Kurdî  ■  كوردی  ■  عربي
FRI, 28 FEB 2020 14:32 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK îsal kongreya xwe saz dike
| KDP.info


Hewlêr-KDP.info- Partiya Demokrata Kurdistanê (PDK) ragihand ku ew dê bi sedema pêwîstiyê û ji ber xwe guncadina li gel rewşa niha ya Herêma Kurdistanê û Iraqê, îsal kongereya xwe saz bike. Endamekî Desteya Serokatiya PDKê jî dibêje, komîteyek pilebilind ji bo sazdana kongreyê PDKê hatiye avakirin.

Desteya Serokatiya PDKê, duhî Şemiyê (18.01.2020) bi serperiştiya Serok Mesûd Barzanî civiya û piştî civînê bi daxuyaniyeke ragihand ku biryar hate dayîn ku îsla kongereya xwe saz bike.

Di daxuyaniya PDKê de hat gotin ku Desteya Serokatiya PDKê di civînê de pêşhate û bûyerên vê dawiyê bi taybetî yên bandora wan rasterast li ser herêmê û Iraqê hene hatine nirxandin.

Li gor daxuyaniyê biryarên vê dawiyê yên Parlamentoya Iraqê bi nêrîna Desteya Serokatiya PDKê dûr e ji pirênsîpên serekî yên piştî hilweşandina rejîma sala 2003ê ku komara nû Iraqê li ser hat damezirandin û ku ew jî hevpişk û tifaq bû di hukimkirinê de bo tevaya pêkhateyên neteweyî, olî û pişikdarîkirina hemûyan di biryarên çarenûssaz de.

Di beşeke din a daxuyaniyê de hate destnîşankirin ku di vê pêvajoya niha de Herêma Kurdistan û Iraqê bibe qada milmilaniya welatên din û di bedewamiyê de wihangotin: “Gefe terorê hêj li ser rewşa aramî û seqemgeriyê berdewam e. Rewşa aborî welatiyên Iraqê xirab bûye û nikare vê krîze zêdetir ragire. Divê ji bo ewlehiya civaka alîkarî xwe ji biryarên yekalî xwe dûr bixin.”

Herwiha Desteya Serokatiya PDKê dibêje ku ew piştevaniya proseya çaksazî ya kabîneya nehem a Hikumeta Herêma Kurdistanê dikin.

Pêkanîna kongereya mijareke din a Desteya Serokatiya PDKê bû û derbarê vê yekê de jî dibêje: “Desteya Serkirdayetiya PDKê, pirsa encamdana kongieya 14em a PDKê gênegeşe kir. “Gelek girîng e ku partiya me li hemberê pêşdeçûnên bilez yên herêmê, bo lihevbûna navxwe û derveyê xwe, divê beşên partiyê xebatên baş bikin û fedakariyan bikin. Bi vê sedemê rêvebiriya serokatiya partiyê biryar daye ku di sala 2020an de kongreya xwe bike. Di vê çarçoveyê de erk (desthilatî) hat dayîn bo polîtburoya partiyê ku xebatên pêdivî bike.”

Endamekî Desteya Serokatiya PDKê jî dibêje, komîteyek pilebilind ji bo sazdana kongreyê PDKê hatiye avakirin.

Elî Husên Endamê Desteya Serokatiya PDKê ji malpera KDP.info re ragihand: “Komîteyeke pilebilind ji Polîtbûroya PDKê û Desteya Serokatiyê hatiye avakirin û dê ew komîte roja kongre diyar bike.”

Husên wiha got: “Kongreya PDKê dê li gorî qonaxa niha be û dê guhertin di program û bernameyên PDKê de werin kirin. Emê hewl bidin ku kongreya vê carê pir serkeftî be û dê kesên nû jî bên nava desteya serokatiya PDKê.”

 




Nûçeyên din

Serok Barzanî serxweşiyê li Îbrahîm Biro kir

FRIDAY, 28 FEBRUARY 2020 13:02:06

Bi navê xwedayê mezin û dilovan

Birêz Îbrahîm Biro Endamê Mekteba Siyasiya Partiya Yekîtiya Kurdistanê Sûriye

Serokê Herêma Kurdistanê pîrozbahî li hevserokên YNKê kir

THURSDAY, 27 FEBRUARY 2020 09:02:11

Hewlêr-KDP.info- Serokê Herêma Kurdistanê di peywendiyeke telefonî de pîrozbahî li hevserokên YNKê kir û hêviya wê xwest hilbijartina wan “xizmeta hêviyên Serok Mam Celal bike”.

 
Baydemîr: Herêma Kurdistanê mînakek e ji bo temamî navçeyê

THURSDAY, 27 FEBRUARY 2020 09:02:40

Duhok-KDP.info- Siyasetmedarê Kurd Osman Baydemîr ragihand ku Herêma Kurdistanê mînakeke ciwan e li tevahiya navçeyê û semboleke ciwan e bo temamî xelkê Kurdistanê.

 
Îsal rêwresmên cemaweriyên bîranînên koçkirin û jidayikbûna Barzaniyê Nemir neyên kirin

WEDNESDAY, 26 FEBRUARY 2020 16:02:26

Hewlêr-KDP.info- Baregeha Barzanî di çarçoveya tewdîrên li hember vîrusa korona de biryarek aşkera kir û ragihand îsal rêwresmên cemaweriyên bîranînên koçkirin û jidayikbûna cenabê Barzaniyê Nemir neyên encamdan.

 
“Boneyên îsal ên Newrozê li Hewlêrê nayên kirin..Korona negihaye Hewlêrê”

WEDNESDAY, 26 FEBRUARY 2020 16:02:32

Hewlêr-KDP.info- Îro 26.02.2020ê parêzgerê Hewlêrê Firset Sofî di kongreyeke rojnamevanî de ragehand, di çarçoveya tewdîrên li hember vîrusa korona de me biryar daye ku îsal bone û pîrozbahiyên Newroz û Adarê neyên kirin. Herwiha tekez kir ku hêj nexweşiya korona negihaye parêzgeha Hewlêrê.

 


 
© 2020 Kurdistan Democratic Party, KDP