Kurdî  ■  كوردی  ■  عربي
MON, 30 NOV 2020 17:04 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Herîrî: Sûriye perçe bûye..Em rola Herêma Kurdistanê û Serok Barzanî bilind dinirxînin
| KDP.info


Sûriye-KDP.info- Endamê Desteya Bilind a Danûstandinan a Îtîlafa Niştîmanî ya Operasyona Sûriyê Dr. Nesir Herîrî dibêje, niha cografiya Sûriyê perçe bûye û rêjîm hêj berdewam e li ser êrîşên xwe yên serbazî.

Dr. Nesir Herîrî di hevpeyvînekê de ligel malpera KDP.info ragihand: “Niha cografiya Sûriyê perçe bûye. Beşek di bin destê Tirkiyê de ye û beşek di bin destê Rûsya û beşek di bin destê rêjîmê de ye. Rûsya nehişt rêjîm bikeve. Niha rêjîm li pêşiya herifandineke mezin a siyasî û abûrî de ye û dorpêçeke mezin li ser rêjîmê heye.”

Herîrî wiha got: “Rûsya nikariye wek pêwîst xelkê Sûriyê ligel rêjîmê lihev bike û herwiha nikariye baweriyekê li cem cîhanê çêbike, ku bikaribe deriyê pêwendiyan veke. Tevî piştgîriya welatan bo rêjîma Sûriyê, lê niha rêjîm li pêşiya metirsiyeke mezin de ye, ku bikeve û bê şikestin. Ji aliyekî ve ji aliyê xelkê ve û ji aliyê din ve ji aliyê welatên bihêz ve. Niha pêdviya Sûriye bi çareseriyeke siyasî veguhêz û rast heye, ku bi guvaşên welatan biryara 2254 a Encûmena Asayişê ew yek pêk were.”

Dr. Nesir Herîrî wiha derbarê hebûna Kurdan di nava Îtîlafê de, dibêje, Encûmena Niştimanî ya Kurd li Sûriyê (ENKS) di nava Îtîlafê de cih digre û ji destpê de û heya dawî beşdar bûye di şoreşa Sûriyê de.

Herîrî wiha got: “Gelê Sûriyê divê xwe dûr bike ji sîstema parvekirina kursiyan bi ser pêkhateyan û dûr bikeve ji sîstema kota, ji ber ku ev herdû sîstem li welatîbûna Sûriyê dide, tevî vê jî Îtîlafa Sûriyê bi hemû mercên ENKSê razî bû û niha hejmara wan ji wê zêdetir e ku wan daxwaz dikirin. Em rijd in ku Kurd bi rêjeyeke mezin di Îtîlafê û şanda danûstandinan a Îtîlafê û komîteya destûr de beşdar bibin.”

Dr. Nesir Herîrî wiha domand: “Em di gelek civîn û konfransên navdewletî de beşdar bûne, ku ji bo çareserkirina pirsa Sûriyê bûne, lê herdem armanca me cîbicîkirina biryara 2254 bûye. Herwiha me daxwaz dikir ku alîkariyên mirovî bighên xelkê Sûriyê û me kar ji bo girtiyên di zindanên rêjîmê de dikir û me hewl dida ku kuştina xelkê sivîl bidawî were. Lê rêjîmê ev tişt hemû red dikirin, niha jî xwe daye destê welatan, em jî bi ti awayekî vê rêjîmê qebûl nakin.”

Herîrî ragihand: “Destûrê nû yê Sûriyê pêngaveke girîng e di pêngavên çareseriyê li Sûriyê, lê hemû pirsan çareser nake, ku divê ne tenê gotinên ser kaxetê be. Ligel danîna destûr divê hikûmeteke veguhêz jî hebe û destelat di destê wê de be û herwiha em ber bi hilbijartinan ve biçin,da ku xelkê Sûriyê nûnerên xwe hilbijêrin. Em dixwazin Sûriye dewleteke medenî û demokrat û piralî be, û hemû alî karibin karê siyasî bikin, û hemû alî nêrîna xwe nîşan bidin, welatî wekhev bin, pêkhateyên Sûriyê hest bikin ku Sûriye welatê wan e û jê netirsin.”

Herîrî wiha got: “Pêwendiyên me ligel Herêma Kurdistanê bihêz in û em rola Herêma Kurdistanê û Serok Mesûd Barzanî bilind dinirxînin, ku ew bi hemû şêweyekê pişta daxwazên gelê Sûriyê digrin. Herwiha Herêma Kurdistanê penaberên Sûriyê hewand û karekî pir baş ji wan re kir, ew jî tevî ku Herêma Kurdistanê di rewşeke abûrî zehmet de derbas dibe. Me û Herêma Kurdistanê gelek caran behsa pêşeroja Sûriyê kiriye, û me behsa penaberan û çareseriya siyasî kiriye.”

 




Nûçeyên din

Polîsê Iraqê li Şingalê hemû alên PKK û Heşda Şeibî daxistin

SATURDAY, 28 NOVEMBER 2020 19:11:25

Şingal-KDP.info- Bi biryara Hikûmeta Iraqê tevahiya alên PKK û Heşda Şeibî û hemû hêzên din ên li Şingalê ji aliyê polîsê federal ve hatin daxistin.

 
Keç û jinên Êzdî yên ku rizgar bûne dê di hêza nû ya Şingalê de beşdar bibin

THURSDAY, 26 NOVEMBER 2020 19:11:24

Duhok-KDP.info- Parlemantera Kurdistanê Hediya Murad dibêje, Wezareta Navxwe ya Hikûmeta Herêma Kurdistanê biryar daye ku keç û jinên Êzdî yên ku rizgar bûne, di hêza nû ya Şingalê de beşdar bibin.

 
Nêçîrvan Barzanî: Emê kar bikin ji bo nehiştina tundiya li hember jinan

WEDNESDAY, 25 NOVEMBER 2020 22:11:52

Hewlêr-KDP.info- Serokê Herêma Kurdistanê di roja cîhanî ya nehiştina tundiya li dijî jinan de peyamek belav kir û tekezî li ser berdewamiya piştgiriya li mafên wan û hewl û karê berdewam a ji bo nehiştina tundiya dijî jinan kir. Nêçîrvan Barzanî ragihand, “tundî, pirsa mafê mirov û tevahiya civakê ye, pêwîst e mêr roleke aktîvtir bibînin, beşeke mezin çareser bikin û rola wan di nehiştina tundiyê de hebe.”

Nêçîrvan Barzanî spasiya piştgîriyên Fransa bo Kurdistanê kir

TUESDAY, 24 NOVEMBER 2020 23:11:23

Hewlêr-KDP.info- Serok Nêçîrvan Barzanî spasiya Fransa kir li ser piştgîriyên wê yên siyasî û leşkerî û mirovî bo Herêma Kurdistanê, herwiha destxweşî kir li destpêşxerî û projeya avakirina nexweşxaneyekê li Şingalê ji aliyê hinek rêxistinên nehikûmî yên Fransa û ragihand, Serokatiya Herêma Kurdistanê dê ligel Fransa û dostên din beşdar be di avakirina wê nexweşxaneyê de.

Li Rojava danustandinên Kurdî – Kurdî ji ber hilbijartinên Amerîka rawestiyane

TUESDAY, 24 NOVEMBER 2020 21:11:27

Rojavayê Kurdistanê-KDP.info- Serkirdeyê ENKSê Şelal Gedo dibêje, danustandinên aliyên siyasî yên Rojavayê Kurdistanê ji ber hilbijartinên serokê Amerîka rawestiyane.



 
© 2020 Kurdistan Democratic Party, KDP

Contact