Kurdî  ■  كوردی  ■  عربي
SAT, 11 JUL 2020 04:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Dema Pêşmergeyên Roj Kurdistan diparastin xelkên din axa welat difirotin
| KDP.info


Hewlêr-KDP.info- Derbarê wî xortê ku li Lîbyayê ji aliyê hêzên Xelîfe Hefter ve hatiye girtin, Çavkaniyekê ji Dezgeha Rewşenbîrî û Ragihandinê ya Partiya Demokrata Kurdistanê daxuyaniyek belav kir û tê de ragihand: “Ew kesê li Lîbyayê hatiye girtin, bi awayekî ku cihê gumanê ye, nasnameyeke sexte jê re hatiye çêkirin, lê ne ji dûr û ne jî ji nêzîk ve ti têkeliya wî kesî bi Partiya Demokrata Kurdistanê û Leşkerê Roj ve nîne.”

Naveroka daxuyaniya PDKê wiha ye:

“Têkildarî girtina kesekî kirêgirtî li Lîbyayê, ku dema çend rojan e hejmarek malper û medyayên Kurdî, kampîneke nerewa ji bo lekedarkirina PDKê û Leşkerê Roj ê qehreman bikar tînin, em ji hemû aliyan re radigihînin ku;

Yekem: Ew kesê li Lîbyayê hatiye girtin û bi şêweyekî cihê gumanê nasname jê re hatiye saxtekirin, ne dûr û ne nêzîk ti têkiliya wî bi Partiya Demokrata Kurdistanê û Leşkerê Roj ve nîne û ti caran tenê bo xûlekekê jî Pêşmerge nebûye.

Duyem: Ew şer û wêrankariya li Lîbyayê rû dide, encama milmilaniya navdewletî ye û ti pêwendiya wê bi armanc û siyasetên Partiya Demokrata Kurdistanê ve nîne. Rûreşî ye ku bo lekedarkirina navê Pêşmerge û PDKê tiştek were bikaranîn ku di bingeh de ti têkilya wê bi Kurdan ve nîne. Ew yek nîşaneya şikesta siyasî û exlaqî û fikrî ye.

Sêyem: Eger propagandayên derbarê wî kesî de rast bin jî û ew kes Pêşmerge bûbe (ku ti bingeha wê yekê tine ye), hemû alî gelek baş dizanin ku di dîroka şoreşên Kurd de çêbûye ku hin kes di nava şoreşê de bûne, lê belê nepakî (xiyanet) kirine û ji rêzên sores û Pêşmerge çûne nav rêzên dijmin.

Çarem: Ew kesê ji bo pere bûye kirêgirtî li Lîbyayê, karekî kirêt kiriye, lê belê li gel wê yekê kî nepakiya wî bi ti awayekî li gel nepakiya firotina ax û xelkê nayê ber hev, ku hinek grûp û alî fêrî wê yekê bûne û dixwazin bi mezinkirina mijara kirêgirtiyê li Lîbyayê, pirêzeya xwe paqij bikin.

Pêncem: Eger mebest ji wê kampînê û lekedarkirina Pêşmerge, mijûlkirina xelkê be, jibo ku tawan û nepakiyên wan alî û grûpan were veşartin, bila hemû kes piştrast bin, ku bi wan gotegotan, neheqî û xapînokan, tawan û nepakî ti caran winda nabin û nayên jibîrkirin.

Şeşem: Leşkerê Roj ê qehreman di şerê li dijî terorîstan de bi dehan şehîd dane, bi qehremanî berevanî di ber axa Kurdistanê de kirine, dema ku qehremanên Leşkerê Roj li Pirdê û Sihêla beşdar bûn di têkbirina dijmin de, xelkên din xak difirotin û kirêgirtiyên dijmin bûn.

Heftem: Rastî dê bo hemû aliyan aşkere bibin û wek her car dê rûreşî bo kesên çewaşekar bimîne.




Nûçeyên din

Parlamento: Ji ber şerê Tirkiye û PKKê 162 welatiyên Duhokê şehîd bûne

THURSDAY, 09 JULY 2020 19:07:32

Duhok-KDP.info- Roja 16ê meha derbasbûyî, artêşa Tirkiyê dest bi operasyoneke serbazî li dijî çekdarên PKKê li sînorê Herêma Kurdistanê destpê kir û di encamê de ziyanên canî û madî ji xelkê navçeyê re derket. Endama Komîteya Dîvdeçûna Pirsgirêkên Ser Sînor di Parlamentoya Kurdistanê de Jiyan Tahir dibêje, ji ber siyaseta PKK û êrîşên Tirkiyê, bi dehan gundên Herêma Kurdistanê vala bûne û nêzîkî 200 welatiyê Duhokê bûne qurbanî.

 
Nûnera UN: Em piştgîriyê li berdewamiya danûstandinên Hewlêr û Bexdayê dikin

WEDNESDAY, 08 JULY 2020 23:07:11

Hewlêr-KDP.info- Nêçîrvan Barzanî Serokê Herêma Kurdistanê pêşwaziya xanima Jeanine Plasschaert Nûnera Taybetî ya Sekreterê Giştî yê Neteweyên Yekgirtî li Iraqê kir.

Encûmena Wezîran rewşa kerta çandiniyê gotûbêj kir

WEDNESDAY, 08 JULY 2020 23:07:05

Hewlêr-KDP.info- Encûmena Wezîran bi serperiştiya Serokwezîrê Herêma Kurdistanê Mesrûr Barzanî, û bi beşdariya Cîgirê Serokwezîrê Herêma Kurdistanê Qubad Talebanî, bi rêya vîdyo konfiransê civiya.

Baregeha Serok Barzanî kuştina Hîşam Haşimî şermezar kir

TUESDAY, 07 JULY 2020 17:07:22

Hewlêr-KDP.info- Bi mixabîniyeke zêde ve, me nûçeya terorkirina pisporê emnî Hîşam Haşimî bihîst, ku girûpên dervey yasayê ew karê zalimkar kirine.

 
Mesrûr Barzanî kuştina Huşam Haşimî şermezar kir

TUESDAY, 07 JULY 2020 16:07:14

Hewlêr-KDP.info- Serokwezîrê Herêma Kurdistanê kuştina Huşam Haşimî bi tundî şermezar kir û hêvî kir ku di zûtirîn dem de “bikerên vê tawanê bên dîtin.”

 


 
© 2020 Kurdistan Democratic Party, KDP