Kurdî  ■  كوردی  ■  عربي
SAT, 15 AUG 2020 20:19 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Dîdareke girîng
| KDP.info


Selam Ebdulah

Serokê Herêma Kurdistanê Nêçîrvan Barzanî bi serokatiya şandeke pilebilind beşdar bû di Korbenda Abûrî ya Davosê de, ku korbendeke cîhanî ye û girîng e. Beşdariya vê carê xwedî giranî û giringiyeke taybet e, bi taybetî jî ku Herêma Kurdistanê bi şandeke serbixwe beşdar bûye, ku ew yek jî pêgeha girîng a Herêma Kurdistanê nîşan dide, nexasim ku serokê mezintirîn welatê cîhanê ku Amerîka ye, pêşwaziyeke gerim li Serokê Herêma Kurdistanê Nêçîrvan Barzanî kir û demeke baş da wê civînê.

Herêma Kurdistanê her ji hatina DAIŞê bo nava axa Iraqê ve, her bi zelalî helwesta xwe li hemberî wê rêxistina terorê nîşan da û her zû rastî û mebest û armanca wan terorîstan nas kir û şerê wan kir, ku li vir jî rola Amerîka û Hevpeymaniya Navdewletî ji bo piştevaniya Herêma Kurdistanê û şerê li dijî DAIŞê bilind tê nirxandinm ji ber ku ne ji wan alîkariyên wan ên mezin bana, dê Herêma Kurdistanê rastî rewşeke pir dijwar biba, nexasim ku artêşa Iraqê çek û cebixaneya 3 fîrqeyên leşkerî û bi çekên moderin û pêşketî ji wan terorsîtan re hiştin.

Tevî ku di nava wan çendîn salên ji şerê li dijî DAIŞê de, Hêzên Pêşmergeyên Kurdistanê bêtirî 1700 şehîd û bêtirî 10000 birîndar dan, lê ew şer bi serkeftî û bi şikandina DAIŞê bû. Ev rola berçav a Herêma Kurdistanê di şerê li dijî DAIŞê de, cihê rêz û hurmetê ye li cem welatên şaristan û demokrat bû, ku wek niha em dibînin gelê Kurdistanê encama wê qurbanîdanê dibîne û îro Herêma Kurdistanê navçeya herî aram e li Rojhilata Navîn.

Herêma Kurdistanê ji aliyê abûrî û çavkaniyên xwezayî ve û bi taybetî jî ji aliyê petorl û gazê, xwedî pêgeheke girîng e li ser asta cîhanê û em dikarin di pêşerojê ji bo peydakirina xweşiya jiyanê ji welatiyên Kurdistanê re.

Ev serkeftina berçav a Herêma Kurdistanê di şerê li dijî DAIŞê û peydakirina wê enerjiya giring di pêşerojê de bo cîhanê, di wê pêşwaziya gerim û diwan hevdîtinên girîng de bibîne, ku serokên cîhanê li hemberî Serokê Herêma Kurdistanê û şanda pê re kirin.

Ji bo bihêzkirina vê giranî û pêgeha Herêma Kurdistanê ew e ku em yekîtiya xwe biparêzin û helwesta me jî yek be li hemberî pêşeroja Herêma Kurdistanê.




Nûçeyên din

Mesrûr Barzanî sersaxî li siyasetvanê Iraqê Mîsal Alosî kir

THURSDAY, 13 AUGUST 2020 17:08:50

Hewlêr-KDP.info- Serokê Hikûmeta Herêma Kurdistanê Mesrûr Barzanî di pêwendiyeke telefonî de sersaxî li siyasetvanê Iraqê Mîsal Alosî kir, bi boneya koça dawiyê ya dayika wî.

 
Encûmena Wezîran bi tundî nîgeranî û nerazîbûna xwe li hember helwesta nerênî ya Bexda nîşan dide

WEDNESDAY, 12 AUGUST 2020 19:08:36

Hewlêr-KDP.info- Îro Çarşema 12ê Tebaxa 2020an, Encûmena Wezîran a Herêma Kurdistanê bi serperiştiya Mesrûr Barzanî Serokwezîrê Herêma Kurdistanê û beşdariya Qubad Talebanî, Cîgirê Serokwezîr, bi rêya vîdeo-konferansê civiya.

 
Du fermandarên hêza Zêrevanên Sînor şehîd bûn

TUESDAY, 11 AUGUST 2020 22:08:26

Sîdekan-KDP.info- Qaymeqamê Soran Kirmanc Îzet ragihand, îro Sêşema 11.8.2020 li sînorê nahyeya Sîdekanê balafirên şer ên Tirkiyê li otomobîleke fermandarên hêza Zêrevanên Sînor a Iraqê dan û di encamê de 2 fermandar şehîd bûn û 2 serbaz jî birîndar bûn.

PDK û YNK: Em piştevaniyê li Hikûmeta Kurdistanê dikin ku hikumraniyê li seranserê Kurdistanê bike

TUESDAY, 11 AUGUST 2020 22:08:29

Hewlêr-KDP.info- Partiya Demokrat a Kurdistanê (PDK) û Yekîtiya Nîştimanî ya Kurdistanê (YNK) civiyan û piştî civîna xwe daxuyaniyeke hevbeş ragihandin û gotin, “em piştevaniyê li Hikûmeta Kurdistanê dikin ku hikumraniyê li seranserê Herêma Kurdistanê bike.”

Rêxistinên navdewletî êdî alîkariya koçberan nakin û ew erk ketiye ser milê Hikûmeta Kurdistanê

MONDAY, 10 AUGUST 2020 17:08:59

Hewlêr-KDP.info- Rêveberê Kampan li Hewlêrê Rizgar Ubêd ragihand ku, 31 kamp li Hewlêr û Duhokê hene û rêxistinên navdewletî alîkariyên xwe ji bo wan kampan sekinandine, lewma erkê alîkariya wan ketiye ser milê Hikûmeta Herêma Kurdistanê, herwiha Hikûmeta Iraqê dibêje emê koçberan vegerînin ser mal û warên wan lê heya niha ew venegerandine, lewma divê çareseriyek ji vê pirsê re were dîtin.

 


 
© 2020 Kurdistan Democratic Party, KDP

Contact