Kurdî  ■  كوردی  ■  عربي
WED, 24 MAY 2017 18:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هۆڵه‌ندا ڕۆڵى پێشمه‌رگه به‌رز ده‌نرخێنێت
| KDP.info


هەولێر-KDP.info-  لە دیداریدا لەگەڵ سەرۆکوەزیرانی کوردستان وەزیری پەرەپێدان و هاوكاری و بازرگانیی نێودەوڵەتیی هۆڵەندا، سوپاسی پێشمەرگەی كرد كە قوربانییەكی زۆری بەخشی بۆ ئازادكردنی ناوچە جیاوازەكان لە دەستی تیرۆر و بەرگریكردن لە بنەما مرۆییەكان و پاراستنی مرۆڤایەتی كە هەموو جیهان ئەو قوربانیدانەی پێشمەرگە بەرز دەنرخێنێت.

ئێوارەی ئەمڕۆ سێشەممە 10-1-2017 (نێچیرڤان بارزانی) سەرۆكوەزیرانی هەرێمی كوردستان، پێشوازی لە خاتوو (لیلیان پلۆومەن) وەزیری پەرەپێدان و هاوكاری و بازرگانیی نێودەوڵەتیی هۆڵەندا و شاندێكی دیپلۆماسیی یاوەری كرد.
لە دیدارێكدا خاتوو (پلۆومەن) خۆشحاڵیی خۆی بە سەردانی هەرێمی كوردستان دەربڕی و سوپاسی پێشمەرگەی كرد كە قوربانییەكی زۆری بەخشی بۆ ئازادكردنی ناوچە جیاوازەكان لە دەستی تیرۆر و بەرگریكردن لە بنەما مرۆییەكان و پاراستنی مرۆڤایەتی كە هەموو جیهان ئەو قوربانیدانەی پێشمەرگە بەرز دەنرخێنێت، هەروەها سوپاسی خەڵك و حكوومەتی هەرێمی كوردستانیشی كرد كە لە ڕووبەڕووبوونەوەی تیرۆردا خۆڕاگر بوون و سەرەڕای بارودۆخێكی سەختی ئابووری، پێشوازییان لە ژمارەیەكی یەكجار زۆری ئاوارە و پەنابەرانی دەستی تیرۆر كردووە و یارمەتی و خزمەتگوزاریی پێویستیان پێشكەش كردوون.

لە بەشێكی دیكەی قسەكانیدا جەختیان لە چارەكردنی كەموكوڕییەكانی ناو كەمپی ئاوارەكان كردەوە و بەپێویستی زانی كۆمەڵگەی نێودەوڵەتی بە ڕێگە جیاوازەكان هاوكاریی زیاتر پێشكەش بە ئاوارەكان بكات، هەروەها قۆناغی دوای ئازادكرنەوەی مووسڵ و گەڕانەوەی متمانە بۆ پێكهاتە جیاوازەكانی دەڤەرەكە و دابینكردن و پاراستنی ئاسایش و ئاوەدانكردنەوەی ناوچەكەی، دووپات كردەوە. ئامادەییی وڵاتەكەیشی بۆ هاوكارییكردنی حكوومەتی هەرێمی كوردستان بۆ ڕووبەڕووبوونەوەی ئەو قەیرانە داراییەی بەرۆكی هەرێمی گرتووە، نیشان دا.

لای خۆیەوە سەرۆكوەزیرانی هەرێمیكوردستان سوپاسی ئەو سەردانە و تێبینی و بۆچوونەكانی بەڕێزیانی كرد و دڵنیای كردەوە كە حكوومەتی هەرێمی كوردستان بەردەوام دەبێت لە هاوكاریكردنی ئاوارە و پەنابەرانی دەستی تیرۆر.
دووپاتیشی كردەوە كە حكوومەتی هەرێم بۆ هەر گۆڕانكاری و پێشوەچوونێكی سەردەمیانە ئامادەیە بەشێوەیەك لە بەرژەوەندیی خەڵكی هەرێمی كوردستاندا بێت. لەمبارەیەشەوە ئاشكرایكرد كە هەرێمی كوردستان دەتوانێت سوود لە پسپۆڕی و ئەزموونی هۆڵەندا وەرگرێت و بۆ ئەو مەبەستەش هەردوولا دەتوانن لێژنەی تایبەتمەند دروست بكەن. داوایشی كرد هۆڵەندا لەسەر ئاستی نێودەوڵەتی ڕۆڵی خۆی ببینێت تا لەو بارودۆخە سەختەدا كۆمەڵگەی نێودەوڵەتی هاوكاریی هەرێمی كوردستان بكات.




