Hewlêr-KDP.info: PDK û YNK di daxuyaniyeke hevpar de ragihand ku wan li ser wê yekê li hev kir ku pêwîst e hewlên xurt û cidî bên dayîn da ku Îlona bê Parlamentoya Kurdistanê dest bi kar û çalakiyên xwe bike.
îro (Pêncşem, 14ê Tebaxa 2025ê) li bajarê Hewlêrê, Şandên danûstandinan ên Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) civiyan.
Di daxuyaniya hevpar de hat gotin: " bi li berçavwergirtina rewşa heyî ya deverê û pêşketinên ku diqewimin, ji bo rêzgirtina li hez û îradeya xelkê Kurdistanê, her du alî hevnerîn bûn ku divê bizavên baş û cidî bên kirin da ku gera şeşê ya Parlamentoya Kurdistanê di Îlona bê de dest bi kar û çalakiyên xwe yên asayî û qanûnî bike."
Her du aliyan tekez li ser pêdivîtiya berdewambûna gavên din ên avakirina kabîneya dehê ya Hikûmeta Herêma Kurdistanê jî kir.