Kurdî  ■  كوردی  ■  عربي
SAT, 30 MAY 2020 02:57 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Bersivek bo Cemîl Bayik û hevfikrên wî…
| KDP.info


Tenya Kurdî

Hevserokê Konseya Rêveber a KCKê Cemîl Bayik, di daxuyaniyeke bi gumanî de, ji bernameyeke televîzyona Stêrk de, derbarê Kampa Mexmûrê û Zîna Wertê de, ku xuya ye wek carên berê tengav bûye, bo çend gotinên istîxbaratî û gotinên xwedî çavkaniyên pêşwext diyar de, dixwaze xebata xwe ya sexte li Qendîlê li pişt dijayetiya PDK û gelê Kurdistanê veşêre. Lê em ji Bayik re dibêjin, şermezarî ew e ku mirov ji cihê xebata xwe bireve û hewla dagîrkirina perçeyeke rizgarkirî bide.

Şermezarî ew e ku Herêma Kurdistanê bi hemû hêsankariyekê û bi xizmetkirina ji dezgehên xwe, deriyê xwe ji penaberên Mexmûrê re vekiribû, lê hûn dihatin û we ev alîkarî bikar tanî ji bo encamdana karên terorîstî li Hewlêrê.

Şermezarî ew e, ku we xwe di nava istîxbaratên welatên navçeyê de li Qendîlê veşartibe, û dema ku gelê Kurd bixwaze destkeftên bêtir bidestve bîne, hûn di cih de bên xwe bixin çeperên pêşî ji bo xerakirinê û derxistina astengiyan, ew jî wek çawa we pêvajoya aştiyê li Tirkiyê jinav bir. Li Bakurê Kurdistanê Kurd bi xebata sivîl nêzîkî bibûn ku bighên encamên girîng, lê we ew ezmûn û prose jinav bir. Niha jî raya giştî ya Bakurê Kurdistanê nas kiriye ku çima we ew kar kir. Ne gunehê PDKê ye ku xelkê Kurdistanê rûyê we yê rastî dîtiye û nas kiriye.

Şermezarî ew e, ku hûn artêşên navçeyê dikşînin nava axa Herêma Kurdistanê, lê heya niha we nikariye tenê li yek gundê Bakurê Kurdistanê rewatiyeke yasayî bi xebatê yan her destkefteke medenî bidest bînin.

Herêma Kurdistanê ne cihê hevrikiya istîxbarata dewletan e, ku hûn hertim dixwazin aramiya xelkê Kurdistanê xerab bibe. Hûn in yên ku bi nerewa zarokên Kurdan revandine û bi kuştin dane.

Derbarê nexweşiya Korona jî, ew yek xuya ye ku Korona şewbeke cîhanî ye û Hikûmeta Herêma Kurdistanê ewqasî rihê xelkê Kurdistanê li cem wê girîng e, lewma bi hemû karîna xwe şerê Korona kir ji aliyê tendirûstî û belê ji aliyê siyasî jî, da ku hinek alî nikaribin di dema Koronayê de bên û karên terorîstî bikin, yan bi qaçaxî bên û veyrosê bînin nava xelkê Herêma Kurdistanê. Ev jî erkê Hikûmeta Kurdistanê û Hêzên Pêşmerge ye ku ax û xelkê Kurdistanê biparêzin..

Hikûmeta Kurdistanê di çarçoveya rewatiya yasayî de û di nava rêkarên tendirûstiyê yên Rêxistina Tendirûstiyê ya Cîhanî de, xelkê Kurdistanê ji Korona û ji terorîstên wek DAIŞê, û ji îrhaba fikrî ya ku çavkaniya wê xuya ye, xelkê xwe diparêze. Herwiha Serokê Herêma Kurdistanê alîkariyên tendirûstî û mirovî ji xelkê Rojavayê Kurdistanê re şand, ew jî ji bo şerê li dijî Korona.