دوایین هەواڵەکان

سەبری: هەولێر و ئانکارا بۆ کردنەوەی دەروازەی سەرزێڕێ دانوستانیان کردووە

WEDNESDAY, 24 MAY 2017 17:05:55

کانی ماسێ-KDP.info-  حکوومەتی ھەرێمی کوردستان لە ھەوڵدایە لەگەڵ تورکیا بگاتە ڕێککەوتن بۆ ئەوەی دەروازەیەکی دیکەی بازرگانی لە نێوانیاندا بکرێتەوە و بەڕێوەبەری ناحیەی کانی ماسیی پارێزگای دھۆکیش دەڵێت، لە ئایندەیەکی نیزیکدا دەروازەی سنووری سەرزێڕێ دەکرێتە دەروازەیەکی بازرگانیی نێوان ھەرێم و تورکیا.

پرۆفیسۆر خەلیل ئیسماعیل: دەبێ سنوورێک بۆ حەشدی شەعبی دابنرێت

WEDNESDAY, 24 MAY 2017 16:05:27

هەولێر-KDP.info-  پسپۆڕێکی جۆگرافیای سیاسی پێی وایە دەبێ سنوورێک بۆ حەشدی شەعبی دابنرێت و ڕێ نەدرێت مەرامی سیاسیی ھەندێ لایەن و وڵات لە ناوچە کوردستانییەکانی دەرەوەی ئیدارەی حکوومەتی ھەرێمدا جێبەجێ بکرێت و دەشڵێت، حەشد دەیەوێت سنووری نێوان سووریا و عێراق بکەوێتە ژێر دەستییەوە.

فەرمانگەیەکی چاکسازی بۆ جێبەجێکردنی پڕۆژەی ھەیکەلی نوێی وەزارەتی پێشمەرگە دروست دەکرێت

WEDNESDAY, 24 MAY 2017 12:05:59

ھەولێر-KDP.info- وەزارەتی پێشمەرگە رایدەگەیێنێت، بڕیارە فەرمانگەیەکی نوێ بە ناوی فەرمانگەی چاکسازییەوە دروست بکرێت، کە مەبەست لێی جێبەجێکردنی پڕۆژەی ھەیکەلی نوێی وەزارەتی پێشمەرگەیە.

 
"هەنگاوەکانی بارزانی بۆ سه‌ربه‌خۆییی كوردستان، زۆر ورد و كرده‌نین"

WEDNESDAY, 24 MAY 2017 12:05:19

هەولێر-KDP.info-  (سۆران سێوكانی) باوەڕی وایە کە هەنگاوەکانی (سه‌رۆك بارزانی) بۆ ڕاپرسی بۆ سه‌ربه‌خۆییی كوردستان، زۆر ورد و كرده‌نین. (د.عەرەفات کەرەم)ـیش دەڵی، لایەنە عێراقییەکان گەیشتوونەتە ئەو بڕوایە کە ھەرێم بڕیاری خۆی داوە و پەشیمان نابێتەوە.

 
بەڕێوەبەری دەزگای هەواڵگری و بەرگریی ئەمریکا: سەربەخۆیی کوردستان پەیوەستە بە کاتەوە

WEDNESDAY, 24 MAY 2017 10:05:20

هەولێر-KPD.info-   بەرێوەبەری دەزگای هەواڵگریی بەرگریی ئەمریکا ڕایگەیاند، پرسی سەربەخۆیی هەرێمی کوردستان تەنیا پەیوەستە بە کاتەوە و، لە مانگی ئۆکتۆبەری ئەمساڵێشدا ڕیفراندۆم لەسەر ئەو پرسە دەکرێت.



 
© 2017 Kurdistan Democratic Party, KDP