Kurdî  ■  كوردی  ■  عربي
FRI, 28 JUL 2017 15:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەلی دۆڵەمەڕی: فه‌ره‌نسا ڕێز لە ئیرادەی گەلی کوردستان دەگرێت
| KDP.info



هه‌ولێر-KDP.info-  (عه‌لی دۆڵه‌مه‌ڕی) نوێنه‌ری حكوومه‌تی هه‌رێمی كوردستان له‌ فه‌ره‌نسا، دووپاتی ده‌كاته‌وه‌ كه‌ ده‌وڵه‌تی فه‌ره‌نسا و گه‌له‌كه‌ی، به‌ ته‌واوی پشتگیریی له‌ سه‌ربه‌خۆییی هه‌رێمی كوردستان ده‌كه‌ن.

له‌ كاتی هێرشی چه‌كدارانی سه‌ر به‌ ده‌وڵه‌تی ئیسلامی(داعش) بۆ عێراق و داگیركردنی چه‌ند ناوچه‌یه‌كی فراوان له‌ خاكی ئه‌و وڵاته‌ و هه‌رێمی كوردستان، (فرانسوا ئۆلاند) سه‌رۆكی فه‌ره‌نسا، چه‌ند جار سه‌ردانی هه‌رێمی كوردستانی كرد و پشتیوانیی خۆی له‌ گه‌لی كورد دووپات كرده‌وه‌.
ئه‌و وڵاته‌ كه‌ ئه‌ندامی هاوپه‌یمانیی نێوده‌وڵه‌تیی دژ به‌ داعشه‌، پێوه‌ندی "پته‌وی" له‌گه‌ڵ هه‌رێمی كوردستاندایه‌.

(عه‌لی دۆڵه‌مه‌ڕی) نوێنه‌ری حكوومه‌تی هه‌رێمی كوردستان له‌ فه‌ره‌نسا له‌ لێدوانێكی تایبه‌تدا بۆ ماڵپه‌ڕی فه‌رمیی پارتی دیموكراتی كوردستان ده‌ڵێ، "فه‌ره‌نسا هه‌ر له‌ ساڵی 1991ه‌وه‌ پشتگیریی خۆی بۆ گه‌لی كورد دووپات كردووه‌ته‌وه‌ و، ئێستایش پێوه‌ندییان له‌گه‌ڵ هه‌رێمی كوردستاندا پته‌وه‌."

(دۆڵه‌مه‌ڕی) زیاتر ده‌ڵێ، "فه‌ره‌نسا له‌ كاتی ته‌نگانه‌دا پشتگیری له‌ گه‌لی كورد كردووه‌ و له‌ شه‌ڕی داعشدا، سه‌رۆكی فه‌ره‌نسا یه‌كه‌م سه‌رۆكی وڵاتان بوو كه‌ سه‌ردانی كوردستانی كرد و به‌ هه‌موو شێوه‌یه‌ك پشتوانیی بۆ هێزی پێشمه‌رگه‌ی دووپات كردووه‌ته‌وه‌".

دوێنێ (یه‌كشه‌ممه‌) شاندی هاوبه‌شی پارتی دیموكراتی كوردستان و یه‌كێتیی نیشتیمانیی كوردستان له‌گه‌ڵ كۆنسوول و نوێنه‌رانی وڵاتان كۆ بوونه‌وه‌ و ریفراندۆم و سه‌ربه‌خۆییی كوردستان پرسی سه‌ره‌كیی كۆبوونه‌وه‌كه‌ بوو.

نوێنه‌ری فه‌ره‌نسا له‌ هه‌ولێر، له‌و كۆبوونه‌وه‌یه‌دا به‌شدار بوو و (عه‌لی دۆڵه‌مه‌ڕی) ده‌ڵێ كه‌ "فه‌ره‌نسا رێز له‌ ئیراده‌ی گه‌لی كورد ده‌گرێ".
ئه‌و گوتی، "ئه‌گه‌ر ئێمه‌ بڕیاری سه‌ربه‌خۆیی بده‌ین، ئه‌وان رێز له‌ ئیراده‌ی ئێمه‌ ده‌گرن و هه‌موویان پشتیوانیی خۆیان بۆ گه‌لی كورد دووپات ده‌كه‌نه‌وه‌. ریفراندۆم و سه‌ربه‌خۆیی، بابه‌تێكی ناوخۆییه‌ و ئه‌گه‌ر ببێته‌ ئه‌مری واقیع، فه‌ره‌نسا و گه‌له‌كه‌ی پشتگیریی ئێمه‌ ده‌كه‌ن".

كاوه‌ جه‌م  




دوایین هەواڵەکان

مەکتەبی سەرۆک لە دووپرسەی جیادا سەرەخۆشیی لە خانه‌واده‌ی شێخ تارق و عه‌بدولواحید سه‌مه‌د سه‌عید دەکات

FRIDAY, 28 JULY 2017 14:07:02

به‌ێزان له‌ خانه‌واده‌ی شێخ تارق ره‌ئوف سه‌ید نوری

١٠٦٩ رزگاربووی دیکەی دەستی داعش لە ئەڵمانیا چارەسەر دەکرێن

FRIDAY, 28 JULY 2017 10:07:03

ئەڵمانیا-KDP.info- سێ ویلایەتی دیکەی ئەڵمانیا بڕیاریاندا کە پێشوازی لە ١٠٦٩ رزگاربووی دەستی داعش بکەن بە مەبەستی وەرگرتنی چارەسەری پزیشکی.

هەماهەنگی و هاوکارییەكانی ئه‌مه‌ریكا بۆ هه‌رێمی كوردستان بەردەوام دەبێت

FRIDAY, 28 JULY 2017 00:07:36

هه‌ولێر-KDP.info-  لە دیداری نێوان سه‌رۆكی هه‌رێمی كوردستان و باڵیۆزی ئه‌مه‌ریكا له‌ عێراق، باس له‌ ڕەوشی سیاسیی عێراق و کوردستان كرا، هەروەها ڕەوشی سەربازی و شەڕی دژی تیرۆریستان خرایە بەرباس و تەئکید کرایەوە، کە ئەو هەماهەنگی و هاوکارییەی بۆ تێکشکاندنی تیرۆریستان هەبووە، بەردەوام دەبێت.

 
تەیار نەهزەی عەرەبی: ڕێز لە بڕیاری گەلی کوردستان دەگرین

THURSDAY, 27 JULY 2017 19:07:17

هەولێر-KDP.info-  لە دیداریاندا لەگەڵ بەرپرسی مەکتەبی پێوەندییەکانی کوردستانی و عێراقیی پارتی دیموکراتی کوردستان، تەیار نەهزەى عەرەبى لە بەغد ڕایانگەیاند، ڕێز لە بیر و بۆچوون و مافى بڕیاردانى گەلى کوردستان بۆ ئەنجامدانى ڕیفراندۆم و سەربەخۆییى کوردستان دەگرین.

فڕۆکە جەنگییەکانی تورکیا بنکەکانی پەکەکەی لە سنووری ئامێدی بۆردومان کرد

THURSDAY, 27 JULY 2017 17:07:22

ئامێدی-KDP.info-  ئەمڕۆ فڕۆکە جەنگییەکانی تورکیا بە ھۆی ھەبوونی بنکە و بارەگای پارتی کرێکارانی کوردستان، پەکەکە، ناوچەی ئامێدییان بۆردومان کرد و قایمقامی ئامێدیش دەڵێت، پەکەکە زیانی گەیاندووەتە ئامێدییەکان.



 
© 2017 Kurdistan Democratic Party, KDP