Kurdî  ■  كوردی  ■  عربي
WED, 15 JUL 2020 04:01 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Partiyên Kurdistanî li Bexdayê: Me bi yekîtiya xwe nameyeke bihêz da hindur û dervey Iraqê
| KDP.info


Bexda-KDP.info- Frakisyonên Kurdistanê di Parlemantoya Iraqê de dibêjin, di vê qonaxa niha de em rijd in li ser parastina yekrêzî û yekdengiya xwe ji bo berjewendiyên bilind ên Kurdistanê û ev yekhelwêstiya partiyên Kurdistanî nameyeke bihêz daye hindur û dervey Iraqê.

Frakisyona PDKê

Seroka Frakisyona PDKê di Parlemantoya Iraqê de Viyan Sebrî ji malpera KDP.info re ragihand: “Serokê frakisyonên Kurdistanê ligel Serokê Herêma Kurdistanê Nêçîrvan Barzanî civiyan û em hemû yeknerîn bûn ku em li Iraqê yekdeng û yekbiryar bin di vê rewşa niha ya Iraqê de, ew jî ji bo berjewendiyên bilind ên Herêma Kurdistanê. Pir girîng e em bi yekhelwêst û yek pilan kar bikin û hevpeymaniyeke Kurdistanî hebe û em yek bin li ser pirsên li Bexdayê. Serokê Herêma Kurdistanê jî roleke girîng dît di vê yekrêzî û yekgotariya di navbera partiyên siyasî yên Kurdistanê de.”

Frakisyona YNKê

Her derbarî yekrêziya partiyên Kurdistanî li Bexdayê, Ciwan Îhsan Seroka Frakisyona YNKê jî ji malpera KDP.info re ragihand: “Di vê qonaxa niha de ku rewşeke hestiyar li Iraq û navçeyê heye, yekdengî û yekrêziya Kurdan li Bexdayê pir girîng e û nexasim li Bexdayê pêwîst e Kurd berdewam bin li ser yekdengiya xwe, ji ber ku bûyer û pêşhatên Iraqê cuda ne ji rewşa Herêma Kurdistanê. Piraniya partiyên Kurdistanê rijd in ku di vê qonaxê de em yekrêzî û yekdengiya xwe biparêzin.”

Frakisyona Komela Îslamî ya Kurdistanê

Serokê Frakisyona Komal Selîm Şuşkeyê ji derbarê vê mijarê de ji malpera KDP.info re ragihand: “Şanda Herêma Kurdistanê li Bexdayê ye û serdana Mihemed Elawî kirin. Kurd heya niha wek yek tîm beşdar in di gotûbêjên avakirina hikûmeta nû ya Iraqê de, ev yek jî hêzeke mezin dide Kurdan û dê destkeftên baştir bidest me werin bi vê yekîtiyê û herwiha em wisa hêsantir dikarin daxwaza mafên Herêma Kurdistanê bikin û wan mafan bidestve bînin. Me bi vê yekhelwêstiya xwe pêngaveke girîng avêtiye û ev yek nameyeke bihêz e bo hindur û dervey Iraqê. Li ser daxwaza Serokê Herêma Kurdistanê Nêçîrvan Barzanî em ligel serokwezîrê ku hatiye erikdarkirin bi avakirina hikûmeta nû ya Iraqê Elawî civiyan û me behsa wan mijaran kir ên ku girêdayî Herêma Kurdistanê ne.”

Frakisyona Yekgirtûya Îslamî ya Kurdistanê

Ji aliyê xwe ve, Serokê Frakisyona Yekgirtû Cemal Koçer ji malpera KDP.info re ragihand: “Li Kurdistanê em bi Serokê Herêma Kurdistanê Nêçîrvan Barzanî re civiyan û me biryar da ku em yekhelwêst û yekgotar û yekrêz bin û niha dema em serdana berpirsên Iraqê dikin em bi yek gotin diaxivin. Pir girîng e ku em yek in û em bi yekîtî gotina xwe didin Bexdayê.”

Frakisyona Tevgera Goran

Behar Mehmûd Fetah Parlemantera Goran di parlemantoya Iraqê de ji malpera KDP.info re ragihand: “Berê jî û niha jî yekrêzî û yekhelwêstiya Kurdan li Bexdayê pir girîng e ji Kurdistanê re û partiyên Kurdistanî dema ku dûrî hev dikevin ziyanê dibînin. Piştî civîna me bi Serokê Herêma Kurdistanê Nêçîrvan Barzanî re, Nêçîrvan Barzanî em piştrast kirin ku ev civîn dê destpêkek be ji bo yekdengî û yekhelwêstiya partiyên Kurdistanê û dê ev yek pêngava yekem be ji bo bidestveanîna mafên destûrî û pirsên niştimanî û netewî li Bexdayê.”

 




Nûçeyên din

Mesrûr Barzanî: Tevî rewşa dijwar emê di xizmetkirina xelkê Kurdistanê de berdewam bin

TUESDAY, 14 JULY 2020 21:07:19

Hewlêr-KDP.info- Serokê Hikûmeta Herêma Kurdistanê Mesrûr Barzanî ragihand, tevî vê rewşa dijwar a abûrî li Herêma Kurdistanê lê ewê li ser bicîhanîna sozên ku dane welatiyan, berdewam bin û xizmeta wan bikin.

Serokê Herêma Kurdistanê peyameke sersaxiyê pêşkêşî Serok Komarê Misirê kir

SUNDAY, 12 JULY 2020 23:07:06

Hewlêr-KDP.info- Îro yekşem 12.07.2020 birêz Nêçîrvan Barzanî Serokê Herêma Kurdistanê peyameke sersaxiyê pêşkêşî birêz Abdulfetah El Sîsî Serok Komarê Misirê kir û têda ji bo koça dawî ya xwedê jêrazî Ehmed Haris Konsolê Komarê Misira Erebî li Hewlêrê, serxweşiyê li birêz kir û hevxemiya xwe ji bo ji destdana xwedê jêrazî derbirî ku doh li Misir koça dawî kir.

Serokê Herêma Kurdistanê sersaxiyê li Kinyazê Mîrzoyêv dike

SUNDAY, 12 JULY 2020 12:07:51

Hewlêr-KDP.info- Di peyamekê de, Serokê Herêma Kurdistanê Nêçîrvan Barzanî sersaxî ji akademîsyen û kesayetiya navdarê Kurd li Kazaxistanê Pro. Kinyazê Mîrzoyêv kir, ji ber koça dawî ya birayê wî Ehmedê Mîrzoyêv.

 
Serok Barzanî sersaxî ji Dr. Kinyazê Îbrahîm Mîrzoyêv re xwest

SUNDAY, 12 JULY 2020 12:07:45

Hewlêr-KDP.info- Serok Mesûd Barzanî peyameke sersaxiyê ji Dr. Kinyaz Îbrahîm Mîrzayêv Serokê Federasyona Kurdên welatên Sovyeta berê re şand, ji bo koça dawî ya birayê wî Ehmed Îbrahîm Mîrzayêv.

 
Mesrûr Barzanî kevirê bingehê yê riya (100 metrî) ya Silêmaniyê danî: Xelkê Silêmaniyê hêjayî projeyên mezintir in

SATURDAY, 11 JULY 2020 20:07:54

Silêmanî-KDP.info- Serokê Hikûmeta Herêma Kurdistanê Mesrûr Barzanî gihîşt bajarê Silêmaniyê û kevirê bingehê yê projeya riya 100 metrî ya Silêmaniyê danî.



 
© 2020 Kurdistan Democratic Party, KDP

Contact