Kurdî  ■  كوردی  ■  عربي
MON, 6 JUL 2020 23:26 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PAK: Şoreşa Îlonê hêvî û baweriya netewî careke din li herçar perçeyên Kurdistanê vejand
| KDP.info


Amed-KDP.info- artiya Azadiya Kurdistanê (PAK) ku Bakurê Kurdistanê ye, bi boneya salvegera berpabûna Şoreşê Îlonê peyamek belav kir û tê de ragihand, Şoreşa Îlonê pêl û bahozeke xurt û mezin bû ku ev ewrên reş ji ser ezmanê her çar perçeyên Kurdistanê dûr xist û hêvî û hest û bîr û baweriya netewî, niştimanî careke din li her çar perçeyên Kurdistanê vejand.

Peyama Buroya Çapemenî û Ragehandinê ya PAKê:

“Îro 58emîn salvegera Şoreşa Îlonê ye. Di 11ê Îlona 1961ê de bi rêberatiya Mele Mistafa Barzaniyê nemir Partiya Demokrat a Kurdistanê, gelê me yê Başûrê Kurdistanê li dijî Dewleta Iraqê serî hilda.

Piştî ku berxwedana Dêrsimê bi jenosîdeke mezin hate pelçiqandin û piştî ku Komara Kurdistan (Komara Mehabadê) hate rûxandin, demeke dirêj ewrên reş, bêdengî û şikestineke mezin xwe berda ser ezmanê herçar perçeyên Kurdistanê.

Şoreşa Îlonê, pêl û bahozeke xurt û mezin bû ku ev ewrên reş ji ser ezmanê her çar perçeyên Kurdistanê dûr xist; hêvî û hest û bîr û bawerîya netewî, niştimanî careke din li her çar perçeyên Kurdistanê vejand.

Şoreşa Îlonê şoreşa herçar perçeyên Kurdistanê bû. Şoreşa Îlonê li her çar perçeyên Kurdistanê, li her çar aliyê cîhanê ji nû ve agirê vejîna Kurdayetîyê pêxist.

Piştî Şoreşa Îlonê bi 9 salan, piştî serîhildana gelê me ya qehremanane, Dewleta Iraqê paşde gav avêt û naçar ma ku li gel Mele Mustafa Barzaniyê nemir rûne.

Roja 11.03.1970an Rêberatiya Şoreşa Başûrê Kurdistana (Partiya Demokrat a Kurdistanê) û Dewleta Iraqê Peymana Otonomiyê îmza kirin, ku mafên gelê Kurdistanê yên îdarî, siyasî, aborî û çandî hatin naskirin û sîstema otonomiyê, ango sîstema xwe birêvebirinê hate damezrandin.

Em di 58emîn salvegera Şoreşa Îlonê de, bi hest û bîr û baweriyên xwe yên netewî, niştimanî Şoreşa Îlonê weke şoreşa xwe dibînin û Mele Mustafa Barzanîyê nemir û hemû şehîd û kedkarên Şoreşa Îlonê bi giramî bibîr tînin.”

 




Nûçeyên din

Başbûna rewşa Şingalê berjewendî û bazirganiya PKKê nahêle

MONDAY, 06 JULY 2020 17:07:13

Şingal-KDP.info- Duhî şandeke Hikûmeta Iraqê ku pêkhatibû ji wezîrê koç û koçberan ê Iraqê û parêzgarê Mûsilê, serdana Şingalê kirin. Qaymeqamê Şingalê Mehema Xelîl jî dibêje, wê şandê nexwest ku ligel îdareya nerewa ya Şingalê bicive.

 
Hikûmeta Kurdistanê pêngavên bicîhkirina yasaya çaksaziyê gotûbêj kir

MONDAY, 06 JULY 2020 17:07:15

Hewlêr-KDP.info- Îro Dûşemê, Serokê Hikûmeta Herêma Kurdistanê Mesrûr Barzanî bi riya vîdyokonferansê serperiştiya civîneke Komîteya Bilind a Bicihkirina Yasaya Çaksaziyê kir.

 
Serokwezîrê Kurdistanê pêşwaziya Wêzîrê Gihandina Iraqê kir

THURSDAY, 02 JULY 2020 21:07:45

Hewlêr-KDP.info- Serokê Hikûmeta Herêma Kurdistanê ligel Wezîrê gihandin a Iraqê civiya û pêşxistina pêwendiyên Herêma Kurdistanê û Hikûmeta Federal di warê gihandinê de gotûbêjkirin

Hikûmeta Kurdistanê: Wê danûstendinên me ligel Bexdayê berdewam bikin heya ku em bighên rêkeftinekê

WEDNESDAY, 01 JULY 2020 23:07:40

Hewlêr-KDP.info- Civata Wezîran a Herêma Kurdistanê gotûbêj derbarê pêngavên cîbicîkirina yasaya çaksaziyê û rêkxistina sîstema bac û pêşxistina kerta taybet kir. Herweha biryar da ku hikûmeta Herêma Kurdistanê di danûstandinên xwe de li gel hikûmeta fedral berdewam be ji bo gehiştinê bi rêkeftinekê ku maf û şayîsteyên destûrî yên Herêma Kurdistanê tê de parêstî bin.

 
Herîrî: Sûriye perçe bûye..Em rola Herêma Kurdistanê û Serok Barzanî bilind dinirxînin

WEDNESDAY, 01 JULY 2020 14:07:07

Sûriye-KDP.info- Endamê Desteya Bilind a Danûstandinan a Îtîlafa Niştîmanî ya Operasyona Sûriyê Dr. Nesir Herîrî dibêje, niha cografiya Sûriyê perçe bûye û rêjîm hêj berdewam e li ser êrîşên xwe yên serbazî.

 



 
© 2020 Kurdistan Democratic Party, KDP