Kurdî  ■  كوردی  ■  عربي
MON, 9 DEC 2019 16:35 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Siyasetmedarên Kurd: Referandum dengê hemû perçeyên Kurdistanê bû
| KDP.info


Duhok-KDP.info- Siyasetmedarên Kurd ji Bakur û Rojavayê Kurdistanê derbarê referanduma serxwebûna Başûrê Kurdistanê dibêjin, referandum biryareke rast û dirûst a gelê Kurdistanê bû û di referandumê de xuya kir ku xelkê Kurdistanê çiqasî serxwebûn û serbestî û serfiraziyê dixwazin.

Sekreterê Partiya Demokrat a Kurd li Sûriyê (El-Partî) Nesredîn Îbrahîm ji malpera KDP.info re behsa referanduma Başûrê Kurdistanê kir û wiha got: “Roja referandumê rojeke dîrokî bû, ku bo şêweyeke şaristanî xelkê Kurdistanê ji cîhanê re gotin em daxwaza serxwebûna Kurdistanê dikin. Em mafê me ye û divî rêzê lê bigrin. Rêberê Kurdistanê Serok Barzanî pêşrew û pêşeng bû ji referandumê re û di pêşerojê de dê encamên referandumê xuya bibin.”

Hevdem Serokê Giştî yê Partiya Azadiya Kurdistanê Mustefa Ozçelîk ji malpera KDP.info re ragihand: “Pirsa gelê Kurdistanê li Başûr pirsa hemû Kurdan e û referanduma gelê Kurdistanê jî di berjewendiya hemû Kurdan û gelên navçeyê û Rojhilata Navîn de ye. Referandumê dengê hemû Kurdan gihand cîhanê û pêngaveke pir baş û pîroz û di cihê xwe de bû. Nabe heya heya çavê Kurdan li destê welatan be, ku rojekê serxwebûnê bidin me. Yê ku daxwaza serxwebûnê bike divê hemû encaman li ber çav bigre.”

Derbarê referandumê, siyasetmedarê Rojavayê Kurdistanê Ebdulbasit Seyda jî ji malpera KDP.info re ragihand: “Pêngava herî pîroz a gelê Kurdistanê referandum bû. Bac û berdêla serxwebûnê her çiqas be divê Kurd li ber xwe bidin. Biryara referandumê rast û di cihê xwe de bû, ew jî bi rêbertiya Serok Barzanî. Serok bi erkê xwe yê netewî rabî, ku bi demokrasî gelê Kurdistanê karî daxwaza mafê xwe yê rewa bike. Referanduma Başûr ne tenê ya Başûr bû, ya hemû Kurdan bû.”

Ji aliyê xwe ve, Sekreterê Partiya Yekîtiya Kurdistanê – Sûriye Silêman Oso ji malpera KDP.info re ragihand: “Di 25ê Îlona 2017an de Kurdan bi dengekî zelal ji cîhanê re gotin em serxwebûnê dixwazin. Çima mafê hemû cîhanê heye ku biryarê li ser çarenivîsa xwe bide lê mafê me tune ye.”

Serokê Partiya Komonîst a Kurdistanê Sînan Çiftyuek jî ji malpera KDP.info re ragihand: “Biryara referandumê biryareke jîr bû û derî ji bo serxwebûna Kurdistanê vekir. Bû mijara hemû cîhanê. Kerkûk û Şingal û Xaneqîn jî dengê xwe bilind kirin ku dijmin berdewam xwestiye destê xwe deyne ser wan.”

Sertaç Bûcak Serokê Giştî yê Partiya Demokrat a Kurdistanê – Bakûr jî ji malpera KDP.info re ragihand: “Spas ji xwedê re ku êdî miletê Kurd fêm dike ku kî ji bo serxwebûna Kurdistanê kar dike û kî jî dijayetiya wê dike. Rêbertiya Serok Mesûd Barzanî ji vê pirsê re tiştekî mezin e û dîrokeke mezin e. Kurdan di referandumê de dengê xwe gihandin cîhanê û encamên wê jî zelal bûn. Di dîrokê de, referandum biryareke girîng a gelê Kurdistanê ye.”

