Kurdî  ■  كوردی  ■  عربي
MON, 16 DEC 2019 08:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Barzanî pêşmergeyekî berjewendîxwaz e ji bo netewe û welat
| KDP.info


Aso Elî Ferec

Li pêşiya rewatiya pirsên netewî û niştîmanî de, qet kesî nebihîstiye û nedîtiye ku birêz Serok Mesûd Barzanî carekê ji caran armanan bixe xizmeta amrazan, lê belê berdewam ew yek hilbijartiye ku ew bi xwe û partiya wî û hêz û îradeya wî di xizmeta armancan de bin. Di siyaseta Barzanî de ev yek bi zelalî û dirûstî hatiye dîtin û gelek caran jî baca wê yekê daye ku doza gelê xwe nekiriye qurbanî berjewendiyên taybet yan berjewendiyên hizbî û herwiha qet jî ji mafê gelê xwe paş veneriya ye û qet ti rewşek xerab bi ser gelê Kurd de qebûl nekiriye.

Eger ew pênase baweriya hemû zanayan be, ku dibêjin: “Serkirdeyê karîzma û bihêz, rêberekî ewqasî bihêz e ku dikare gelek xelkê li dora xwe kom bike ji bo bidestxistina armancên xwe). Ev yek di çend qonaxên jiyan û xebat û siyaset û pêşmergayetiya Barzanî de tê dîtin.

Giranî û bandoriya helwêstên Serok Barzanî dihêle ku bêguman ew pênase bi pêşmerge Barzanî dikeve, ku ew yek di helwêst û giraniya Barzanî de eşkere dibe, ji ber ku Serok Barzanî qet ti gefek nikare bandorê lê bike eger ew gef berûvajî armancên wî be.

Di rojên zehmet û dijwar ên netewî û niştîmanî de berdewam pêwîstiya me hemûyan bi rêberekî xwedî karîzma mîna Serok Barzanî heye ku kesayetiya xwe ya bihêz û bi bandor ji bo berjewendiyên bilind ên gelê xwe bikar bîne.

Berê xwe bidin wê yekê ku çawa di çend qonaxên dijwar ên Rojavayê Kurdistanê de, Serok Barzanî piştrast kiriye ku ew rêbertî û nûneratiya rast a gelê xwe dike.

Yekem: Roja 19.8.2013 komîteyeke lêkolînê bi fermana Serok Barzanî ji Başûr çû Rojavayê Kurdistanê ku serdana çendîn bajar û gundan kir, ku lêkolîn li ser wê yekê kirin ku dihat gotin komkujî li Rojavayê Kurdistanê hatine kirin ji bo nehiştina Kurdan li wî perçeyê Kurdiatanê. Piştî vê bûyerê Serok Barzanî dest bi alîkarî û hevkariya hêzên Kurdî li Rojavayê Kurdistanê kir, bi taybetî jî hêza YPG.

Duyem: Dema ku bajarê Kobanî yê Rojavayê Kurdistanê tenê çend taxên wê di destê YPGê de mabûn û bajar hemû ketibû destê DAIŞê, Serok Barzanî bi rêya hewlên dîplomatîk û pêwendiyên xwe û Hikûmeta Herêma Kurdistanê zexteke mezin kirin ji bo alîkariya Pêşmerge ji Kobanî re, jibilî şandina çek û alîkariyan di meha 10an a sala 2014 de, Serok Barzanî karî Amerîka û Tirkiyê razî bike ku Hêzên Pêşmerge di nava axa Tirkiyê re biçin bi Kobanî ve û nehêlin ew bajêr bikeve destê DAIŞê de.

Sêyem: Serok Barzanî gelek caran aliyên siyasî yên Rojavayê Kurdistanê anîne cem hev û hiştiye bibin yek. Cara dawî jî di nîvê meha 10 ya sala 2014an de li Duhokê û bi serperiştiya Serok Barzanî aliyên siyasî civiyan ji bo danîna bernameyeke hevbeş ji bo rêvebirina Rojava, lê mixabin ew hewl ji ber siyaseta PKKê jinav çûn.