Derbarê Zîna Wertê jî, ku ev şîna we hemû ji bo wê ye, belê Hikûmeta Kurdistanê xwedî Pêşmerge ye û mafê wê ye Pêşmerge bişîne cihê ku bixwaze li Herêma Kurdistanê, eger pêwîst be ax û xelkê Qendîlê jî biparêze. Hûn jî ku roj li pey roj dikevin nava paşvekêşanên hizrî û siyasî de, ev ne gunehê PDKê ye, lê belê ew ji ber nebûna pirensîpekê ye li cem we, ku ti baweriya we bi pirsa Kurdistan û serxwebûnê nayê. Ev e şermezarî, lewma ku hûn nexwedî pirs in, ev sirûşta we ye, lê xweska qet hûn nebana sebeb ku axa Herêma Kurdistanê û sînorên wê ji ber we rastî êrîşên welatên navçeyê û topbaran û bobebarana wan dibin û aramiya wan navçeyan jinav diçe.

 




Nûçeyên din

Serok Barzanî sersaxiyê li Sasan Ewnî kir

WEDNESDAY, 27 MAY 2020 22:05:40

Hewlêr-KDP.info-Îro çarşem 27.05.2020 Serok Mesûd Barzanî li rêya telefonê ve peywendiyê bi Sasan Ewnî Wezîrê Bajarvaniya Hikûmeta Herêma Kurdistanê kir û serxweşî û hevxemiya xwe ji bo malbata wan û Ferhad Ewnî ragihand ku ji bo koça dawî ya xwedê jêrazî Nejad Ewnî yê birayê wan ku li rûdaneke diltezîn da koça dawî kir.

 
Hevpeymanan çek û teqemenî ji 2 lîwayên Pêşmerge re şandine

WEDNESDAY, 27 MAY 2020 16:05:43

Hewlêr-KDP.info- Cîgirê Serfirmandar bo Operasyonan di Wezareta Pêşmerge de Lîwa Qareman Kemal dibêje, 2 lîwayên Hêzên Pêşmerge ku Hevpeymaniya Navdewletî wan amade dike, hatine amadekirin û Hevpeymaniya Navdewletî dê piraniya çek û teqemenî û kelûpel û pêwîstiyan ji wan re bişîne.

 

Mesrûr Barzanî: Şoreşa Gulanê ew rastiye çespand ku îradeya miletê me ji hemû planan bihêztir e

MONDAY, 25 MAY 2020 23:05:45

Hewlêr-KDP.info- Êvara îro Duşema 25.05.2020an Serokwezîr Mesrûr Barzanî bi boneya yadkirina Şoreşa Gulanê peyamek belav kir. Di wê peyama xwe de Serokwezîr Barzanî di wê daxuyaniyê de aşkere kir biyekrêzî û yekhelwêstiya xelkê Kurdistanê ew dikarin ji hemû rewşên xirab debas bibin.

Serokê Herêma Kurdistanê: Erkê sereke yê hemû aliyan bihêzkirina yekrêziyê ye

MONDAY, 25 MAY 2020 23:05:59

Hewlêr-KDP.info- Serokê Herêma Kurdistanê Nêçîrvan Barzanî bi boneya 44emîn salvegera Şoreşa Gulanê peyameke bekav kir û ragihand ku divê kare sereke yê hemû aliyan berdewam ji bo bihêzkirina yekrêziyê karkirin be.

Serok Barzanî: Bila xelkê Kurdistanê piştrast bin ku xebat û qurbanîdana wan bi vala naçe

MONDAY, 25 MAY 2020 23:05:16

Hewlêr-KDP.info- Serok Mesûd Barzanî ji ber salvegera Şoreşa Gulanê ya sala 1976ê, peyamek belav kir û tê got, bila xelkê Kurdistanê piştrast bin ku şoreş û xebat û qurbanîdana wan bi vala naçe.



 
© 2020 Kurdistan Democratic Party, KDP