Kurdî  ■  كوردی  ■  عربي
THU, 22 FEB 2018 19:54 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هه‌ولێر له‌ ده‌مه‌وعه‌سری 11ى ئاداری 1991 ئازاد كرا
| KDP.info


كه‌نعان به‌هادین
ئێواره‌ى 9ى ئادار 1991ى هه‌ولێر، ئێواره‌یه‌كى پڕ له‌ مه‌ترسی و  شێواوى بوو، پۆلیس و ئاسایشى سه‌ر به‌ رژێمى به‌عس له‌ گه‌ڕه‌كه‌كانى هه‌ولێر بڵاوه‌یان پێكرابوو، ئۆتۆمبێلى نه‌ژده‌ ڕه‌شه‌كه‌ى مه‌خفه‌ره‌كانى پۆلیسخانه‌ى هه‌ولێر كه‌وتنه‌ به‌ر ڕه‌شبگیری و گرتن و راوه‌دوونان.
خه‌ڵك له‌ سووچ و كۆڵانه‌كاندا ئاگریان ده‌كرده‌وه‌، له‌كاتى بینینى دووكه‌ڵى ڕه‌شى ئاگر، یه‌كڕاست به‌عس ده‌گه‌یشتنه‌ ئه‌وێ و ده‌یانكوژانده‌وه‌، كاتێك هه‌موو لا ئه‌وه‌ ده‌زانن كه‌ ئاگر سیمبولى ئازادى و سه‌ربه‌خۆییی كوردانه‌، دووژمنانى كورد ئێستایش له‌ ئاگر ده‌ترسن.
به‌عس شێواو بوو، ئه‌و شه‌وه‌ ده‌نگى ته‌قه‌ له‌هه‌ولێر به‌رز بۆوه‌، پێده‌چوو شانه‌ نووستووه‌كانى پێشمه‌رگه‌ له‌ هه‌ولێر كه‌وتبوونه‌ كار و به‌رپرسه‌ باڵاكانى حزبی به‌عسیش ورده‌ ورده‌ له‌ هه‌ولێر به‌ره‌و كه‌ركووك و مووسڵ و به‌غدا رایان ده‌كرد، تا به‌یانى ته‌ق و هۆڕ له‌ پایته‌ختى كوردان ده‌نگى  ده‌هات.
كاتێ به‌یانیى 11ى ئاداری 1991 هات، له‌ گشت شه‌قامه‌كانى هه‌ولێر ده‌نگى (بژى هێزى پێشمه‌رگه‌، سه‌ددام نزیكى مه‌رگه‌) به‌رز ده‌بۆوه‌، كۆپته‌ره‌كه‌ى به‌عس له‌ به‌رزایى ئاسمانى هه‌ولێره‌وه‌ بۆردوومانى سه‌ختى ده‌كرد، پێشمه‌رگه‌ دابه‌زیه‌ نێو گه‌ڕه‌كه‌كانى ته‌یراوه‌ و عه‌ره‌ب و ته‌عجیل و ئیسكان و شۆڕش و موفتى و كوران، خه‌ڵك به‌ جۆش و خرۆشه‌وه‌ كه‌وتنه‌ به‌ر هێرشبردنه‌ سه‌ر مه‌نزوومه‌ى شیمالى و موحافه‌زه‌ و موعه‌سكه‌ری ڕه‌شكین و فه‌یله‌ق، تا دواى نیوه‌ڕۆ و شه‌ڕێكى سه‌خت و خوێناوى، هه‌ولێر ئازاد كرا و كۆپته‌ره‌كه‌ش له‌ ئاسماندا ون بوو و رای كرد.
ئیدى بۆ یه‌كمجار زۆر به‌ زه‌قى، پێشمه‌رگه‌م بینى، جلى كوردیم بینى، هوتافى نیشتیمانى و ده‌نگى شڤان په‌روه‌رو حه‌مه‌ جه‌زا، له‌ شه‌قام و كۆڵانه‌كانى هه‌ولێر به‌ به‌رزى ده‌بیسترا. هه‌ولێر ته‌وقى دیلى و داگیركاری تێكشكاند، هه‌ولێر له‌ده‌مه‌وعه‌سری 11ى ئاداری 1991 ئازاد كرا.




دوایین هەواڵەکان

مه‌سروور بارزانی گه‌یشته‌ ئه‌مریكا

THURSDAY, 22 FEBRUARY 2018 16:02:22

ئەمەریکا-KDP.info-  مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان به‌ سه‌ردانێك گه‌یشته‌ ویلایه‌ته‌ یه‌كگرتووه‌كانی ئه‌مەریكا و بڕیاره‌ له‌و سه‌ردانه‌یدا چاوی به‌ ژماره‌یه‌ك به‌رپرسی باڵای ئه‌مریكا بكه‌وێت.

فەلاح حەسەن باسی ڕیفراندۆم و کەرکووکی بۆ سەرۆکەکانی لاوانیی سیاسیی ئەورووپا کرد

THURSDAY, 22 FEBRUARY 2018 15:02:14

ئیتالیا -KDP.info- جێگری سەرۆکی لاوانی سیاسیی جیهان باسی ڕیفراندۆم و کەرکووکی بۆ سەرجەم سەرۆکەکانی لاوانی سیاسیی وڵاتانی ئەورووپا کرد.

 
بەرزنجی: هاوپەیمانێتیی عەبادی بەرەو لاوازی دەچێ و ناچارە داواکاریی کورد جێبەجێ بکات

THURSDAY, 22 FEBRUARY 2018 15:02:05

هەولێر-KDP.info- سەرۆکی سەنتەری زەھاوی بۆ لێکۆڵینەوە ئاشکرای کرد، زانیاری ھەیە لە مانگی ئاداری داھاتوودا ھەرێمی کوردستان و بەغدا لە ژێر چاودێریی نێودەوڵەتیدا دەگەنە ڕێککەوتن بۆ چارەسەرکردنی کێشەکانیان و دەشڵێ، ھاوپەیمانیی عەبادی بەرەو لاوازی دەچێت و ناچارە داوکاریی کورد جێبەجێ بکات.

 
"بەغدا لە فرۆشتنی نەوتی کەرکووک دەستووری پێشێل کردووە"

THURSDAY, 22 FEBRUARY 2018 15:02:42

کەرکووک -KDP.info- پسپۆڕێکی کەرتی نەوت پێی وایە، فرۆشتنی نەوتی کەرکووک بەبێ ھەماھەنگیی ئەنجومەنی پارێزگا لادانە لە دەستووری عێراق و دەشڵێ، بە پێی ماددەی  ١١٢ی دەستووری عێراق، بەغدا ناتوانێ بە تاکلایەنە و بەبێ ڕێککەوتن و ھەماھەنگی نەوتی ھیچ پارێزگایەک ھەناردە بکات.

 
وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 


 
© 2017 Kurdistan Democratic Party, KDP