Ji aliyê xwe ve, Îshaq Saxlem Serokê Giştî yê HUDA-PARê ji malpera KDP.info re ragihand: “Di proseya referandumê de cenabê Serok Mesûd Barzanî nîşan da ku gel û civak dikarin ji bo diyarkirina çarenivîsa xwe bêşer û pevçûn tiştekî ji xwe re bikin. Referandumê peyamek gihand hemû dunyayê û ket dîrokê de. Ew biryar û erkê ser milê Serok Barzanî qet ji bîra Kurdan naçe. Kurdan bi dengeke bilind ji cîhanê re gotin, em şer û nearamiyê naxwazin û em naxwazin dema xwe bi şer bibin, em dixwazin pirsên xwe bi birayetî û dostayetî çareser bikin.”

Şelal Gedo Sekreterê Giştî yê Partiya Çepa Demokrat a Kurdî li Sûriyê jî dibêje: “Xelkê Kurdistanê bi rêbertiya Serok Barzanî ji dunyayê re gotin ku divê Kurd bighên mafê xwe û êdî bindestiyê qebûl nekin û ev yek jî pêngaveke pîroz bû. Ew pêngava dîrokî ne tenê ji bo Herêma Kurdistanê lê belê ji bo hemû perçeyên Kurdistanê girîng bû.”

Serokê Partiya Azadî ya Kurdistana Sûriyê Tariq Xerkê jî dibêje: “Proseya referandumê pêngaveke dîrokî bû di dîroka rizgarîxwaz a gelê Kurdistanê û Kurdan de, ku Kurdan li pêşiya hemû dunyayê bi awayeke demokrat û di nava Rojhilata Navîn de daxwaza mafê xwe yê rewa kirin.”




Nûçeyên din

Mesrûr Barzanî: Me gavên baş bo xizmetkirinê avêtine..Niha Kurdistan bihêztir û hikûmet jî zelaltir e

SUNDAY, 08 DECEMBER 2019 15:12:13

Hewlêr-KDP.info- Serokwezîre Herêma Kurdistanê Mesrûr Barzanî bi boneya 100 rojiya karkirina kabineya 9emîn a Kurdistanê gotarek belav kir û têde behsa deskeftiyên kabineya Kurdistanê kir û têde got ku wan gavên baş û berbiçav bo xizmetkirina welatiyên Kurdistanê avêtine û niha Kurdistan bihêztir û seqamgîrtir e û hikûmet jî zelaltire.

 

Serokatiya Herêma Kurdistanê: Em gelekî ji kuştina xwepêşanderên Iraqê dilgiran in

SUNDAY, 08 DECEMBER 2019 09:12:33

Hewlêr-KDP.info- Serokatiya Herêma Kurdistanê ragihand, ew gelekî ji kuştina xwepêşanderên Iraqî nîgeran in û daxwaz kir, tawankarên wan rûdanan bên girtin û dadgehîkirin.

 
Frakisyona PDKê: Emê bi çaksaziyê bihêlin ku serwet û samanên vî welatî vala neçin

SATURDAY, 07 DECEMBER 2019 19:12:20

Hewlêr-KDP.info- Frakisyona PDKê di Parlemantoya Kurdistanê de ragihand ku ewê bi rêya projeya reform û çaksaziyan şerekî mezin li dijî gendeliyê bikin.

 
“26 hezar malbatên Ereb anîne Kerkûkê.. Bi şîekirin jî li Kerkûkê destpê kiriye”

SATURDAY, 07 DECEMBER 2019 18:12:42

Kerkûk-KDP.info- Rêveberê Asayişa Kerkûkê Emîd Îdrîs Refet ragihand ku li Kerkûkê jibilî bi erebkirinê proseya bi şîekirinê jî destpê kiriye, ku heya niha 26 hezar malbatên Ereb anîne Kerkûkê.

 
Amerîka: Emê berdewam bin li ser piştevaniya Kurdistanê û piştgîriya Pêşmerge

SATURDAY, 07 DECEMBER 2019 17:12:32

Hewlêr-KDP.info- Serokwezîrê Herêma Kurdistanê Mesrûr Barzanî û Nûnerê Serokê Amerîka di Hevpeymaniya Navdewletî ya li dijî DAIŞê de James Jeffery civiyan û di wê hevdîtinê de şanda Amerîkî tekez kir ku ewê berdewam bin li ser piştevaniya Herêma Kurdistanê û piştgiriya Pêşmerge.

 


 
© 2018 Kurdistan Democratic Party, KDP