Hewlêr-KDP.info: îro pêncşem 22.05.2025 Nêçîrvan Barzanî Serokê Herêma Kurdistanê, pêşwaziya birêz Ahmet Davutoğlu Serokwezîrê berê yê Tirkiyê û Serokê Partiya Pêşerojê ya Tirkiyê û şandeke pê re kir.

Di civînê de têkiliyên Tirkiyê bi Iraq û Herêma Kurdistanê re, pêvajoya aştiyê li Tirkiyê, serdana birêz Davutoğlu ya ji bo navendên cûda cûda yên Iraq û Herêma Kurdistanê û rewşa herêmê bi giştî, hatin nirxandin.

Her du aliyan pêvajoya aştiyê li Tirkiyê wekî gavek û derfetek dîrokî di nava xwe de girt ku divê ji dest neyê dan û hemû kes alîkar bin ji bo serxistina pêvajoyê û bi cih bûna aştiyê. Di vî warî de, tekez li ser rola alîkariyê ya Herêma Kurdistanê ji bo serxistina pêvajoyê kirin.

Serok Nêçîrvan Barzanî rewşa Herêma Kurdistanê ya ji bo piştgiriya tevahî di pêvajoyê û serxistina wê de dubare kir û amadebûna xwe ji bo her alîkariyeke pêwîst ya serxistina aştiyê de nîşanda. Birêz herwiha behsa girîngiya aştî û encamên erênî yên wê ji bo Tirkiyê û tevahiya herêmê kir.

Ji aliyê xwe ve birêz Davutoğlu pesnê têkiliyên Tirkiyê bi Iraq û Herêma Kurdistanê re kir û pêşvebirina têkiliyan û firehkirina alîkariya hevbeş a di navbera wan wekî mijara girîng û baldar ji bo niha û pêşeroja herdu aliyan, di nava xwe de girt.