Kurdî  ■  كوردی  ■  عربي
FRI, 28 FEB 2020 13:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Parêzgarên Iraqê daxwaz ji Serok Barzanî kirin ku rolekê bibîne di çareserkirina rewşa Iraqê de
| KDP.info


Hewlêr-KDP.info- Serok Mesûd Barzanî pêşwaziya şandeke hevbeş ji 15 Parêzgarên Iraqê kir û di wê hevdîtinê de şanda mêvan daxwaz ji Serok Barzanî kir ku rolekê bibîne di çareserkirina pirsgirêkên Iraqê de.

Îro Çarşem 12.02.2020 li Selaheddîn Serok Mesûd Barzanî pêşwaziya şandeke hevbeş ji Parêzgar û Cîgirên Parêzgarên Parêzgehên (Nînowa, Kerkûk, Bexda, Enbar, Dîwaniye, Zîqar, Selaheddîn, Wast, Mîsan, Necef, Kerbela, Besra, Diyalî, Musenna û Hewlêrê) kir.

Di hevdîtinê de ku Rêber Ehmed Wezîrê Navxwe yê Hikûmeta Herêma Kurdistanê û Dr. Sebah El Dilêmî Wezîrê Pilandanana Iraqê amade bûn, şanda mêhvan pêzanînên xwe ji bo aramî û geşbûn û pêşketinên Herêma Kurdistanê hebû û daxwaz kirin ku ezmûna serkeftî ya Herêma Kurdistanê ji bo parêzgehên din ên Iraqê jî bê veguhestin.

Herwiha spasî gelê Kurdistanê û Hikûmeta Herêma Kurdistanê kirin ku di dema êrîşa terorîstan û di rojên dijwar de bûne cihji bo bi sedan hezar koçberên Iraqê.

Şanda mêvan pesnê rola dîrokî ya Serok Barzanî dan û ji bilî wê yekê behsa qeyrana niha ya Iraqê kirin û daxwaz kirin ku Serok Barzanî roleke xwe ya bi bandor di çareserkirina kêşeyên Iraqê û vegerandina aramî û hêviya Iraqê de bibîne.

Her di vê hevdîtinê de Serok Barzanî gotarek pêşkêşî amadebûyên civiyê kir û dîtin û nêrînên xwe yên di derbarê rewşa siyasî ya Iraqê zelal kir û behsa wan sedeman kir ku qeyran û kêşeyên niha yên Iraqê jê peyda bûne.

Serok Barzanî jibilî ku behsa ezmûna serkeftî ya Herêma Kurdistanê kir, ragihand ku eger li Iraqê lihevkirina rastîn bihata cîbicîkirin û hemû aliyek pêbendî destûrbana, niha Iraq di rewşeke baştir de bû.

Di dirêjahiya axaftinên xwe de Serok Barzanî tekez li ser çanda lêborînê û pêkvejiyana di navbera pêkhatên Iraqê de kir û di derbarê peywendiyên di navbera Herêma Kurdistanê û parêzgehên Iraqê piştevaniya xwe ya tevahî ji bo pêşxistina wan peywendiyan û karê hevbeş di warê geşepêdan û avadankirina wan de, ragihand.




Nûçeyên din

Serok Barzanî serxweşiyê li Îbrahîm Biro kir

FRIDAY, 28 FEBRUARY 2020 13:02:06

Bi navê xwedayê mezin û dilovan

Birêz Îbrahîm Biro Endamê Mekteba Siyasiya Partiya Yekîtiya Kurdistanê Sûriye

Serokê Herêma Kurdistanê pîrozbahî li hevserokên YNKê kir

THURSDAY, 27 FEBRUARY 2020 09:02:11

Hewlêr-KDP.info- Serokê Herêma Kurdistanê di peywendiyeke telefonî de pîrozbahî li hevserokên YNKê kir û hêviya wê xwest hilbijartina wan “xizmeta hêviyên Serok Mam Celal bike”.

 
Baydemîr: Herêma Kurdistanê mînakek e ji bo temamî navçeyê

THURSDAY, 27 FEBRUARY 2020 09:02:40

Duhok-KDP.info- Siyasetmedarê Kurd Osman Baydemîr ragihand ku Herêma Kurdistanê mînakeke ciwan e li tevahiya navçeyê û semboleke ciwan e bo temamî xelkê Kurdistanê.

 
Îsal rêwresmên cemaweriyên bîranînên koçkirin û jidayikbûna Barzaniyê Nemir neyên kirin

WEDNESDAY, 26 FEBRUARY 2020 16:02:26

Hewlêr-KDP.info- Baregeha Barzanî di çarçoveya tewdîrên li hember vîrusa korona de biryarek aşkera kir û ragihand îsal rêwresmên cemaweriyên bîranînên koçkirin û jidayikbûna cenabê Barzaniyê Nemir neyên encamdan.

 
“Boneyên îsal ên Newrozê li Hewlêrê nayên kirin..Korona negihaye Hewlêrê”

WEDNESDAY, 26 FEBRUARY 2020 16:02:32

Hewlêr-KDP.info- Îro 26.02.2020ê parêzgerê Hewlêrê Firset Sofî di kongreyeke rojnamevanî de ragehand, di çarçoveya tewdîrên li hember vîrusa korona de me biryar daye ku îsal bone û pîrozbahiyên Newroz û Adarê neyên kirin. Herwiha tekez kir ku hêj nexweşiya korona negihaye parêzgeha Hewlêrê.

 


 
© 2020 Kurdistan Democratic Party, KDP