Çarem: Di 8.10.2019 de Serok Barzanî di peyamekê de hişyarî da ji xerabûna rewşa Rojavayê Kurdistanê û ragihand, em ji ber wê rewşa ku li Rojava derketiye pir dilgiran in û em bi hemû karînên xwe hewl didin ligel gelek aliyan ji bo ku xuşk û birayên me yên li Rojava rastî karesateke din nebin.

Pêncem: Roja 9.10.2019 Serok Barzanî bersiva gotinên Serokê Amerîka Dunald Trump da, ku Trump gotibû: “Kurdan bi çek û pereyan şerê DAIŞê kirin.” Serok Barzanî jî di peyameke pir bihêz û bi bandor de bersiva Trump da û jê re got: “Xwîna Kurdan ji çek û pereyan bi nirixtir e.”

Mebesta min ji rêzkirina van xalan ne ew e ku em minetekê li ti kesî dikin, lê ev karîzma Serok Barzanî ye, ku bi kesayetiya pêşmerge û bi rêbertiya xwe bergîriyê li miletê xwe dike û dixwaze êdî dagîrker xwîna Kurdan nerjînin.




Nûçeyên din

Nêçîrvan Barzanî û Konsulê Îranê rewşa deverê gotûbêj kirin

SUNDAY, 15 DECEMBER 2019 23:12:20

Hewlêr-KDP.info- Serokê Herêma Kurdistanê Nêçîrvan Barzanî û Konsulê Îranê li Herêma Kurdistanê rewşa navçeyê gotûbêj kirin.

Bê Kurdan danîna serokwezîrê Iraqê biser nakeve..Rola Kurdan dê di hikûmeta nû de mezin be

SUNDAY, 15 DECEMBER 2019 17:12:22

Hewlêr-KDP.info- Li gorî zanyariyan, diyarkirina kesekî ji wek serokwezîrê Iraqê nêzîk bûye. Çavdêrekî siyasî jî dibêje, bê Kurdan danîna serokwezîrê nû yê Iraqê biser nakeve û ev aloziya ku niha li Iraqê heye dê gelekî dirêj bike.

 
Mehmûd Mihemed: Divê em ji alozî û guhertinên bê yên Iraqê re amade bin

SUNDAY, 15 DECEMBER 2019 17:12:58

Hewlêr-KDP.info- Li bajarê Hewlêrê konfransek bi navê “Xwendinek bo Guhertinan û Bandora wan li ser Herêma Kurdistanê” birêve çû. Di konfransê de Endamê Polîtburoya PDKê û Berpirsê Dezgeha Rewşenbîrî û Ragihandinê ya PDKê Mehmûd Mihemed behsa rewşa Iraqê kir û got divê guhertinên Iraqê bandoreke xerab li Herêma Kurdistanê nekin û berjewendiyên Herêma Kurdistanê bêm liberçavgirtin, partiyên Kurdistanê pêwendiyên xwe bihêz bikin û xwe ji her egerekê re amade bikin da ku ev rewş ziyanê neghîne berjewendiyên xelkê Kurdistanê.

 
Li ser alîkariya penaberên Rojavayê Kurdistanê Yekîtiya Ewropa spasiya Herêma Kurdistanê kir

SUNDAY, 15 DECEMBER 2019 16:12:52

Hewlêr-KDP.info- Serokê Herêma Kurdistanê Nêçîrvan Barzanî û Berpirsê Ofîsa Yekîtiya Ewropa li Herêma Kurdistanê Vênst Giyom li ser rewşa Iraqê û penaberên li Herêma Kurdistanê axivîn û di wê hevdîtinê de şanda mêvan spasiya hêsankarî û hevkariyên Herêma Kurdistanê bo karên wî kir û herwiha ji ber alîkariyên Herêma Kurdistanê bo koçber û penaberan nexasim ew penaberên ku ji ber şerê vê dawiyê yê Sûriyê berê xwe dane Herêma Kurdistanê û ew karê Hikûmeta Kurdistanê bilind nirxand.

 
Şanda PDKê di Konfransa Partiyên Siyasî yên Asya de beşdar bû

SUNDAY, 15 DECEMBER 2019 16:12:12

Hewlêr-KDP.info- Konfransa salane ya Rêxistina Partiyên Siyasî yên Asya ku bi (THE ICAPP) tê naskirin, ku li Têrngano birêve çû, şanda PDKê tê de beşdar bû.

 


 
© 2018 Kurdistan Democratic Party, KDP