Kurdî  ■  كوردی  ■  عربي
SAT, 25 NOV 2017 14:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فۆرینە پۆلسی: ترەمپ هەلێکی بۆ سەربەخۆییی کوردستان ڕەخساندووە
| KDP.info


ئاژانسەکان-KDP.info-  گۆڤاری فۆرینە پۆلسی نووسیویەتی، (دۆناڵد ترەمپ) هەلێکی نوێی بۆ سەربەخۆییی کوردستان ڕەخساندووە.

دامەزراوەی برێدبار، وتارێکی دەربارەی دەنگدانەوەی سیاسەتەکانی (ترەمپ) بەرانبەر  بە کورد لە عێراق و سووریا بڵاو کردووەتەوە. لەو وتارەدا ئاماژە بەوە کراوە، کە دوای دەستبەکاربوونی (دۆناڵد ترەمپ)، وەک سەرۆکی نوێی ئەمەریکا، کورد لە عێراق و سووریا هیوای زیاتریان بە ئەمەریکایە. نموونەی ئەوەش دێنێتەوە، کە لە شاندی عێراقدا (فواد حوسێن)، سەرۆکی دیوانی سەرۆکایەتیی هەرێمی کوردستان لەلایەن ئیدارەی ترەمپەوە بەفەرمی بانگهێشت کرابوو، وەک نوێنەری سەرۆکی هەرێمی کوردستان. هەروەها ڕۆڵی ئەرێنیی (رێکس تیلەرسۆن)، وەزیری دەرەوەی ئەمەریکا، کە سەرۆکی ئێکسۆن مۆبیلە، وەک یەکێک لە گەورەترین کۆمپانیاکانی کەرتی نەوت، کە گرێبەستی نەوتیان لەگەڵ حکوومەتی هەرێمی کوردستان مۆر کردووە، ڕۆڵێکی ئەرێنیی بۆ هەرێمی کوردستان هەیە.

لەلایەکی دیکەوە، گۆڤاری فۆرینە پۆلسی، وتارێکی (مۆرگان کاپڵان)ی بڵاو کردووەتەوە و، نووسەری ئەو وتارە باس لەوە دەکات، کە (ترەمپ) بۆ گەیشتن بە سەربەخۆیی، هیوای زیاتری بە کوردەکانی عێراق بەخشیوە.

لە وتارەکەدا نووسەر دەنووسێت: کوردەکان خەریکی چارەکردنی کێشەکانیانن و پارتی و یەکێتی و حزبەکانی دیکە کار بۆ ڕیفراندۆم لەسەر سەربەخۆیی دەکەن. ئەوەش یەکەمجار نییە، کە کوردەکان هەوڵ بۆ سەربەخۆیی دەدەن. ئێستا زیاتر لە جاران گەشبینن بە سەرکەوتنیان و ئەو جیاوازییەش بۆ سیاسەتی نوێی ئەمەریکا و (دۆناڵد ترەمپ) دەگەڕێتەوە و، (ترەمپ) هەلێکی نوێی بۆ سەربەخۆییی کوردستان ڕەخساندووە.




دوایین هەواڵەکان

موسەننا ئەمین: به‌و دەستووره‌ی پڕوپاگەندەی جێبەجێكردنی دەكه‌ن، بە كەمتر لە ١٧% رازی نابین

SATURDAY, 25 NOVEMBER 2017 12:11:34
هەولێر-KDP.info- سەرۆكی فڕاكسیۆنی یەكگرتووی ئیسلامی لە پەرلەمانی عێراق ئاماژە بۆ ئەوە دكات، ئەگەر بەغدا دەیەوێ یاسا و دەستوور جێبەجێ بكات، پێویستە لەوەوە دەست پێ بكات بەشەبوودجە و مووچەی خەڵكی كوردستان رەوانە بكات. دەشڵێ، "بە ھەموولایەكمان راگەیاندووە بە كەمتر لە ١٧% رازی نابین و مافی خەڵكی كوردستانە بەپێی دەستوورێك كە عێراق پڕوپاگەندەی جێبەجێكردنی دەكات".
 
تۆزەکەی سەر دەستووری عێراق به‌مزووانه‌ لا ده‌برێت؟

SATURDAY, 25 NOVEMBER 2017 12:11:05

هه‌ولێر-KDP.info-  کۆمەڵگای نێودەوڵەتی، حکوومەتەکانی بەغدا و هەولێر هان دەدەن لەسەر بنەمای دەستوور دەست بە دانوستان بکەنەوە، بەڵام دیار نییە بەپێی شرۆڤه‌ی کام لایەن لە دەستوور ئەو پرۆسەیە دەست پێیکەن. سەرەڕای هاندانی نێودەوڵەتی، پەرلەمانتارێکی کورد پێی وایە، تا هەڵبژاردنی داهاتوو بەغدا و هەولێر لە دەوری مێزێک کۆ نابنەوە.

 
بەڕێوەبەری كشتوكاڵی كەركووك: زەوی لە كورد وەردەگیرێتەوە و دەدرێتەوە عەرەبەكان

SATURDAY, 25 NOVEMBER 2017 12:11:10
كەركووك-KDP.info- بەڕێوەبەری كشتوكاڵی كەركووك دەڵێ، ئەو عەرەبانەی پێشتر گرێبەستی زەوییەكانیان ھەڵوەشاوەتەوە كە موڵكی كورد بوون، ئێستا جارێكی دیكە گەڕاونەتەوە سەر زەوییەكان و لە كوردی وەردەگرنەوە، بە جۆرێك جارێكی دیكە بەعەرەبكردن بە شێوەیەكی زەق لە كەركووك زیندوو كراوەتەوە.
 
موراد ئاغا: ھەشت كەس كوژراون.. زانیاری ھەیە كه‌ چەند گرووپێكی شیعەن

SATURDAY, 25 NOVEMBER 2017 12:11:34
خانەقین-KDP.info- ئەندامێكی ئەنجوومەنی شارۆچكەی خانەقین ڕایدەگەیێنێت، دوای نەمانی ھێزی پێشمەرگە لە ناوچەكە، ئێستا چەندان گرووپی شیعە پەیدا بوونە و خەڵكی كورد و سوننە دەكەنە ئامانج، تەنیا لە چەند رۆژی رابردوویشدا، ھەشت كەس كوژراون.
 
سەرحان سلێڤانەیی: به‌غدا زانی هه‌ڵه‌ی كردووه‌، بۆیه‌ به‌ بەشەبوودجەی ھەرێمدا ده‌چێته‌وه‌

SATURDAY, 25 NOVEMBER 2017 11:11:02

بەغدا-KDP.info-  ئەندامێكی لیژنەی دارایی لە پەرلەمانی عێراق دەڵێت، حكوومەتی عێراق گۆڕانكاری لە پڕۆژەیاسای بوودجەدا دەكات و رەنگە بیكاتەوە ١٧%، چونكە بە ھۆی گوشاری كەسانێكەوە بەشەبوودجەی ھەرێم كەم كراوەتەوە، ئێستایش حكوومەتی عێراق دەزانێت سەر ناگرێت، بۆیە وەكوو خۆی لێ دەكاتەوە.

 


 
© 2017 Kurdistan Democratic Party, KDP