Kurdî  ■  كوردی  ■  عربي
SAT, 30 MAY 2020 09:20 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Herêma Kurdistanê li navçeyê de wekî fakterekî aramiyê dimîne
| KDP.info


Paris-KDP.info- Di dema serdana xwe ya Parîsa paytexta Fransa, êvariya îro pênçşem 11/07/2019 birêz Nêçîrvan Barzanî Serokê Herêma Kurdistanê, hevdîtinek li gel revenda Kurd û dostên Kurdistanê li Parîsê encam da.

Li hevdîtinê de rêzdar gotarek pêşkêş kir ku eve jî naveroka wê ye:

Hûn hemû bixêrhatin…

Gelek xweşhalim ku li çarçêweya serdana me ya li Parîsê de, îro li gel revenda Kurdî li Parîsê komdibim. Bixêrhatin, ser çavan. Her wiha xweşhalim ji bilî revenda Kurdî, dostên me yên Fransî, Balyozê Iraqê li Parîs û Nûnerên hejmarek balyozxaneyên welatên dost li vir amadene. Hûn hemû bixêrhatin.

 

Serdana me ya Parîsê li ser vexwendineke Serokê Fransa birêz Emmanuel Macron bû, doh li koşka Êlîzê me civîneke baş li gel encam da. Wekî hemû aliyek agahdarin peywendiyên Herêma Kurdistanê û peywendiyê giştiyên Herêma Kurdistanê li gel Fransa dîrokî ne. Fransa yekem welat bû biryara dirustkirina navçeya aram ya li Herêma Kurdistanê, di dema xwe da ji bo parastina mîlletê me da. Piştî wê jî li gel dewleta Fransa bi taybetî Serok Mitterand ev peywendî berdewam bûn.

 

Beriya salekî piştî rûdanên referandumê, Fransa li aliyê siyasî ve rolekî gelek mezin dît ji bo dûbare hevkarîkirina Herêma Kurdistanê û li wê baweriyê da me eger ev rola siyasî ya Fransa nebûya li wê demê da ku dijwariyeke tund hebû, diyar nebû rewşa Herêma Kurdistanê berev çi aliyek diçû. Fransa dergehê xwe yê siyasî ji bo gelê me vekir û li gel welatên dinê Ewrûpa bi mebesta çareserkirina kêşeyan li gel Bexda hewla ciddî da.

Xweşhalim ku dibêjim piştî salek û çend heyvek me hevdîtinê li gel Serok Macron encam da. Îro Kurdistan ketiye qonaxekî gelek cûda li gel berî niha û peywendiyên me li gel Bexda berev baştir diçin û hêvîdarîn li ser bingeha destûra Iraqê wan kêşeyan çareser bikîn ku çend sale bi helawestî mane û baweriya me wiha ye bi hatina hikûmeta nû ya Iraqê ya bi Serokayetiya birêz Adil Abdulmehdî dikarîn ji bo wan kêşeyên ku li navbera me da hene, çareseriyê peyda bikîn.

Pirsa Kurd li Rojhilata Navîn pirsekî ciddî ye û pêwîste çareser kirina wê jî siyasî bê, li wan welatên ku Kurd têda dijîn her yek li gor taybetmendiya xwe. Xweşhalim radigihînim ku doh kabîneya nû ya Hikûmeta Herêma Kurdistanê li gel aliyên beşdarên hikûmetê, Yekîtiya Niştimaniya Kurdistanê û Tevgera Goran û Partiya Sosyalîst Demokrata Kurdistanê û aliyê siyasiyên Turkmen û Mesîhiyan hate pêkanîn.

Em gelek bi geşbîniyê ve temaşa rewşa Herêma Kurdistanê dikîn û hewlên me yên ciddî ji bo ewene wekî hemû carekî Herêma Kurdistanê, wekî fakterekî aramiyê li deverê da bi giştî bimîne.

Carekî din ji bo hatin û amadebûna we, spasî we hemûyan dikim, bixêrhatin.

 

 




Nûçeyên din

Serok Barzanî sersaxiyê li Sasan Ewnî kir

WEDNESDAY, 27 MAY 2020 22:05:40

Hewlêr-KDP.info-Îro çarşem 27.05.2020 Serok Mesûd Barzanî li rêya telefonê ve peywendiyê bi Sasan Ewnî Wezîrê Bajarvaniya Hikûmeta Herêma Kurdistanê kir û serxweşî û hevxemiya xwe ji bo malbata wan û Ferhad Ewnî ragihand ku ji bo koça dawî ya xwedê jêrazî Nejad Ewnî yê birayê wan ku li rûdaneke diltezîn da koça dawî kir.

 
Hevpeymanan çek û teqemenî ji 2 lîwayên Pêşmerge re şandine

WEDNESDAY, 27 MAY 2020 16:05:43

Hewlêr-KDP.info- Cîgirê Serfirmandar bo Operasyonan di Wezareta Pêşmerge de Lîwa Qareman Kemal dibêje, 2 lîwayên Hêzên Pêşmerge ku Hevpeymaniya Navdewletî wan amade dike, hatine amadekirin û Hevpeymaniya Navdewletî dê piraniya çek û teqemenî û kelûpel û pêwîstiyan ji wan re bişîne.

 

Mesrûr Barzanî: Şoreşa Gulanê ew rastiye çespand ku îradeya miletê me ji hemû planan bihêztir e

MONDAY, 25 MAY 2020 23:05:45

Hewlêr-KDP.info- Êvara îro Duşema 25.05.2020an Serokwezîr Mesrûr Barzanî bi boneya yadkirina Şoreşa Gulanê peyamek belav kir. Di wê peyama xwe de Serokwezîr Barzanî di wê daxuyaniyê de aşkere kir biyekrêzî û yekhelwêstiya xelkê Kurdistanê ew dikarin ji hemû rewşên xirab debas bibin.

Serokê Herêma Kurdistanê: Erkê sereke yê hemû aliyan bihêzkirina yekrêziyê ye

MONDAY, 25 MAY 2020 23:05:59

Hewlêr-KDP.info- Serokê Herêma Kurdistanê Nêçîrvan Barzanî bi boneya 44emîn salvegera Şoreşa Gulanê peyameke bekav kir û ragihand ku divê kare sereke yê hemû aliyan berdewam ji bo bihêzkirina yekrêziyê karkirin be.

Serok Barzanî: Bila xelkê Kurdistanê piştrast bin ku xebat û qurbanîdana wan bi vala naçe

MONDAY, 25 MAY 2020 23:05:16

Hewlêr-KDP.info- Serok Mesûd Barzanî ji ber salvegera Şoreşa Gulanê ya sala 1976ê, peyamek belav kir û tê got, bila xelkê Kurdistanê piştrast bin ku şoreş û xebat û qurbanîdana wan bi vala naçe.



 
© 2020 Kurdistan Democratic Party, KDP