Kurdî  ■  كوردی  ■  عربي
MON, 23 APR 2018 12:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارێزه‌ران له‌باره‌ی بێڕێزیی هەڵسوڕاوه‌که‌ی گۆڕان بە ئاڵا، ده‌ڵێن: ده‌بێ بزووتنەوەی گۆڕان خۆی لەسەر ئەو کەیسە یەکلا بکاتەوە
| KDP.info



هەولێر-KDP.info-  هەڵسوڕاوێکی بزووتنەوەی گۆڕان سوکایەتیی بە ئاڵای کوردستان کرد و، سەرۆکی لقی سەندیکای پارێزەرانی کوردستانیش دەڵێ، کەیسەکە لەلای داواکاری گشتی دەجووڵێنرێت.

(ڕۆستەم عەزیز سلێمان) هەڵسوڕاوی بزووتنەوەی گۆڕان، تۆمارێکی ڤیدیۆیی بڵاو کردەوە کە تێیدا سووکایەتیی بە ئاڵای کوردستان دەکات. پێشتریش ئه‌م (ڕۆستەم عەزیز سلێمان)ه‌ی هەڵسوڕاوی گۆڕان لە بەریتانیا و لە کۆنفرانسی بزووتنەوەی گۆڕاندا لە لەندەن داوای لە (نەوشیروان مستەفا) کرد، گۆڕان دەزگایەکی جاسووسی دروست بكات و 10 کەسی وەک ئەو بنێرێتەوە کوردستان، تاكوو هەرکەسیان بوێت بۆیان بکوژێ. هەر ئەو (رۆستەمە) ئەمڕۆ تف لە ئاڵای پیرۆزی کوردستان دەکات، کە سەدان پێشمەرگە لە پێناو بەرزڕاگرتنی ئەم ئاڵایە گیانی خۆیان کردووه‌تە قوربانی.

له‌مباره‌یه‌وه‌ (ئەیاد کاکەیی)، سەرۆکی لقی هەولێری سەندیکای پارێزەرانی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: ''هەموو تاکێکی خەڵکی کوردستان مافی خۆیەتی سكاڵا لەو هەڵسوڕاوەی بزووتنەوەی گۆڕان بکات و، لە حاڵەتێکی ئاوادا دەبێ یەکسەر داواکاری گشتی ئاگادار بکرێتەوە، چونکە ئەوە هێمای نەتەوەییی گەلی کورستانە و لە پەرلەماندا دەنگی لەسەر دراوە.''

(کاکەیی) گوتیشی: ''بزووتنەوەی گۆڕان لە ئەگەری سکاڵای داواکاری گشتی ئاگادار دەکرێتەوە و، دەبێت پێش ئاگادارکردنەوەی لەلایەن داواکاری گشتییەوە، خۆی لەسەر ئەو کەیسە یەکلا بکاتەوە.''

هه‌ر دوای سوکایەتیی بە ئاڵای کوردستان، کەمپینێک لەسەر ئاستی کوردستان بۆ بەرزڕاگرتنی ئاڵای کوردستان ڕاگەیەنرا و، بڕیارە کەمپینەکە نامەیەک ئاراستەی پەرلەمان و لایەنە پێوەندیدارەکان بکات.
(نیاز حاجی) ئەندامی کەمپینی بەرزڕاگرتنی ئاڵا، بە ماڵپەڕی فەرمیی پارتی دیموکراتی کوردستانی ڕاگەیاند: ''پێویستە دامودەزگا یاسایییەکانی کوردستان بێنه‌ ده‌نگ و، دەبێ بزووتنەوەی گۆڕان ناچار بکەن داوای لێبوردن لە گەلی کوردستان بکات و خۆی لەو هەڵسووڕاوەی بزووتنەوەکە بێبەری بکات، تا ڕووبەڕووی یاسا بکرێتەوە. بەپێچەوانەوە دەبێ ڕێوشوێنی یاسایی به‌رانبه‌ر به‌ بزووتنەوەی گۆڕان بگیرێتەبەر.''

ئاماژه‌ به‌وه‌ی كه‌ پێشتریش له‌ لایه‌ن هه‌ڵسوڕاوانی گۆرانه‌وه‌ بێڕێزی به‌ پێشمه‌رگه‌ش كراوه‌ و ئه‌مه‌ جاری یه‌كه‌م نییه‌ هه‌ڵسوراو و چالاكوانانیان لێدوان و ڕه‌فتاری دژ به‌ سیمبوله‌كانی نه‌ته‌وه‌كه‌یان بده‌ن، ئه‌و ئه‌ندامه‌ی کەمپینی بەرزڕاگرتنی ئاڵا باوه‌ڕی وایه‌: ''کاتێک هەڵسووڕاوێکی بزووتنەوەی گۆڕان سوکایەتیی بە ئاڵای کوردستان دەکات و تفی لێ دەکات، بزووتنەوەکەش هیچ هەڵوێستێک دەرنابڕێت، ئەوە مانای ئەوەیە بزووتنەوەکە خۆی ئەو کارەی کردووە. ئاخر ئاڵا لای ئەوان لە پارچەپەڕۆیەک زیاتر نییە و، لای ئەوان شتێک بە ناوی نەتەوە و ڕەمزی نەتەوەیی نییە. ئەوان بۆ شکاندنی شکۆی نەتەوە دروست کراون.''


هه‌رچی پارێزەر (بەختیار حەیدەر)ه‌ جه‌خت ده‌كاته‌وه‌ له‌وه‌یه‌ كه‌، ئەگەر ئەوە لە هەر وڵاتێک بکرێت، ''دەچێتە خانەی خیانەتی نیشتمانییەوە'' و ناکرێ ئەو پرسە چاوپۆشی لێ بکرێت.

ئه‌و پارێزه‌ره‌ بۆ ماڵپه‌ڕی ه‌فرمیی پارتی گوتیشی، ''جگە لەوەش دەبێ ئەو حزبە سیاسییەی ئەو کەسەی پێگەیاندووە، بە شێوەیەکی فەرمی داوای لێبوردن بکات، چونکە حزبی سیاسیی کوردستان، لەژێر سێبەری ئاڵای کوردستان و پێشمەرگەدا دەتوانن کاری خۆیان بکەن.''

کارزان سەباح
 




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP