Hewlêr-KDP.info: Di 42emîn salvegera jenosîda Barzaniyan de, Serokwezîrê Herêma Kurdistanê Mesrûr Barzanî peyamek belav kir û tê de bang li Hikûmeta Federal a Iraqê kir ku erkên xwe yên yasayî û destûrî li hember qurbaniyan bi cih bîne û êdî mafên wan paşguh nexe.
Naveroka peyama Mesrûr Barzanî :
Di salvegera genocide kirina Barzaniyan de, qurbaniyên komkujî û tawaneke qirêj ya rejîma berê ya Îraqê bi bîr tînin ku, ev tawan bû destpêka komkujiyên enfalê li seraserê Kurdistanê de.
Di vê bîranîna han ya xemgîn de, serê rêzdariyê bo rihê paqêj yê şehîdên Barzanî di tewînin û hertim bi rêzdarî ve wan bibîr tînin.
Bi dirêjahiya sedsala derbasbûyî devera Barzanî çend caran rastî êrîşên hovane yên dijminên Kurdistanê hatiye û hatiye komkujkirin û şewitandin û wêrankarî, lê hertim xelkê nîştiman perwer û zilim lêkirî yê vê deverê û Kurdistan bi giştî, bi awayeke lehengî û fedayî berevanî ji Kurdistan kiriye û bi qehremaniya xwe dijminên Kurdistanê rastî şikestên mezin kirine.
Weke hertim dubare dikin ku, lazime hikûmeta federal, erkê xwe yê qanûnî û berpirsiyartiya xwe ya destûrî li hember qurbaniyên genocida enfal û kîmiyabaran kirina Kurdistanê û tevahiya qurbaniyên destê rejîma berê bicîh bîne û ji vê zêdetir mafên wan binpê neke.
Xelkê nîştiman perwer yê Kurdistanê tu carî ev tawana han jibîr nake û lazime nibêşên pêşerojê jî vê yekê bizanin ku, gelê Kurdistanê bi tavahiya pêkhateyên xwe ve, qurbaniyên gelek mezin bo parastina nasnameya nîşimanî û mafên xwe yên reva daye û ti carî dev ji wan mafan bernade û rûbirûyê tevahiya wan kesan dibe ku, hewla dagîrkirin û dubare kirina siyasetên şovenîstî û tawanên berê didin.
Silav bo rihê paqêj yê şehîdên genocide Barzaniyan û tevahiya şehîdên Kurdistanê.
Serokwezîrê herêma Kurdistanê
Mesrûr Barzanîrûbirûyê tevahiya wan kesan dibe ku, hewla dagîrkirin û dubare kirina siyasetên şovenîstî û tawanên berê didin.
Silav bo rihê paqêj yê şehîdên genocide Barzaniyan û tevahiya şehîdên Kurdistanê.
Serokwezîrê herêma Kurdistanê
Mesrûr Barzanî