Kurdî  ■  كوردی  ■  عربي
WED, 28 JUL 2021 17:29 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: PDK xwedî armanceke sitratejîk e û qet ji wê armancê venagere
| KDP.info


Hewlêr-KDP.info- Serok Mesûd Barzanî ligel berpisên liq û navçeyên Partiya Demokrata Kurdistanê (PDK) civiya û di wê civînê de PDK di demekê de jidayik bû ku gelê Kurd di nava bêhêviyeke mezin de bû û PDK bû hêvî û omêd ji bo gel û ji wê rojê de PDK bû xwedî armanceke sitratejîk û qet ji wê armanca xwe ya sitratejîk paşde venekişe.

Îro Duşema 09-09-2019an Serok Mesûd Barzanî li Selehadînê pêşwazî li berpirsên liq û navçeyên Partiya Demokrata Kurdistanê (PDK) yên Dihok, Mûsil û her sê encûmenên serkirdayetiya PDKê yên Hewlêr, Serkirdatiya Kerkûk û Germiyan û Serkirdayetîya Silêmanî û Helebçe civiya.

Di civînê da Serok Barzanî behsa rewşa siyasî ya Herêma Kurdistanê û Iraqê, geşedanên herêmê, qonaxa piştî referandûmê û herdû hillbijardinên Parlementoya Iraqê û Parlementoya Kurdistanê û avakirina kabineya nû ya Hikûmeta Herêma Kurdistanê kir.

Serok Barzanî sipasiya xwe bo rola endam û berpirsên PDKê anî ziman ku beramber hemû girift û hemû pilanên dijî PDKê hebûn. Herwiha Serok Barzanî da zanîn ku di encama xweragiriya endam û layengiranî PDKê, PDK li ser asta Iraq û Kurdistanê bûye hizba yekem.

Serok Barzanî behsa rola berpirsên PDKê kir û bilind nirxand û amaje bi wê yekê kir ku berpirsên PDKê di dema herî tengda baweriya xwe bi xwe anîn û serî li sengerên parastina Kurdistanê dan û eger PDKê nebûya niha ne Herêma Kurdistanê dima ne jî nirxên gele kurd.

Serok Barzanî got ku PDK di demekê de jidayik bû ku gelê Kurd di nava bêhêviyeke mezin de bû û PDK bû hêvî û omêd ji bo gel û ji wê rojê de PDK bû xwedî armanceke sitratejîk û qet ji wê armanca xwe ya sitratejîk paşde venekişe, loma PDK ji bo parastin û bexteweriya gelê me her qurbanî daye û qet ji berpirsyaretiyê nareve û xelkê Kurdistanê jî di hilbijartinan de PDK xelat dikin.

Herwiha di civînê da Serok Barzanî sipasiya xweragiriya xelkê Kurdistanê û qehramaniya hêza Pêşmergeyê Kurdistanê jî kir. Herwiha Serok Barzanî şerê Pêşmerge dijî terorîstên DAIŞê bi bîr xist û û got:”Em hemû deyndarê Pêşmerge ne. Ji ber ku Pêşmerge hemû hesvengî guherand û Kurdistan parast.”

Serok Barzanî di derbarê peywendiyên Hewlêr û Bexdayê û rewşa navçeyên Kurdistanî yên derveyî îdareya Herêma Kurdistanê jî kir. Herwiha Serok Barzanî amaje bi wê yekê da ku aniha guftugo û danûstendin hene û pêngavên baş hene. Herwiha ew hêvî dikin hemû kêşe bi rêya diyalogê çareser bibin bi taybet jî kêşeya navçeyên Kurdistanî yên derveyî îdareya Herêma Kurdistanê.




Nûçeyên din

Serok Barzanî pêşwaziya şanda Encûmena Lawên Kurdistanê kir

TUESDAY, 27 JULY 2021 18:07:19

Hewlêr-KDP.info- Îro Sêşema 27.07.2021 li Selaheddîn Serok Mesûd Barzanî pêşwaziya şanda Encûmena Lawên Kurdistanê kir ku ji Serokê Encûmen û nûnerên 11 rêxistinên cemaweriyên lawên alî û pêkhatan û her wiha nûnerên rêxistinên nehikûmî yên warê karubarê lawan pêk hatibû.

 
Mesrûr Barzanî: Ji vê mehê û pê de mûçe dê bê qûtkirin were dan

SUNDAY, 25 JULY 2021 17:07:55

Hewlêr-KDP.info- Serokwezîrê Herêma Kurdistanê Mesrûr Barzanî îro 25ê Tîrmeha 2021ê di gotarekê de ragihand, ji vê mehê ve mûçe bê lêbirîn tê belavkirin.

 
Serkirdeyekî PDKê: Em hizrê li bedîlê vekişyana Amerîka dikin

SUNDAY, 25 JULY 2021 17:07:43

Hewlêr-KDP.info- Gotûbêjên Amerîka û Iraqê gihîştine qonaxeke nû. Serkirdeyên Iraqê di bin gefa girûpên çekdar û milîsan de daxwaza vekişandina hêzên Amerîka ji Iraqê dikin. Şandeke Iraqê naverasta vê hefteyê dê serdana Amerîka bike û li wir gotûbêjan bike. Serokwezîrê Iraqê hatiye neçarkirin ku bi şêweyekî nû gotûbêjan bike ligel berpirsên Amerîka, ew jî gotûbêjkirina vekişandina hêzên Amerîka ye ji Iraqê û gotûbêjkirina rewşa nû ya navçeyê.

 
Nêçîrvan Barzanî pîrozbahî li Tevgera Goran kir

SUNDAY, 25 JULY 2021 17:07:11

Hewlêr-KDP.info- Serokê Herêma Kurdistanê Nêçîrvan Barzanî bi boneya 12mîn saliya damezrandina Tevgera Goran peyamek belav kir.

 
Serok Barzanî êrîşa terorîstiya ser bajarê Sadir li Bexda şermezar kir

TUESDAY, 20 JULY 2021 13:07:13

Bi navê xwedayê mezin û dilovan



 
© 2021 Kurdistan Democratic Party, KDP

Contact