam bin rûbirûbûna qeyrana darayî û bi taybetî jî dabînkirina destkeftên darayî yên mûçexwaran, ku erkekî wan ê pêşîne ye.

Piştre guftûgo derbarê rêkarên xweparêziyê û rênimayên tendirustî yên rûbirûbûna vîrusa Koronayê, bi taybet di rojên cejna Qurbanê de hatin kirin. Encûmena Wezîran odeyên operasyonan raspard ji bo derkirina rêkarên xweparêziyê û rênimayên tendirustiyên yên nû, ji bo parastina jiyan û selametiya welatiyan.

 




Nûçeyên din

Daxuyaniyek ji Serokayetiya Herêma Kurdistanê

TUESDAY, 15 JULY 2025 14:07:26

Hewlêr-KDP.info: Serokatiya Herêma Kurdistanê li ser êrişên bi dronan daxuyanî da.

 
PDK û YNK tekezî li ser yekhelwestiya aliyên siyasî kir

MONDAY, 14 JULY 2025 19:07:43

Hewlêr-KDP.info: Îro 14.07.2025, Serok Mesûd Barzanî, pêşwaziya Bafil Talebanî Serokê Yekitiya Niştimanî ya Kurdistanê û şanda pêre kir

Nêçîrvan Barzanî pesnê hevpeymaniya navdewletî dide

MONDAY, 14 JULY 2025 17:07:23

Hewlêr-KDP.info: îro dûşem 14.07.2025, Nêçîrvan Barzanî Serokê Herêma Kurdistanê, bi General Kevin Leahy Fermandeyê Hêzên Hevpeymaniya Navdewletiya li Iraq û Sûriyê û şandeke pê re civiya.

 
Daxuyaniya Baregeha Barzanî ya ji bo raya giştî

SATURDAY, 12 JULY 2025 22:07:29

Hewlêr-KDP.info: Barageha Barzanî derbarê pirsgirêka mûçe û mafên darayî yên Herêma Kurdistanê de ragihand, aliyên siyasî û hikûmeta federal a Iraqê soza çareserkirina vê kêşeyê di çend rojên pêş de dane.

Nêçîrvan Barzanî pesnê hengavên pêvajoya aştiyê kir

FRIDAY, 11 JULY 2025 21:07:04

Hewlêr-KDP.info: îro în 11.07.2025 rêzdar Nêçîrvan Barzanî Serokê Herêma Kurdistanê, pêşwaziya şanda Serokayetiya DEM Partî û hejmarek ji siyasetmedarên Kurd kir ku îro beşdariya rêwresma çekdanîna grûpeke PKK da kiribûn.



 
© 2023 Kurdistan Democratic Party, KDP

Contact