Kurdî  ■  كوردی  ■  عربي
FRI, 28 FEB 2020 13:58 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Cîgirê Serokê Parlemantoya Iraqê: Pêgeha Kurdistanê li navçeyê bihêz e
| KDP.info


Silêmanî-KDP.info- Cîgirê Serokê Parlemantoya Iraqê Dr. Beşîr Hedad dibêje, Herêma Kurdistanê niha li ser asta navçeyê û Iraqê jî bihêz e û xwedî roleke mezin e û Iraq jî wê yekê dizane ku bê Herêma Kurdistanê nikarin hikûmeteke bihêz li Bexdayê ava bikin.

Dr. Beşîr Hedad ji malpera KDP.info re ragihand: “Niha nêzîkbûnek di navbera Hikûmeta Herêma Kurdistanê û Hikûmeta Iraqê de heye û lihevkirin di navbera wan de tên kirin. Pêwîst e hemû mafên Kurdan li Iraqê parastî bin. Gerek Iraq jî zanibe ku xerakirina pêwendî û têkeliyên di navbera Iraq û Kurdistanê de ne di berjewendiya Bexdayê de ne. Her serokwezîrek bixwaze hikûmeteke bihêz ava bike, divê kar bike ku pêwendiyeke baş bi Herêma Kurdistanê re çêbike. Çiqasî pêwîstiya Kurdistanê bi Bexdayê hebe, zêdetir pêwîstiya Bexdayê bi Herêma Kurdistanê heye, ku pêwendiyeke baş û bi dostanî bi Herêma Kurdistanê re li ser bingeha destûr deynin.”

Derbarê rewşa navçeyên Kurdistanî yên benda 140, Dr. Beşîr Hedad wiha got: “Beriya demekê, pêkhateyên Kerkûkê li Bexdayê hejmareke civîn di bin çavdêriya Neteweyên Yekbûyî de kirin û ew civîn bi encamên baş derketin, lê ji ber ku rewşa Iraqê xerabû û xwepêşandanan dest pê kir, ew civîn rawestiyan û rêkeftina dawî ya siyasî nehat kirin, ku Pêşmerge vegerin navçeyên Kurdistanî yên benda 140. Tevî ku Serokwezîrê berê yê Iraqê Adil Ebdulmehdî biryar dabû ku hêzên Iraqê ji wan navçeyan vekşin û hinek ji hêzên Heşda Şeibî jî ji wir vekişiyan û kêm mabû ku Hêzên Pêşmerge li wir bicîh bibana û ligel hêzên Iraqê bi parastina navçeyê rabana, ji ber ku ji Hikûmeta Iraqê re jî eşkere bibû ku hêzên Iraqê nikarin bi tenê parastina wê navçeyê bikin, wek me dît çawa Pêşmerge ne li wan navçeyan e û DAIŞ dîsa serî hildaye û karê terorîstî li wan navçeyan tê kirin û xelkê wan navçeyan, jibilî Kurdan, Turkamn jî daxwaz bikin Pêşmerge vegerin navçeyê ji bo ku asayiş û ewlehî bicîh bibe.”

Cîgirê Serokê Parlemantoya Iraqê Dr. Beşîr Hedad dibêje, Herêma Kurdistanê niha li ser asta navçeyê û Iraqê jî bihêz e û xwedî roleke mezin e û Iraq jî wê yekê dizane ku bê Herêma Kurdistanê nikarin hikûmeteke bihêz li Bexdayê ava bikin. Herwiha Iraq dibîne çawa şandên welatan serdana Hewlêrê dikin û piştrast dibin ku welatên mezin tenê axaftina Bexdayê nabin û nerîn û axaftina Kurdistanê jî dibin û her konfranseke navdewletî çêdibe Kurdistan tê de beşdar dibe. Bexda dizane ku ew nikarin pêgeha bihêz a Herêma Kurdistanê jê bistînin ji ber ku karê xwe bi destûrî dike û hebûna xwe li Iraqê feriz kiriye.”

 




Nûçeyên din

Serok Barzanî serxweşiyê li Îbrahîm Biro kir

FRIDAY, 28 FEBRUARY 2020 13:02:06

Bi navê xwedayê mezin û dilovan

Birêz Îbrahîm Biro Endamê Mekteba Siyasiya Partiya Yekîtiya Kurdistanê Sûriye

Serokê Herêma Kurdistanê pîrozbahî li hevserokên YNKê kir

THURSDAY, 27 FEBRUARY 2020 09:02:11

Hewlêr-KDP.info- Serokê Herêma Kurdistanê di peywendiyeke telefonî de pîrozbahî li hevserokên YNKê kir û hêviya wê xwest hilbijartina wan “xizmeta hêviyên Serok Mam Celal bike”.

 
Baydemîr: Herêma Kurdistanê mînakek e ji bo temamî navçeyê

THURSDAY, 27 FEBRUARY 2020 09:02:40

Duhok-KDP.info- Siyasetmedarê Kurd Osman Baydemîr ragihand ku Herêma Kurdistanê mînakeke ciwan e li tevahiya navçeyê û semboleke ciwan e bo temamî xelkê Kurdistanê.

 
Îsal rêwresmên cemaweriyên bîranînên koçkirin û jidayikbûna Barzaniyê Nemir neyên kirin

WEDNESDAY, 26 FEBRUARY 2020 16:02:26

Hewlêr-KDP.info- Baregeha Barzanî di çarçoveya tewdîrên li hember vîrusa korona de biryarek aşkera kir û ragihand îsal rêwresmên cemaweriyên bîranînên koçkirin û jidayikbûna cenabê Barzaniyê Nemir neyên encamdan.

 
“Boneyên îsal ên Newrozê li Hewlêrê nayên kirin..Korona negihaye Hewlêrê”

WEDNESDAY, 26 FEBRUARY 2020 16:02:32

Hewlêr-KDP.info- Îro 26.02.2020ê parêzgerê Hewlêrê Firset Sofî di kongreyeke rojnamevanî de ragehand, di çarçoveya tewdîrên li hember vîrusa korona de me biryar daye ku îsal bone û pîrozbahiyên Newroz û Adarê neyên kirin. Herwiha tekez kir ku hêj nexweşiya korona negihaye parêzgeha Hewlêrê.

 


 
© 2020 Kurdistan Democratic Party, KDP