Hewlêr-KDP.info: îro 21ê Gulana 2025an Serokwezîrê Herêma Kurdistanê Mesrûr Barzanî, li paytexta Amerîkayê, Washingtonê, bi Senatorê Amerîkî Ted Budd re civiya.

Di hevdîtinê de, ligel dubarekirina daxwaza her du aliyan ji bo pêşxistina zêdetir a pêwendiyên dualî, bi taybetî tekezî li ser girîngiya berdewamkirina piştgiriya ji bo Hêza Pêşmerge ya Kurdistanê hat kirin. Herwiha, di civînê de li ser çend mijarên girîng ên din jî rawestiyan.

 Di nav van mijaran de, girîngiya çareserkirina kêşeyên di navbera Herêma Kurdistanê û Hikûmeta Federal a Iraqê de û pêwîstiya rêzgirtina ji statuya federalî ya Herêma Kurdistanê di çarçoveya destûra Iraqê de hatin destnîşankirin. Ji aliyê din ve, çaksaziyê ku Hikûmeta Herêma Kurdistanê di warên bihêzkirina binesaziya aborî, sektora enerjî û kehrebeyê, modernîzekirina sîstema bankî, û dîjîtalkirina xizmetguzariyên giştî de pêk tîne, hatin şîrovekirin.

Hewl û xebatên ji bo pêkanîna kabîneya nû ya Hikûmeta Herêma Kurdistanê jî beşeke din a guftûgoyên di navbera Serokwezîr Barzanî û Senator Budd de bûn.