Kurdî  ■  كوردی  ■  عربي
SUN, 8 DEC 2019 12:59 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Kesayetiyên bajarê Besra: Em gelekî ji Serok Barzanî û xelkê Kurdistanê hez dikin
| KDP.info


Hewlêr-KDP.info- Serok Mesûd Barzanî pêşwaziya şandekê ji kesayetî û rihspiyên Parêzgeha Basra kir û di wê hevdîtinê de şanda mêvan tekez li ser soz û evîniya xelkê wê parêzgehê ji bo Serok Barzanî û xelkê Kurdistanê kirin.

Îro Çarşema 28.08.2019 li Selaheddîn Serok Mesûd Barzanî pêşwaziya şandeke mezin ji xelkê parêzgeha Basra kir ku ji serokeşîr û rihspiyên olî û kesayetiyên akademiyên wê parêzgehê pêk hatibûn.

Di hevdîtinê de ku Mehmûd Mihemed Endamê Polîtburoya Partiya Demokrata Kurdistanê û Bengîn Rêkanî Wezîrê Avadankirin û nîştecîhkirina Iraqê amade bûn, şanda mêhvan ji bilî derbirîna spas û xweşhaliya xwe ya bi vê hevdîtinê, silav û rêzên xelkê parêzgeha Basra gihandin Serok Barzanî û gelê Kurdistanê û tekez li ser soz û evîniya xelkê wê parêzgehê ji bo Serok Barzanî û xelkê Kurdistanê kirin.

Şanda mêhvan herwiha bal kişandin li ser peywendiyên birayane û dîrokî ya xelkê Basra li gel gelê Kurdistanê û ragihandin ku her ew soz bûye sedema wê yekê ku bi dehan hezar kesên xelkê Basra di dema vegerana Barzaniyê Nemir û hevalên wî ji Yekîtiya Sovyetê derketibûn pêşwazîkirina wan û li hêviya wan rawestiya bûn, niha jî heman soz û evînî ji bo Serok Barzanî û xelkê Kurdistanê hene û dixwazin ew birayetiya kevnar zêdetir bê pêşxistin. Her di vê derbarê de jî şanda mêhvan Serok Barzanî vexwendin ku di derfeteke guncaw de serdana wê parêzgehê bike.

Her di vê hevdîtinê de, şanda mêhvan behsa girift û kêşeyên taybet bi nebûna xizmetguzariyan li parêzgeha Basra kir û hêvî xwestin ew pêşketina li Herêma Kurdistanê heye bigihê navçeyên din ên Iraqê û ji bo vê mebestê jî daxwaz ji Serok Barzanî kirin bi rêya wezîr û nûnerên Kurd li Bexdayê ve hewl bidin projeya avakarin û niştecîhkirinê li parêzgeha Basra bê cîbicîkirin û kêşeyên wê parêzgehê bêne çareserkirin.

Herwiha di hevdîtinê de Serok Barzanî ji bilî bixêrhatina germ a şanda mêhvan, tekez kir li ser pêşxistina peywendiya birayane ya gelê Kurdistanê û xelkê Basra û hemû xelkê Iraqê jî û ragihand ku tevî ku rêjîmên yek li pey yek ên Iraqê gelek hewl dane ku kêşeya di navbera şoreşên Kurdistanê li gel desthilata Iraqê bikin kêşeya Kurd û Ereban, lê belê şoreşa Kurdistanê rê nedaye wê yekê.

Serok Barzanî di derbarê kêşeya xizmetan li parêzgeha Basra dilgiraniya xwe nîşan da û ragihand ku Kurdistan jî rêz û evîneke zêde ji bo xuşk û birayên me yên li Basra heye û gelek sosret e ku parêzgeheke wekî Basra ku şahdamarê aborî ya Iraqê ye kêşeya xizmetguzariyê hebe û her çi jî ji destê me bê ji bo piştevaniyê li daxwazên rewayên xelkê Basra de kêmasiyê nakin.

Her di vê hevdîtinê de behsa peywendiyên di navbera Hewlêr û Bexdayê kirin û Serok Barzanî ragihand ku niha derfeteke erênî ji bo gotûbêjkirin û hevdûtêgihîştinê û çareseriya kêşeyan li holê de heye û tekezî li ser diyalog û rêya aştiyane kir.

 




Nûçeyên din

Serokatiya Herêma Kurdistanê: Em gelekî ji kuştina xwepêşanderên Iraqê dilgiran in

SUNDAY, 08 DECEMBER 2019 09:12:33

Hewlêr-KDP.info- Serokatiya Herêma Kurdistanê ragihand, ew gelekî ji kuştina xwepêşanderên Iraqî nîgeran in û daxwaz kir, tawankarên wan rûdanan bên girtin û dadgehîkirin.

 
Frakisyona PDKê: Emê bi çaksaziyê bihêlin ku serwet û samanên vî welatî vala neçin

SATURDAY, 07 DECEMBER 2019 19:12:20

Hewlêr-KDP.info- Frakisyona PDKê di Parlemantoya Kurdistanê de ragihand ku ewê bi rêya projeya reform û çaksaziyan şerekî mezin li dijî gendeliyê bikin.

 
“26 hezar malbatên Ereb anîne Kerkûkê.. Bi şîekirin jî li Kerkûkê destpê kiriye”

SATURDAY, 07 DECEMBER 2019 18:12:42

Kerkûk-KDP.info- Rêveberê Asayişa Kerkûkê Emîd Îdrîs Refet ragihand ku li Kerkûkê jibilî bi erebkirinê proseya bi şîekirinê jî destpê kiriye, ku heya niha 26 hezar malbatên Ereb anîne Kerkûkê.

 
Amerîka: Emê berdewam bin li ser piştevaniya Kurdistanê û piştgîriya Pêşmerge

SATURDAY, 07 DECEMBER 2019 17:12:32

Hewlêr-KDP.info- Serokwezîrê Herêma Kurdistanê Mesrûr Barzanî û Nûnerê Serokê Amerîka di Hevpeymaniya Navdewletî ya li dijî DAIŞê de James Jeffery civiyan û di wê hevdîtinê de şanda Amerîkî tekez kir ku ewê berdewam bin li ser piştevaniya Herêma Kurdistanê û piştgiriya Pêşmerge.

 
Mesrûr Barzanî: Amerîka pêbend e bi dostaniya xwe ya dîrokî bi Herêma Kurdistanê re

SATURDAY, 07 DECEMBER 2019 16:12:06

Hewlêr-KDP.info- Piştî civîna di navbera Serokê Hikûmeta Herêma Kurdistanê Mesrûr Barzanî û Nûnerê Serokê Amerîka di Hevpeymaniya Navdewletî ya li dijî DAIŞê de James Jeffery de, herdu aliyan behsa naveroka civîna xwe kirin.

 



 
© 2018 Kurdistan Democratic Party, KDP