Kurdî  ■  كوردی  ■  عربي
SAT, 25 NOV 2017 10:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کەلوپەلی روفاتی ئەنفالکراوان دەگەڕێندرێتەوە و ده‌پارێزرێن
| KDP.info


هه‌ولێر-KDP.info-  بەڕێوەبەری گشتیی گۆڕەبەکۆمەلەکان لە وەزارەتی کاروباری شەھیدان ده‌ڵێت، چەند کاروانێک لە کەلوپەلی روفاتی ئەنفالکراوانی ھەرێمی کوردستان گەڕێندراونەتەوە کوردستان و، بڕیاریش وایه‌ چەند کاروانێکی دیکەش بگەڕێندرێنەوە و لە مۆزەخانە بیانپارێزین. لەبارەی لەناوچوونی گۆڕێکی بەکۆمەڵی بارزانییەکانیش لە ناوچەی عەفەک دەڵێ، لەگەڵ (ئەدھەم بارزانی) بەدواداچوونیان بۆی کردووە و ئەمەی بڵاو بووه‌تەوە گۆڕستانی بارزانییەکانە نەک گۆڕی بەکۆمەڵ.

(پەروین نووری) بەڕێوەبەری گشتیی گۆڕەبەکۆمەڵەکان بە ماڵپەڕی فەرمیی پارتی دیموکراتی کوردستانی راگەیاند "دوای بڵاوبوونەوەی زانیاری لەبارەی ھەبوونی گۆڕێکی بەکۆمەڵی بارزانییەکان لە باشووری عێراق، لەلایەن ئێمەوە بەدواداچوونی بۆ کرا و بەڕێزان (شێخ ئەدھەم بارزانی) و دکتۆر (محەمەد ئیحسان)یش ھاوکار بوون لەو پرسەدا، بەڵام دواتر دەرکەوت ئەمە گۆڕی بەکۆمەڵی ئەنفال نییە، بەڵکو ئەو گۆڕە لە ناوچەی عەفەک گۆڕستانی بارزانییەکانە، ئەویش دوای ئەوەی رژێمی بەعس دوای رێكکەوتنی جەزائیر ژمارەیەک خێزانی (بارزانی)انی نەفی کردوون بۆ شاری عەفەک و بارزانییەکانیش ئه‌وكات گۆڕستانیان بۆ مردووەکانیان دروست کردووه‌.''

بەڕێوەبەری گۆڕەبەکۆمەڵەکان ئاماژەیشی دا ''دوای ھەڵوەشاندنەوەی وەزارەتی مافی مرۆڤی عێراق، دۆسیەی گۆڕە بە کۆمەڵەکان رادەستی دەزگای شەھیدانی عێراق کراوە، لە سەردەمی وەزارەتی مافی مرۆڤ ژمارەیەک زۆری کەلوپەلی شەھیدانی جینۆسایدی خەڵکی کوردستان کەوتە ژێر دەستی دەزگای شەھید، هه‌ڵبه‌ت پێشتر کەلوپەلی روفاتی بارزانییەکانمان گەڕاندەوە بۆ ھەرێمی کوردستان، دوێنێیش کاروانێکی دیکەی کەلوپەلی روفاتی ئەنفالی گەرمیانمان گەڕاندەوە بۆ ھەرێمی کوردستان و، بڕیارە لە شوێنێکی شایستەدا ئەرشیڤ بکرێن.''

(پەروین نووری) گوتیشی "دەزگای شەھیدی عێراقی زۆر ھەوڵی دا کەلوپەلی روفاتی ئەنفالکراوان ھەر لە بەغدا و لە مۆزەخانەی نیشتیمانی بمێنێتەوە، بەڵام ئێمە وەک ھەرێمی کوردستان بەو داوایە رازی نەبووین، چونکە ئەم کەلوپەلانە سەروەتی نیشتیمانیی خەڵکی کوردستانن، پێویستە لە مۆزەخانەکانی ھەرێمی کوردستان بپارێزین، دیاره‌ ھێشتا چەند کاروانێکی دیکەش ماون بڕیارە بیانگەڕێنینەوە بۆ ھەرێمی کوردستان.''

قائید میرۆ
 




دوایین هەواڵەکان

حكوومه‌تى هه‌رێمى كوردستان هێرشه‌كه‌ى سینا سه‌ركۆنه ده‌كات

FRIDAY, 24 NOVEMBER 2017 21:11:30

هه‌ولێر-KDP.info-  حكوومه‌تى هه‌رێمى كوردستان وێڕای سه‌ركۆنه‌كردنی هێرشه‌ تیرۆریستییه‌كه‌ی میسڕ، هاوكات هاوخه‌میی حكوومه‌ت و گه‌لی كوردستان به‌ گه‌ل و حكوومه‌تی میسڕ ڕاده‌گه‌یێنێ.

 
میسڕ خوێناویترین ڕۆژی به‌ڕێ كرد

FRIDAY, 24 NOVEMBER 2017 20:11:48

هه‌ولێر-KDP.info- ئه‌مڕۆ هه‌ینی، ٢٣٥ كوژران و ده‌یانیش بریندار بوون به‌ هۆی ئه‌و هێرشه‌ی كرایه‌ سه‌ر نوێژخوێنانی مزگه‌وتێكی شاری سینا له‌ میسڕ.

 
لیژنەی تەندروستیی پەرلەمان: بەغدا، وه‌ك پرسێکی سیاسی له‌ بەشەدەرمانی ھەرێمی کوردستان ده‌ڕوانێ

FRIDAY, 24 NOVEMBER 2017 18:11:31

هه‌ولێر-KDP.info-  ئەندامێکی لیژنەی تەندروستیی پەرلەمانی کوردستان ده‌ڵێ، بەغدا بەشەدەرمانی ھەرێمی کوردستانی بە شێوەیەکی بەرچاو کەم کردووه‌تەوە و، نەخۆشێکی تالاسیما  بەو ھۆیەوە گیانی لە دەست دا. ئاشكرایشی ده‌كات، ئەو دەرمانە کەمەشی كه‌ بۆ ھەرێمی کوردستانی ده‌نێرێ، له‌ ئێكسپایه‌ربوون زۆر نزیكن.

 
پەرلەمانی كوردستان كار لەسەر یاسا هاوبەشەكانی نێوان هەولێر و بەغدا دەكات

FRIDAY, 24 NOVEMBER 2017 17:11:43

هه‌ولێر-KDP.info-  جێگری سەرۆكی فراكسیۆنی پارتی لە پەرلەمانی كوردستان ده‌ڵێ، كاره‌ له‌پێشینه‌كانی په‌رله‌مان ئەو یاسایانەن كە گرێدراون بە ژیانی هاووڵاتیانی كوردستانەوە. گوتیشی، فراكسیۆنی پارتی لە پەرلەمان دەیەوێت ئەو یاسایانەی لە نێوان هەرێمی كوردستان و عێراقدا هاوبەشن، په‌رله‌مان كاریان له‌سه‌ر بكات نموونەی یاسای دەروازە سنوورییەكان.

 
سێ كچی دیکەی کوردانی ئێزدی رزگار کران

FRIDAY, 24 NOVEMBER 2017 17:11:08

دهۆک-KDP.info-  بەرپرسی نووسینگەی رفێنراوانی کوردانی ئێزدی لە پارێزگای دهۆک دەڵیت، ئەمڕۆ هەینی، سێ کەسی دیکە له‌ کوردانی ئێزدی کە خەلکی شنگالن لە دەست تیرۆریستانی داعش رزگار کران.

 


 
© 2017 Kurdistan Democratic Party, KDP